السلام عليكم، فيه أشخاص كتير نجحوا وحققوا مكانة كبيرة في مجالاتهم رغم عدم ثقة أو دعم أقرب الأقربين لهم ومش بس عدم دعم وثقة لأ فيه البعض تعرض لسخرية وتسفيه ورغم ذلك وثقوا بنفسهم وقدراتهم وحققوا اللي عاوزينه. ممكن أهلك حاليًا مش شايفين دليل أو تجسيد للقدرات اللي أنتِ موقنة إنها عندك، ممكن أنتِ لسه متحركتيش أو أنجزتِ شيء يجبرهم على الاعتراف بقدراتك؟ ابدئي أولًا بنفسك وطوريها، شوفي المواهب والقدرات اللي عندك واعملي على تطويرها وابدئي العمل على أهدافك وهم مع الوقت لما يلاحظوا هيفهموا إن كان عندك حق. على فكرة، التحفيز الخارجي صحيح بنحتاجه وبنحب نحس بدعم اللي حوالينا وثقتهم فينا لكن الأهم هو التحفيز الداخلي.. من غير تحفيزك الداخلي لنفسك مش هتقدري تستمري على أهدافك وبالتالي مش هتقدري تثبتي جدارتك وقدراتك للي حولك. اشتغلي واثبتي نفسك لنفسك أولًا والباقي هيجي بالتبعية. بالتوفيق.
لعرض الإجابة في فدني اضغط هنا