وعليكم السلام ورحمة الله وبركاتة بصى زيادة الوزن عموما بتعتمد بشكل أساسى على ال لايف استايل أكلك وشربك ونومك وهكذا لكن هقولك على كذا حاجة بطلعها فى الصيدلية البنات اللى بتبقى عايزة تزيد فى الوزن بس كلها بتبقى ما هى إلا أشياء مساعدة بنحاول بيها لكن علميا مفيش حاجة قويه قوى فى الحوار دا ورقة وقلم يا ست الكل واكتبى ورايا .. ١ - دايجينورم شراب ودا أنا بديه لأنه فاتح شهية ومهضم ف بالتالى اللى قدامى هياكل كتير ويهضم أكتر ودا ممكن يكون ليه آثر مساعد فى زيادة الوزن بيتاخد ٣ مرات يوميا قبل الوجبات التلاته ب نص ساعة ٢ أقراص خميرة وديه برضة بتتاخد ٣ مرات يوميا ٣ جروث فورميولا بروتين ودا معلقة على كوباية لبن ٣ مرات يوميا ٤ ممكن ترياكتين أقراص بس دا عايز حوار لأنه بيستخدم بطريقة معينه مش عمال على بطال وانا تليفونى هيفصل 😅
ميباكو خميرة بناخدها ٣ مرات يوميا بعد الأكل .... دايجينورم كملى عليه بس ومتسيبهوش ولو مش حاساه قبل الأكل خديه مع الأكل ك مهضم ... الترياكتين لا مش هناخده ٣ مرات هو قرص واحد يوميا كفاية وبعدين هنمشى علية فتره وبعدين نبطله فتره
تم النشر الجمعة، ٣ أبريل ٢٠٢٦
تالت حاجه انا بستخدم ترايكتين بعد الأكل.. كويس كده؟!
تم النشر الخميس، ٢ أبريل ٢٠٢٦
تانى حاجه انا جبت دايجينورم شراب ليا كام يوم باخده قبل الأكل بنص ساعه بس مش بجوع بل بيحصل العكس
تم النشر الخميس، ٢ أبريل ٢٠٢٦
لو سمحت هى ميباكو خميره بتتاخد ازاى عشان الواحد يتخن... كام مره+ امتى
تم النشر الخميس، ٢ أبريل ٢٠٢٦
العفو 🤍
تم النشر الأحد، ٢٩ مارس ٢٠٢٦
شكرا خالص لحضرتك... انا هجيب الحاجات دي من النهارده ان شاءالله وهحاول انتظم عليها 🤍
تم النشر الأحد، ٢٩ مارس ٢٠٢٦
الدايجينورم شراب أهم حاجة فى الأربعة وسعره بيبقى فى حدود 50 جنيه الخميره أثرها كويس لو استمرينا عليها ومفيش منها أى ضرر وسعر العلبه ٣٠ قرص ب 30 وال ٦٠ قرص ب 60 جنيه والترياكتين العلبه ب 46 جنيه والجروث فورميولا لو مش عايزه تجيبيه عادى لكن هو كويس وبيساعد وسعره 245 جنيه
تم النشر السبت، ٢٨ مارس ٢٠٢٦
بما ان حضرتك دكتور صيدلاني اكيد تعرف اسعار ده كله بكام بقى
تم النشر السبت، ٢٨ مارس ٢٠٢٦
طيب اقراص الخميره أثرها دايم ولا مؤقت... ورقم ٣ ده مهم ولا عادي لو مش جبته🙂
تم النشر السبت، ٢٨ مارس ٢٠٢٦
دايجينورم ده فاتح شهيه قوى طيب؟؟!
تم النشر السبت، ٢٨ مارس ٢٠٢٦
بص هو انا معرفش ف ده كله غير ترياكتين الصراحه واستخدمته😅.. لكن الباقي معرفوش
تم النشر السبت، ٢٨ مارس ٢٠٢٦
لعرض الإجابة في فدني اضغط هنا