السلام عليكم ورحمه الله وبركاته
انا عندي 19 سنه
طولى 154 تقريبا
وزنى 49 كيلو
كنت عايزه نظام غذائي او اى حاجه اقدر ازود بيها وزنى اكتر
عايزه ابقى حتى 55 كيلو
متشربيش مياه قبل الأكل حاولي متفضليش فترات ونتي مش بتاكلي اقعدي كل شويه كلي وجبه كدا عشا حاولي تخلصي طبقك علغدا حتي لو علفترات وفي تمارين حلوه عليوتيوب لزياده الوزن اتبعيها كل يومين مثلا وحبي نفسك طبعا مهما يكون اي شكل جسمك
تم النشر السبت، ٢٨ مارس ٢٠٢٦
و عليكم السلام ورحمه الله وبركاته ، مش عارف ايه نظام اكلك في يومك ، لكن الأغلب انك بتاكلي و بتشربي لما بتحسي بالجوع و العطش بس. و ده غلط، الجسم محتاج ٣ - ٤ لتر يومياً و ده استحالة يوصلهم بإحساس العكش فده معناه اننا مش لازم رغباتنا و احاسيسنا هي اللي تحركنا للفعل ، اعملي توقيتات و جدول و تنبيهات للأكل و الشرب بحيث انك تاكلي بين الوجبات الاساسية كل ساعه وجبة خفيفة و بعد تلت شهور هتبدأي تلاحظي فرق ، و بالتوفيق 😊
تم النشر السبت، ٢٨ مارس ٢٠٢٦
وعليكم السلام ورحمة الله وبركاتة بصى زيادة الوزن عموما بتعتمد بشكل أساسى على ال لايف استايل أكلك وشربك ونومك وهكذا لكن هقولك على كذا حاجة بطلعها فى الصيدلية البنات اللى بتبقى عايزة تزيد فى الوزن بس كلها بتبقى ما هى إلا أشياء مساعدة بنحاول بيها لكن علميا مفيش حاجة قويه قوى فى الحوار دا ورقة وقلم يا ست الكل واكتبى ورايا .. ١ - دايجينورم شراب ودا أنا بديه لأنه فاتح شهية ومهضم ف بالتالى اللى قدامى هياكل كتير ويهضم أكتر ودا ممكن يكون ليه آثر مساعد فى زيادة الوزن بيتاخد ٣ مرات يوميا قبل الوجبات التلاته ب نص ساعة ٢ أقراص خميرة وديه برضة بتتاخد ٣ مرات يوميا ٣ جروث فورميولا بروتين ودا معلقة على كوباية لبن ٣ مرات يوميا ٤ ممكن ترياكتين أقراص بس دا عايز حوار لأنه بيستخدم بطريقة معينه مش عمال على بطال وانا تليفونى هيفصل 😅
تم النشر السبت، ٢٨ مارس ٢٠٢٦
وعليكم السلام ورحمة الله وبركاته يا قمر! 😊 أولاً، برافو عليكِ إنكِ عارفة وزنكِ وطولكِ وبتحددي هدف واقعي (من 49 كجم لـ55 كجم على 154 سم، ده زيادة صحية تمامًا، BMI هيبقى في النطاق الطبيعي). هدفكِ سهل التحقيق لو التزمتِ بخطة يومية بسيطة. هقولكِ نظام غذائي عملي + نصائح لزيادة الوزن بشكل صحي، مع التركيز على الأكل الحلال والمغذي. نظام غذائي يومي مقترح (حوالي 2200-2500 سعرة، زدي تدريجيًا): الإفطار : بيضتان مسلوقتان أو مقليتان بزيت زيتون + شريحتين توست مع أفوكادو أو جبنة + كوب لبن كامل الدسم + حفنة لوز (أو تمر محشي جوز). سناك 1 : شيك موز مع لبن كامل الدسم + ملعقة زبدة فول سوداني + عسل. الغداء : أرز بسمتي مع دجاج مشوي أو لحم (200جم) + خضار مطبوخة بزيت + سلطة زيتون. سناك 2 : يogurt كامل الدسم مع فواكه مجففة (تمر، زبيب) + حفنة جوز. العشاء : سمك أو تونة مع بطاطس مهروسة بزبدة + خبز بلدي. قبل النوم : كوب حليب دافئ مع عسل أو تمرين. نصائح ذهبية للنجاح: كلي 5-6 وجبات صغيرة يوميًا عشان ميعملش لكِ غثيان، واستخدمي تطبيق زي MyFitnessPal لحساب السعرات. تمارين قوة 3 أيام أسبوعيًا : squats، push-ups، رفع أثقال خفيفة (في البيت أو جيم) لبناء عضلات وزيادة وزن نظيف (مش دهون بس). نامي 8 ساعات : النوم يزود الهرمونات اللي تبني الجسم. اشربي 2-3 لتر ماء + مشروبات مغذية زي العصير الطبيعي. تابعي تقدمكِ أسبوعيًا : وزن نفسكِ صباحًا، ولو مش زاد، زدي السعرات 200. ابدئي النهارده، وخدي صور before/after للتحفيز! لو عايزة تعديل حسب ميزانيتكِ أو حساسية، قوليلي. ولو محتاجة خبير تغذية، شوفي الخبراء في https://www.fedni.net/experts، أو ابحثي في Fedni عن "زيادة وزن" هتلاقي إجابات كتير. ربنا يوفقكِ ويجعل وزنكِ في ميزان حسناتكِ! 💪❤️ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ٢٨ مارس ٢٠٢٦
هتقيسي وزنك و طولك و تحسبي مدي سعرات تبعك نن معاده ممكن تجديها علي chatgptوهو يحسب كم سعرحراري يحرقه جسدك وقت جلوس او نشاط وممكن تجيبيها من جوجول و بعدين نفترض ان جسمك يحرق 1000 سعر و انتي بتتحركي كثير ف بيحرق 1200ف انتي هتاكلي ب يوم٠1500سعر حراري لمده اسبوع كيلو دهون بيحتاج 7000سعر حراري ف انتي استمري هكذا لو انتي حالتك مديه كلي بروتين كثير مثل بيض او صددور فراخ افضل و جسدك هيزيد مع وقت اشربي ماء كثير نامي 7 _8 بليل
تم النشر السبت، ٢٨ مارس ٢٠٢٦
جربتي المختوم الي هو مكس بين عسل ومكسرات
تم النشر السبت، ٢٨ مارس ٢٠٢٦
لعرض السؤال في فدني اضغط هنا