بصي يا بنت الحلال الله يرضى عليكي ويبارك في شبابك وفي طهرك ونقائك ..مجاهدتك لنفسك دي هي عين العبودية لله والشهوة اللي بتشتكي منها دي مش غول ولا مصيبة دي طاقة فطرية ربنا خلقها فيكي عشان تتوجه في الحلال وفي عمارة الأرض فبلاش تجلدي ذاتك ولا تحسي بالذنب لمجرد إنك بتحسي ببشريتك لكن في نفس الوقت الخوف كل الخوف إن الطاقة دي تخرج في غير رضا الله أو تتحول لوسواس يهد توازنك النفسي والدين مش كلام وبس الدين فقه الواقع وعشان كده لازم تفهمي إن طول فترة الخطوبة مع السفر هو اللي عامل ده ومخلي الفراغ العاطفي والجسدي يضغط عليكي ..والحل هو تعجيل الزواج بكل السبل الممكنة اتكلمي مع خطيبك بمنتهى الصراحة والوضوح وقولي له أنا محتاجالك جنبي ومحتاجة الحلال يعصمنا وإحنا مش حمل تأخير أكتر من كده وخليه يضغط على نفسه وعلى ظروفه عشان يرجع حتى لو هتبدأوا بأقل القليل وبحاجة بسيطة جدا لأن الستر والعفاف مقدم على المظاهر والشكليات وفي نفس الوقت اقفلي على نفسك أبواب التخيلات وبلاش المكالمات الطويلة اللي بتثير العواطف وبتشحن المشاعر ومفيش وراها تفريغ حلال واشغلي وقتك وجسدك وعقلك بحاجة حقيقية تستهلك طاقتك زي دراسة أو شغل أو رياضة لأن النفس إن لم تشغلها بالحق شغلتك بالباطل وافتكري دايما إن ربنا شايف جهادك ومطلع على قلبك وهيجازيكي على صبرك ده خير فاستعيني بالله واعرف إن النصر مع الصبر وإن الفرج مع الكرب وجد والله ربنا يحفظك ويوفقك لما يحب ويرضى..معلش بس سوال انتى محددين موعد الخطوبه والزواج ؟؟
الشكر لله..ربنا يسترها معاكي
تم النشر الأحد، ١٤ يونيو ٢٠٢٦
آمين آمين آمين يارب العالمين. شكرا بجد لكل كلمه قلتها
تم النشر الأحد، ١٤ يونيو ٢٠٢٦
عدم تحديد المعاد عشان ظروفه ده هو عين المشكلة والسبب اللي مخلي القلق والضغط يزيدوا عليكي لأن النفس لما بتلاقي قدامها طريق ملوش نهاية واضحة بتتعب وتستسلم للوساوس والشهوات وعشان كده لازم تفهمي إن تحديد المعاد مش رفاهية ولا ضغط عليه ده حبل النجاة اللي هتمسكوا فيه إنتوا الاتنين عشان تعدوا المرحلة دي والمصارحة هنا لازم تكون ذكية ومتبانش خالص إنك مكسوفة ولا بتشتكي من قلة الصبر كلميه وقولي له أنا عارفة ظروفك ومقدراها فوق ما تتخيل وشايفاك بتعافر بس إحنا لازم نحط خطة ووقت محدد نتحرك على أساسه حتى لو المعاد ده بعد سنة بس نكون عارفين إحنا رايحين فين وإمتى والهدف من ده مش إنك تضغطيه ماديًا بالعكس قولي له إحنا هنحدد المعاد وبناء عليه هنمشي بأقل الإمكانيات المتاحة وقتها ومن غير أي مظاهر ملهاش لازمة لأن الستر والبركة في التيسير والكلام ده هيخليه يحس إنك بتنظمي معاه حياته مش بتطالبيه بحاجة فوق طاقته وهيخليه يشتغل وهو عنده هدف واضح وتاريخ محدد يرجع فيه فاستعيني بالله وخليه يحدد لوقت قريب ومستسلميش لفكرة الظروف المفتوحة دي..وجد والله من كل قلبي اتمنى لكم التوفيق والستر في اسرع وقت ويكون ليكي زوج صالح يعينك على أمور دينك
تم النشر الأحد، ١٤ يونيو ٢٠٢٦
حاضر ربنا ييسر الامور ويعجل بالخير
تم النشر الأحد، ١٤ يونيو ٢٠٢٦
بصي يا بنتي الله يكرمك ويثبتك الحياء في الحق مش حياء ده حرج ملوش لازمة ومصارحة خطيبك باللي جواكي مش عيب ولا هتقلل منك بالعكس دي هتكبرك في نظره بس عشان تشيلي الحرج خالص ومتبانيش مكسوفة كلميه من باب المشاركة والترتيب للمستقبل مش من باب الشكوى والضعف وقولي له جملتين اتنين أنا مقدرة تعبك وظروفك جدا وعارفة إنك بتعمل كل اللي تقدر عليه بس أنا شايفة إن البعد والسفر طولوا والفتن زادت حوالينا وأنا حابة إننا نعجل بكتب الكتاب أو الجواز بأي وضع وبأقل التكاليف الممكنة عشان نبتدي حياتنا صح ونحمي نفسنا وربنا يبارك لنا في القليل بس كده الكلام ده هيوصل له رسالة واضحة إنك بنت أصول وشارياه وعايزة الستر معاه ومش هيبينك مكسوفة ولا هيرهقه ماديًا لأنه طالع من باب الحرص عليه وعلى بيته فاستعيني بالله وقوليها له ومتعجزيش..
تم النشر الأحد، ١٤ يونيو ٢٠٢٦
لا مش محدد معاد بسبب وضعه
تم النشر الأحد، ١٤ يونيو ٢٠٢٦
انا نفسي اتكلم معاه واصارحه وانا متاكده اني لو قلتلو هيسمعني كويس وهيفهمني لاكن محرجه جدا وبما اني عارفه ظروفه كويس ف محرجه اكتر خصوصا انو لو بايدو يجي انهارده هيجي بدون تردد
تم النشر الأحد، ١٤ يونيو ٢٠٢٦
لعرض الإجابة في فدني اضغط هنا