السلام عليكم
انا شاب عمري 22 سنة كنت في قصة حب مع بنت أصغر مني بـ 3 سنين بس انتهت ان كل واحد يحافظ على نفسه الله اعلم بالنصيب هي قدرت تتخطى اني مش موجود انا مش قادر بتوحشها نفسي اكلمها واشوفها اسمع صوتها كل ثانية بفكر فيها حتى في الشغل لدرجة اني مش قادر اركز
اتجهت للأسف للعادة السرية علشان اطلع الكبت اللي جويا برضوا تعبان وزهقان من نفسي خالص اعمل ايه طيب
غير كدا لما بتخيل انها ممكن تتجوز غيري بتعب بغيير قووووي قوووي لدرجة اني بقطع اكل وشرب حاجة آخر زهق الموت اريح من دا كله
ملحوظة لسه مش جاهز للجواز عارف ان دي علاقة محرمة وكمان للأسف أهلي رافضين البنت لأنها اقل في النسب مني عايز حل ليا وحل اني اقنع اهلي بالزواج منها
و عليكم السلام ، هي قدرت تتخطى ، مين قالك ، انت مادخلتش جواها علشان تعرف ، بس ممكن نقدر نقول إنها قدرت تتحكم في نفسها و في مشاعرها علشان ده الصح و ده اللي لازم يحصل ، وممكن يا سيدي تبقى مستنياك بس محافظة على حدود و شرع ربنا و ممكن مش مستنياك و في الحالتييييييين ، انت تعيش حياتك و تكون نفسك و مستقبلك ، كانت موجودة يبقى تتقدم ما كانتش يبقى مش ليك ، فما تتمسكش باللي مش ليك ، لحد ما تبقى ليك ، بالنسبة لأهلك فأنت سيد القرار هنا ،البنت ممكن في حالات معينة تقول انها اتغصبت ، لكن سامحني ما بقدرش اقتنع بيها لما اسمعها من راجل ، انت اللي بتتعب و تشتغل و تكون بيت و اسرة وتبقى مسؤول عنهم وانت اعلم بنفسك و اعلم باللي ينفعلك ، يبقى دور الأهل المشورة و النصيحة وليك الحرية يا توافقهم يا تكمل في اللي انت عايزه ، فركز في حياتك و اشتغل على نفسك ، موت نفسك في الشغل ما تسيبش لنفسك وقت لا تسرح و تتخيلها ولا انك تمارس العادة ، وجه كل طاقتك و جهدك و كبتك في شغلك و تطويرك لنفسك و إن شاء الله تكون احسن ، بالتوفيق 😊
تم النشر الأربعاء، ٢٥ مارس ٢٠٢٦
بص يا صاحبي مقدر جدا وجعك ومجرب شعور الفراق ده فعلا صعب بس خلينا نكون صرحاء مع بعض انت دلوقتي بتعذب نفسك على الفاضي اول حاجة لازم تستوعبها ان العلاقة دي حاليا ملهاش مستقبل طول ما انت مش جاهز ماديا واهلك معترضين فكرة انك تهرب للعادة السرية ده مش حل ده بيزود طاقتك السلبية وبيخليك تحس بذنب اكبر فوق لنفسك وركز في شغلك ومستقبلك لان ده الوحيد اللي هيخليك راجل جاهز سواء ليها لو ربنا كاتبها ليك او لغيرها اشغل وقتك بالرياضة وبالصلاة وابعد عن اي حاجة بتفكرك بيها وامسح صورها ورسايلها عشان تفوق لو ليك نصيب فيها ربنا هيجمعكم ولو ملكش ربنا هيعوضك باللي احسن منها بس لازم انت اللي تاخد الخطوة وتبطل تفكير سلبي عشان صحتك ونفسيتك اهم من اي حد .حابب اساعدك في حاجه
تم النشر الأربعاء، ٢٥ مارس ٢٠٢٦
وعليكم السلام ورحمة الله وبركاته أنا ذكية، وأشعر بوجعك كويس جداً.. التعلق ده زي السم اللي بيأكل الإنسان من جوا، خاصة لما يكون فيه حب وذكريات، وده طبيعي في سنك (22 سنة)، بس لازم نتعامل معاه بذكاء عشان ما يدمرش حياتك. أنت عارف إن العلاقة دي كانت محرمة شرعاً، وده خطوة كبيرة إنك اعترفت بيها – ربنا يغفرلك ويثبتك. حلول عملية للتخلص من التعلق والغيرة دي (خطوة بخطوة): قطع الاتصال تماماً : بلوكها من كل حتة (تليفون، سوشيال، أي حاجة). متشوفش صورها ولا تسمع عنها خالص. ده أول وأهم خطوة، هيخفف التفكير خلال أسابيع. شغل وقتك وطاقتك : زد الصلاة والقرآن يومياً (خصوصاً الاستغفار 100 مرة صباحاً ومساءً، وقراءة القرآن. رياضة قوية يومياً (جري، جيم، مشي سريع ساعة) – هتطلع الكبت ده وترجع التركيز في الشغل. حدد هدف يومي صغير: اقرأ كتاب، تعلم مهارة جديدة (زي كورس أونلاين في شغلك)، أو ساعد في بيتكم. الزهق هيروح لما تحس إنك بتنجز. العادة السرية والكبت : توبة صادقة لربنا، صوم الاثنين والخميس، ونام بدري. لو استمر، حدد "يوم نظيف" وكافئ نفسك (زي شراء حاجة بسيطة). أنت أقوى من كده، وده مؤقت. الغيرة من المستقبل : ذكّر نفسك إن النصيب من عند الله (قوله تعالى: "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ"). اكتب 5 أسباب ليه هتكون أحسن لوحدك دلوقتي، واقرأها كل يوم. الغضب ده هيخف مع الوقت. بخصوص الزواج منها: أنت مش جاهز مالياً أو نفسياً، وأهلك رافضين لسبب شرعي (النسب مهم في الإسلام. متستعجلش – حضّر نفسك الأول: وفر فلوس، طور نفسك، صلِّ الاستخارة. لو مصرّ، اجلس مع أهلك بهدوء بعد شهور، اشرح إيجابياتها بلطف، بس لو رفضوا نهائي، سلم الأمر لله. أنت شاب قوي، هتتخطى ده خلال شهرين لو التزمت. ابحث في فدني عن "التعلق العاطفي" أو "كيف أتخطى الحب" هتلاقي إجابات كتير، ولو عايز استشارة متخصص، روح للخبراء هنا: https://www.fedni.net/experts (في علم نفس وإرشاد أسري). ربنا يفرج همّك ويصلح حالك. 💪❤️
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا