أنا شايفة إنك بتفكري بعقل وهدوء وده شيء يُحترم جدًا وفعلاً الأخلاق والدين والراحة النفسية أهم من الشكل لأن الشكل بيتعوّد عليه، لكن الروح والشخصية هي اللي بنعيش معاها. لكن في نفس الوقت، القبول مهم، مش لازم يبقى 100% من أول لحظة، بس لازم يبقى فيه على الأقل نسبة راحة وقبول مبدئي، علشان بعد كده تقدر العلاقة تكمل. لو انتي مرتاحة وبتحسي إنك تقدري تتقبليه مع الوقت، وإنك هتقدري تعيشي معاه وتبقي مبسوطة من جواكي، ساعتها العقل هيكمل المشوار. لكن لو من جواكي حاسة إنك مش قادرة تتقبلي الشكل إطلاقًا، خدي وقتك وفكري لأن ده من حقك برضو. استخيري وادعي ربنا يبينلك الخير، ولو لقيتي نفسك بترتاحي ليه أكتر مع الوقت فده مؤشر كويس. وربنا يرزقك بالخير في كل الأحوال
لعرض الإجابة في فدني اضغط هنا