السؤال الأهم، أنتِ ليه تعملي في نفسك كده؟ الأسئلة دي كلها غلط لو عاوزة رأيي صراحة. اللي المفروض تعمليه تجيبي ورقة وقلم وتسألي الأسئلة الصح، الشخص ده يستاهل أي ألم أو وقت بضيعه في التفكير عليه؟ أنا أستحق كده؟ هل أنا درجة تانية وبديلة ومشاعري للدرجة دي تافهة عشان أرميها لشخص لا يستحقها؟ هل أنا قليلة في نظر نفسي لدرجة أذلها لشخص لا يستحق؟ هل حياتي فاضية للدرجة دي؟ هل أنا مستحقش الشخص اللي يشوفني غالية وميرميش كلمة توهم بوعد زواج بل ياخد الخطوة ويتقدم لي في النور ويثبت إنه يستحق؟ هل وقتي وعمري رخيصين قوي عشان أضيعهم في علاقة تغضب ربنا وكمان فاشلة وسامة ومؤذية لي؟ جاوبي على نفسك بصدق واقفي معها وقفة حازمة ومتخليش نفسك أبدًا أبدًا درجة تانية مهما كان غلاوة الشخص اللي قُدامك. متخليش حد مركز الكون اللي حياتك تقف وتدمر لو تخلى عنك أو جرحك. فكري كويس في نفسك والحل في إيدك أنتِ في النهاية. تحياتي.
هعمل حاضر
تم النشر الأحد، ١٤ سبتمبر ٢٠٢٥
👍
تم النشر الأحد، ١٤ سبتمبر ٢٠٢٥
لعرض الإجابة في فدني اضغط هنا