السلام عليكم ورحمه الله وبركاته الصداع ده بيجي لما الدماغ يتعب من كتر المعلومات، زي ما يكون فيه زحمة في الشارع ومحدش عارف يتحرك. الحلول اللي بتفرق مع الناس اللي زيك: قومي اتمشي شويه، مش لازم تطلعي بره، حتى لو في الأوضة. خففي سطوع الشاشة قوي، الضوء ده بيضرب الدماغ جامد. اشربي ميه، مش كوباية وخلاص، كتير ميه. لو بدأ ييجي الصداع اقفلي كل حاجة، قفلي عينيك وخدي نفس طويل ببطء. بدل ما تقرأي، جربي اسمعي الموضوع صوت، محاضرة أو بودكاست، الدماغ بيتقبله أحسن بكتير. متكدسيش حاجات كتير في يوم واحد، خدي حاجة صغيرة وفهميها كويس وبس. جربي الحاجات دي كده عشوائي، اللي يناسبك اعمليه، اللي ميعجبكيش سيبيه، وشوفي الصداع هيخف ولا لأ. لو خف شوية قوليلي يعني اكتبي لي تعلق على اجابتي، لو لسه زي ما هو هنفكر في حاجة تانية انا بإذن الله هتابعك. خليكي مرتاحه مع نفسك، مش لازم تفهمي الدنيا كلها في يومين. ها، هتجربي إيه الأول؟
لعرض الإجابة في فدني اضغط هنا