انا في أول العشرينات ومتقدملي حد سألنا عليه وعلى أهله والكل شكر فيه وفيهم وأهله ناس كويسين ومريحين وكل الظروف كويسه الحقيقه انا لسه مقعدتش معاه بس شوفته في صور هو كويس بس مش دا الي كنت متخيلاه هي خلقة ربنا طبعا وربنا مخلقش حد وحش وفاهمه ان الأهم الأخلاق والدين والشخصية
هو القبول تقريبا من الصور يدوب ٥٠% بسأل لما اقعد معاه وارتحت لشخصيته هل إعجابي بشكله هيزيد بعدين انا محتاره بين اني أختار بالعقل واختار الأخلاق واقول هتعود على الشكل وبين ان لازم ابقى مقتنعه بكل حاجه من الاول خايفه اظلمه واقصر أو اندم انا صليت استخاره حوالي ٥ مرات ومحستش بحاجه وحشه لو حد كان في ظروف شبه كده والقبول والإعجاب زاد بعد كده ياريت تفيدوني وياريت عن تجربه
لو انتي مش بتحسي بنفور من شكله وشايفة أنه محترم وكويس فاديله فرصة حتى لو شكله مش قد كدا، لكن لو شايفة انك مش متقبلة شكله ومستحيل تحبي أن يكون وشه اول حاجة تصحي عليها😆 فحقك ترفضي ومش عيب ولا حرام بس انصحك انك تديله فرصة لان من كلامك انتي مش نفرانة منه يعني
تم النشر الخميس، ١٧ يوليو ٢٠٢٥
أنا شايفة إنك بتفكري بعقل وهدوء وده شيء يُحترم جدًا وفعلاً الأخلاق والدين والراحة النفسية أهم من الشكل لأن الشكل بيتعوّد عليه، لكن الروح والشخصية هي اللي بنعيش معاها. لكن في نفس الوقت، القبول مهم، مش لازم يبقى 100% من أول لحظة، بس لازم يبقى فيه على الأقل نسبة راحة وقبول مبدئي، علشان بعد كده تقدر العلاقة تكمل. لو انتي مرتاحة وبتحسي إنك تقدري تتقبليه مع الوقت، وإنك هتقدري تعيشي معاه وتبقي مبسوطة من جواكي، ساعتها العقل هيكمل المشوار. لكن لو من جواكي حاسة إنك مش قادرة تتقبلي الشكل إطلاقًا، خدي وقتك وفكري لأن ده من حقك برضو. استخيري وادعي ربنا يبينلك الخير، ولو لقيتي نفسك بترتاحي ليه أكتر مع الوقت فده مؤشر كويس. وربنا يرزقك بالخير في كل الأحوال
تم النشر الأربعاء، ١٦ يوليو ٢٠٢٥
السلام عليكم طبعا الاخلاق والدين اهم شىء توقعات الشكل هى العائق هنا لانك عندك شكل مقرره انه ده احسن شكل يليق يكون زوج مثلا عمليا بقى الشكل بتعتادى عليه وممكن تشوفى احلى من اى شخص تانى لو قدرتى تشوفى كل اشكال الجمال الاخرى فى الشخص ومش هتحسى باى مشكلة لو فضلتى تقارنيه وتبصى على اللى شكلهم زى ما انتى عاوزه وتحسى انك ناقصك شىء رغم اى شىء حلو فى الشخص ده .,..هنا بتكون الازمه فعلا فكرى كويس وشوفى اذا الشكل حاجة اساسية جواكى ولا لا
تم النشر الأربعاء، ١٦ يوليو ٢٠٢٥
مرحباً بك عزيزتي، وشكراً لثقتك في طرح هذا السؤال المهم والذي يعبر عن حرصك الكبير على اتخاذ قرار حكيم يُناسب مستقبلك. أولاً، أود أن أقول لك إن القبول والإعجاب، وخاصة في بداية التعارف والزواج، يمكن أن يتغير ويتطور مع الوقت، وهذا طبيعي جداً. كثير من النساء في حياتهن الزوجية وجدوا أن الالتزام والأخلاق والدين والشخصية الطيبة هي الأساس الذي يبني الحب والمحبة، أما الجانب الجمالي فقد يتغير معه الاعتياد والارتياح. لنأخذ الأمور خطوة بخطوة: الأخلاق والدين والشخصية هذه هي الركائز التي تبني علاقة صحية ومستقرة. شخص يتمتع بالسلوك الحسن والخلق والدين، غالبًا ما تكون شخصيته مريحة ومحترمة، وهذا مهم جداً في العلاقة الزوجية. القبول والشكل إعجابك وشعورك بالقبول لشكل الزوج من البداية هو أمر بسيط وقابل للنمو، فبعض الناس يمتد إعجابهم بالجوانب الأخرى ويزيد مع الوقت عندما يكتشفون صفات المحبة والحنان والاهتمام. لكن من الجيد ألا تخطي حدودك وتشعري بعدم الارتياح تجاه شكله، فالشكل يهم في مرحلة ما خاصة من الناحية النفسية. الاستخارة والصبر أنتِ فعلتِ خطوة جيدة بصلاة الاستخارة، وربنا دائماً يرشد من يخاطبه بصدق. من الجيد أن تمنحي نفسك فرصة مقابلة خاصة معه، حيث أن اللقاء المباشر يغير الكثير في التفاهم والشعور. أحيانًا الصور لا تعطي صورة معبرة حقيقية عن الإنسان. التوازن بين العقل والعاطفة إختيارات الزواج يجب أن تكون متوازنة بين العقل والعاطفة، فالأخلاق والدين هما القاعدة، والشكل جزء من الانجذاب البشري الطبيعي، فلا تقلقي من أن تعجبي أو لا تعجبي بالشكل في البداية ولكن انتبهي لشعورك العام وراحة قلبك معه. نصيحة من قلب ذكية لك قبل أن تتخذي قراراً نهائياً، اجلسي معه في لقاء هادئ، حاولي تتعرفي عليه أكثر في بيئته وكيفية تعامله معك ومع الآخرين. اسألي نفسك: هل تشعرين بالاطمئنان؟ هل يحترمك؟ هل يشاركك نفس القيم والأفكار؟ العبرة ليست في الشكل بل في اكتمال الراحة والقبول على المستوى النفسي والانساني. وأخيراً، عزيزتي: الزواج رحلة طويلة تحتاج إلى حكمة، صبر، وتسليم للأمر لله - فدعي قلبك وعقلك يسيران معاً، وثقي أن الله لا يضيع عمل المحسنين. هل تحبين تستفسري عن نصائح للقاء الأول معه، أو عن كيفية التعامل مع مشاعر القبول والرفض على حد سواء؟ ذكية هنا دائماً معك. 🌷
تم النشر الأربعاء، ١٦ يوليو ٢٠٢٥
بصي متحكميش علي الشخص قبل ما تتعلمي معاه الشكل مش دايم الاخلاق والادب هو الي دايم ولو قعتي معاه ومستريحتش خلاص كل واحد يروح لحاله
تم النشر الخميس، ١٧ يوليو ٢٠٢٥
طبعاً حقك تفكري دي عشره كامله طول العمر
تم النشر الخميس، ١٧ يوليو ٢٠٢٥
طبعا الشكل حاجة مهمة فلو انتي مش متقبلة شكله فمش مجبرة تقبلي لكن لو انتي مش بتحسي بنفور منه وشايفاه محترم وكويس ف اديله فرصة حتى لو بالنسبالي شكله مش احسن حاجة
تم النشر الخميس، ١٧ يوليو ٢٠٢٥
طبعا بعد صلاه الاستخارة .... وبعد ما الواحد شاف كتير .... اقعدى معاه وشوفى تعبيراته وهو بيتكلم طريقته ... اسلوبه كل ده بيضفى على الشكل العام ليه الصورة مش مقياس خااااالص... زى البنت الجميله اوى فى الصورة ولكن ممكن تكون دمها تقيل او لسانها مش حلو طريقه كلامها مش كويسه .. صوتها عالى وهكذا ... اقعدى معاه الاول قبل الحكم عليه وشوفى نسبه القبول وصلت لفين
تم النشر الخميس، ١٧ يوليو ٢٠٢٥
بصى الأخلاق وسيبك من الشكل والله مش هينفعك ب شى ودى اهم حاجه
تم النشر الأربعاء، ١٦ يوليو ٢٠٢٥
بصي يا اختي ياما ناس بنقابلها في الشارع أو المواصلات أو في الشغل ويكون الشكل لابد وممكن تتجزعي من شكلهم ولكن لما بيتكلمو الواحد بيرتحلهم وبيحبهم ربنا بيبقي مديهم القبول في الكلام اهم حاجه وانتي بتتعامله معاه شوفي نفسك هترتحيله ولا لأ ولا يجبولك واحد جميل ميه في الميه ولكن بخييييل ولكن مشيو بطال ولكن سكته حرام ولكن ولكن المهم مش بالشكل وربنا يعملك اللي في الصالح
تم النشر الأربعاء، ١٦ يوليو ٢٠٢٥
❤️اولا صلاه الاستخاره تكون مره وبعدها تتوكلي علي الله ...بعد كده في صلاه قضاء الحاجه عشان ربنا ييسرلك امورك...الزواج نعمه من ربنا عشان كده مترفضيهاش وكمان اهم حاجه الاخلاق في الشخص وانتي قولتي الحمد لله موجوده.. واخيرا بنصحك تسمعي الدكتوره سوزان الشافعي عن تصرفات البنت في فتره الخطوبه لانها جباره حرفا❤️ واعانكي الله
تم النشر الأربعاء، ١٦ يوليو ٢٠٢٥
لعرض السؤال في فدني اضغط هنا