بصي ده معناه إنك بتتعاملي مع حد بيحاسبك بميزان مش عادل خالص يعني يسامح نفسه على الغلط ويشوف غلطك إنتي جريمة وده في حد ذاته وجع كبير ملوش غير حل واحد إنك تصدقي إنك مش محتاجة تبرري مفيش حد فينا مش بيغلط والجميل فينا هو اللي بيتعلم ويحاول يبقى أحسن الشخص اللي يمسك ليكي الماضي أو يعايرك بحاجة إنتي ندمتي عليها وبطلتيها ده شخص عايز يكسرك مش يبني معاكي حياة واللي بيحب بجد بيبقى ستر وسند مش قاضي وجلاد فنصيحتي ليكي متسمحيش لكلامه يهز ثقتك في نفسك ولا يخليكي تحسي إنك أقل منه لمجرد إنه قرر يفتكر ليكي الوحش وينسى إننا بشر وبنغلط وخليكي فاكرة إن اللي بيحبك بجد هو اللي هيشوف النسخة الحلوة اللي إنتي عليها دلوقتي ويحترم محاولتك إنك تكوني أحسن مش اللي يهد حياك بذنب قديم ملوش دخل بيه أصلاً إنتي غالية ومحاولتك للتغيير دي لوحدها بطولة تستاهل تتقدر مش تتهاجم ربنا يسعدك
شكراً جدا
تم النشر الجمعة، ٢٧ مارس ٢٠٢٦
بصي تسمعي كلامه من ناحية وتطلعيه من الناحية التانية والرد الأقوى هنا هو التجاهل التام يعني بصيله كأنك مش سامعة حاجة أو قولي كلمة واحدة زي تمام أو حصل خير وشوفي وراكي إيه وكمليه عادي الحركة دي بتحسسه إن كلامه ملوش قيمة ومبيأثرش فيكي ومع الوقت هيبطل لأنه مش لاقي رد الفعل اللي هو مستنيه الثبات الانفعالي هو اللي هيخليكي أقوى منه ومن غير ما تضطري تدخلي في خناقة تخسرك طاقتك خليكي واثقة إن غلطات الماضي دروس بنتعلم منها مش سلاح حد يمسكه علينا والسكوت هنا مش ضعف ده ذكاء عشان تشتري دماغك وتكبري عقلك عنه
تم النشر الجمعة، ٢٧ مارس ٢٠٢٦
ما هو الاقوى مقدرش اواجهه و هو اصلا مش بينصح هو بيعاير بس ف بضر اني اسمع و اسكت مقدرش ارد عليه
تم النشر الجمعة، ٢٧ مارس ٢٠٢٦
دي قمة التناقض والظلم النفسي لما يكون الشخص اللي بينصحك هو أكتر حد بيعمل نفس الغلط قدام عينك ده بيسموه إسقاط يعني هو بيحاول يداري على خيبته وغلطه بإنك تكوني إنتي الضحية اللي بيطلع فيها طاقة المحاسبة والتقليل عشان يحس إنه أحسن منك بصي يا ستي الشخص ده مش بينصحك لله ولا عشان مصلحتك ده بيستخدمك شماعة عشان يريح ضميره من غلطه هو لما يعايرك بيحسس نفسه إنه لسه الأعلى وإنه المربي رغم إنه واقع في نفس الفخ الحل هنا إنك متسمحيش لنصيحته تدخل قلبك ولا تهز شعرة فيكي لأن النصيحة اللي مفيهاش قدوة بتبقى مجرد سلاح للكسر مش أكتر لما يجي يعايرك خليكي هادية جداً وبصي له بنظرة اشفاق مش نظرة ذنب وقولي له بمنتهى البرود أنا اتعلمت من غلطي وبحاول أكون أحسن والحمد لله ربنا تاب عليا.. يا ريت إنت كمان تلحق نفسك وتعمل زيي بدل ما تضيع وقتك في محاسبتي وإنت بتعمل نفس الشيء الرد ده بيحطه قدام مراية نفسه وبيفهمه إن لعبته مكشوفة وإنك مش لقمة صايغة ولا عيلة صغيرة هيضحك عليها بشوية كلام وهو أصلاً غرقان في نفس الغلط خليكي واثقة إن ربنا شايف توبتك وشايف فعله هو واللي بيستر الناس ربنا بيستره واللي بيفضحهم ربنا بيكشفه ولو بعد حين
تم النشر الخميس، ٢٦ مارس ٢٠٢٦
ينصحني او يساعدني مش يعايرني و هو بيغلط نفس الغلط طول الوقت و قدامي
تم النشر الخميس، ٢٦ مارس ٢٠٢٦
هو ممكن يكون خايف عليكي ومش عايزك تقعي في الغلط ده تاني بس بطريقه خطأ
تم النشر الخميس، ٢٦ مارس ٢٠٢٦
انا فعلاً غلطت و اعترفت بغلطي واني عملت كده قلة خبرة و مش فاهمه و اتأسفت و ندمت و ادعيت كتير ان اكون احسن و موقعش في غلط من اي نوع لكن ديما بيعايرني و يقلل مني و يفكرني بالغلط ده طول الوقت بمناسبة و بدون مناسبة ولو حبيب كنت بعدت لكن ده شخص من اهلي
تم النشر الخميس، ٢٦ مارس ٢٠٢٦
لعرض الإجابة في فدني اضغط هنا