انا بكلم شاب على الفيس وأعجبنا ببعض
انا بنت محترمه ومش بتاعت ارتباط أو اي شيء من ده و كلمته قولتلو لو فعلا بيحبني يستناني لحد ما أخلص دراستي و بعدها ييجي يتقدملي بس هو قاللي لا متقلقيش وانا هتقدملك وانا جاهز و محترم و مش بتسلى و لحد كده كويس...
لقيته بيسألني اني ابعتله صور اكتر ليا عشان بيحب يشوفني فبعتلو صور ليا بالحجاب عاديه مفيهاش حاجه
بعدها لقيته بيسألني اني ابعتله صور جسمي ( صور عاديه ليا يعني بس هو عايز يعرف شكل جسمي) فأنا اقوله لا مينفعش وان كده حرام بس هو حسسني أن انا اللي فيا حاجه غلط وان دي حاجه عاديه انو يطلبها و مفهمني أنو بيطلب ده عشان بيحبني بس انا بردو برفض
بعدها يرجع يقوللي عايز اقابلك عشان اشوفك وانا قولتلو هحاول برغم اني عارفه أني انا بخون ثقة اهلي فيا و دي حاجه مزعلاني وانا حاسه ان هو مش كويس ومش عارفه ارفضه بالذوق ازاي وخايفه يطلع مش كويس في الاخر و يهددني أو يعمل حاجه تأذيني...اعمل ايه
انا كتبتله رساله طويله اني مش مرتاحه واني هبعد عنه عشان ثقة اهلي اهم من أي حاجه وهو قاللي عندك حق و ولو لينا نصيب هنرجع ف قفلت معاه الموضوع و شيلته من عندي الحمدلله💗💗
تم النشر السبت، ٦ ديسمبر ٢٠٢٥
هيبقا غلطت عمرك اكيد بتشوفي الي بيحصل في الدنيا
تم النشر الأحد، ٧ ديسمبر ٢٠٢٥
شكرا ليكي ياحبيبتي💗
تم النشر السبت، ٦ ديسمبر ٢٠٢٥
اولا انتي ممكن تختفي فجأه او تختفي بالتدريج اهم حاجة خدي نيه الانسحاب ولو سألك او عرف يوصلك قوليله تعالي اتقدم ليا دلوقتي وساعتها هتشوفي رده فعله الحقيقية
تم النشر السبت، ٦ ديسمبر ٢٠٢٥
حبيبتي اولا ربنا يحميكي ويحفظك ويحفظ جميع النساء والبنات من كل شر ويسترنا سترا جميلا في الدنيا والاخرة ..بصي يا قلبي خوفك منه انه يهددك بالصور هيخليكي تستمري معاه وده مش صح لانه عمره ما هيفكر يعمل حاجة بصور بالحجاب يمكن هو مستني صور سيئه علشان يبدأ يبتزك بيها ده طبعا في حالة اننا بنقول انه بيبتزك او ان دي نيته لان النيه ربنا هو اللي عالم بيها بس عاوزة اقولك حاجة ان مفيش راجل في الزمن ده بيحب عمياني او بيحب في اسبوعين او بيثق في علاقات الفيس بوك ممكن يكون بيختبرك وممكن يكون نيته مش كويسة علشان انتي تكوني دايما في امان خليكي حزرة وراقبي كل التفاصيل واللي فعلا بيحب حد بيعمل المستحيل علشان يتقدم للاهل مش علشان يعرف شوية معلومات
تم النشر السبت، ٦ ديسمبر ٢٠٢٥
انتي لسه عندك شك ان هو شخص كويس اصلا ؟
تم النشر الجمعة، ٥ ديسمبر ٢٠٢٥
الحمد لله ربنا يحميكي
تم النشر الأحد، ٧ ديسمبر ٢٠٢٥
الشكر لله ياقلبي 💙😊
تم النشر الجمعة، ٥ ديسمبر ٢٠٢٥
عندك حق شكرا ليكي بجد💗
تم النشر الجمعة، ٥ ديسمبر ٢٠٢٥
اوعي تكرري التجربه دي تاني . اللي بيحب حد بيخاف عليه ويدخل البيت من بابه . والعلاقات اللي بتبدأ بالحرام عمرك ما هتحسي بسعادة فيها
تم النشر الجمعة، ٥ ديسمبر ٢٠٢٥
تمام
تم النشر الجمعة، ٥ ديسمبر ٢٠٢٥
هو عارف دول و اللي يعرفوا زياده محافظتي و المنطقه اللي ساكنه فيها بس ميعرفش العنوان ذات نفسه ايه
تم النشر الجمعة، ٥ ديسمبر ٢٠٢٥
تمام انا هسمع كلامك
تم النشر الجمعة، ٥ ديسمبر ٢٠٢٥
ما انا بحاول اطلع من العلاقه دي دلوقتي بس مش عارفه اسيبه ازاي يعني اعمل ايه هي الفكره ف كده
تم النشر الجمعة، ٥ ديسمبر ٢٠٢٥
لا هو مش كويس خالص مجرد بيسلي وقته ف ابعدي لانك الطرف المضرورفي العلاقة دي ومتبعتيش اي حاجه نهائي متعمليش اي حاجه تندمي عليها بعدين
تم النشر الاثنين، ٨ ديسمبر ٢٠٢٥
يعني هو كل اللي يعرفه عنك اسمك وسنك وصورك صح ؟ وميعرفش حاجه تاني
تم النشر الجمعة، ٥ ديسمبر ٢٠٢٥
خلاص اعملي إلغاء إرسال للصور بتاعتك اللي بعتيها ليه . واعملي بلوك واوعي تقابليه. ده مش بيحبك ده بيتسلى بيكي و عايز يقابلك يتسلى وبعدها يبدأ يهددك علشان ياخد اللي عايزه كل مره ترفضي فيها ف اوعى تقابليه
تم النشر الجمعة، ٥ ديسمبر ٢٠٢٥
غير كمان اني شاكه انو بيعدي كل الخناقات اللي بعملها معاه لانو مصمم على ان هو يقابلني بس انا مش مرتاحه نهائي للفكره دي لاني اول مره اعمل كده في حياتي وعشان مغضبش ربنا وعشان ثقه اهلي ف تعبت خلاص🙁
تم النشر الجمعة، ٥ ديسمبر ٢٠٢٥
لا الحمدلله ، احنا بقالنا اسبوعين بس نعرف بعض وكان فعلا عايز ياخد رقمي و كمان كان بيطلب صور لاهلي و بقولو ليه يقولي عشان اعرفك اكتر بس انا بردو كنت برفض و كل مره بقولو فيها انت غلطان انك بتسألني على الحاجات دي واحنا بقالنا فتره قليله عارفين بعض ف يسكت و يرجع تاني يوم يكلمني كان مفيش حاجه حصلت نهائي
تم النشر الجمعة، ٥ ديسمبر ٢٠٢٥
الشخص ده معاه أرقام تليفون ليكي ؟ يعرف حد من اهلك ؟ يعرف عنوانك بالتفصيل أو المركز اللي ساكنه فيه
تم النشر الجمعة، ٥ ديسمبر ٢٠٢٥
لعرض السؤال في فدني اضغط هنا