انا اللي كُنت ناشرة من فترة سنة تقريباً عن علاقتي مع المدرس بتاعي المتزوج واللي عنده بنت اصغر مني 3 سنوات ،في الحقيقة اللي حصل اني سِبت الدرس اللي المدرس كان بيديني فيه ،تحت تساؤلات كثيرة منه وحبست نفسي في البيت أذاكر لفترة الإختبارات وكان الاكتئاب يقتلني بعدت نفسي فجأة ،
هو كان بيبعت رسائل كتيرة ليا وبيسأل فيها عني وبيشجعني وبيقول دائماً أنه مستني اخلص واطمنه ،انا كنت بشوف الرسائل من برا ومنهارة من حمل مشاكلي العائلية ومشاكل دراستي ومشاكله العاطفية معه ولفكرة اني لازلت احبه وهو متزوج ..
في النهاية انا رسبت بمواد واضطريت اعيد السنة عشان أحصل مجموع اكبر وهو رسائله ما تنتهي ،عملت بلوك ،راح بعتلي هدايا مع واحدة صحبتي وبعده عنها هي كمان (هي متعرفش عن علاقتنا) دلوقتِ انا بعدت نفسي عن كل الناس وعنه ولسة بيسأل عني ،
وانا في الاول تقبلت كل المشاكل دي وقررت اني أخوض السنة دي بتركيز لكنني في منتصف تعبت ،تذكرت ايامي معه تاني وبحلم بيه كتير جدا وبقا هو الحافز ليا في كل حاجة ،
نفسي اشوفه ونفسي ارجعله بقيت شبه المرضى وفكرت انتحر كتير في كل مرة مبنجحش مش قادرة أنساه ومش قادرة انسى تجاهل اهلي ليا ومشاكلي العائلية نفسي ارجع له بس عارفة ان مستحيل تكون لبعض ،بتعذب من جوايا رغم مرور سنة علي موضوع علاقتنا ،بموت بالبطيء لفكرة اني انا اللي بعدت ..💔
اللي حصل معاكي ده نوع من أنواع التعلق وده بنات كتيره جدا بيقعوا فيه وبتوفيق من الله بيخرجوا من التعلق ده بس في حاجه لازم تعرفيها إما إنهم بينهوا التعلق بنفسهم وبيقرروا إنهم يساعدوا نفسهم على إنهاء التعلق ده وده عن طريق قطع العلاقه تماما مع الطرف التاني وهنا انا مش قصدي علاقه مباشره لأ أنا قصدي قطع العلاقه الغير مباشره بمعنى... إن ما تسأليش عن الشخص نهائي ولا تشوفي صوره ولا تسمعي عنه أي حاجه ولا تروحي مكان هو فيه ولا أي حاجه من دي نهائي ده نوع اما النوع التاني وده اللي تعلقه بينتهي لما تحصل مصيبه أيوه حرفيا لو أصريتي إنكم تتمادوا في الحب ده وإنه يكون ليكي والكلام ده هيحصل حاجه ماكنتيش عمرك تتخيليها أبدًا وفي الوقت ده هتكرهيه والتعلق هيروح لوحده فلازم تكوني مصحصحه كده وتختاري إنك تتخلصي من التعلق ده بنفسك اسمعي دورة الداء والدواء الشيخ علاء حامد بيشرحها كويس و كانت سبب في إن ناس كتير بطلوا تعلق وبالأخص آخر ٣ فيديوهات منها + ربنا يرزقك بزوج ماكنتيش تحلمي بيه
تم النشر الاثنين، ٩ فبراير ٢٠٢٦
يا حبيبتي، أنا ذكية، وأنا هنا معاكِ قلباً وقالباً 💕. أول حاجة، أشكرك إنك شاركتيني اللي جواكِ، ده شجاعة كبيرة، وأنا فاهمة تماماً التعذيب اللي بتمرّي بيه – الذكريات دي زي السم البطيء، خاصة مع الضغوط العائلية والدراسية. بس خليني أقولك: قرارك إنك بعدتِ عنه كان الصح الأصح والأشجع، عشان هو متزوج ولديه أسرة، وأي علاقة زي دي حرام في الإسلام، وهتزوّد ألمك بس. أنتِ حميتِ نفسك ودينك، وده فخر. اللي حصل ده مش حب حقيقي، ده إدمان عاطفي بيخلّيكِ تشوفيه حافز، لكن الحافز الحقيقي جواكِ أنتِ. خلّي السنة دي بداية جديدة: خطوات عملية عشان تتجاوزي: الدراسة أولوية : حددي جدول يومي صغير (مثل ساعة دراسة + استراحة قصيرة)، وركزي على هدف واحد زي "أعدي السنة دي بمعدل عالي". كل نجاح صغير هيبني ثقتك. المشاكل العائلية : ابدئي حوار هادئ مع أهلك، قوليلهم "أنا بحاول أركز، بس محتاجة دعمكم" – مش لازم تفضفضي كل حاجة، بس خطوة صغيرة. للأحلام والذكريات : امسحي الرسائل نهائي، وحوّلي الطاقة دي لشيء إيجابي زي رياضة خفيفة أو قراءة كتاب مفيد. صلّي الاستخارة يومياً، واقرئي سورة الشرح: "فَإِنَّ مَعَ الْعُسْرِ يُسْرًا". الأفكار السودة : ممنوع تفكري في الانتحار أبداً، حياتك ثمينة عند ربنا، وأنتِ أقوى من كده. لو زادت، اتصلي بخط مساعدة أو روحي لدكتور نفسي فوراً. أنتِ مش لوحدك، كتير بنات مروا بنفس اللي وطلعوا أقوى. ابحثي في فدني عن أسئلة مشابهة هتلاقي إجابات كتيرة تساعدك. ولو عايزة استشارة متخصصة، روحي لصفحة الخبراء هنا: https://www.fedni.net/experts – في معالجين نفسيين ومدربين حياة هيساعدوكِ شخصياً. أنتِ بنت قوية، والله هيفتحلك أبواب خير كتير. 🤗❤️
تم النشر الأحد، ٨ فبراير ٢٠٢٦
حاسه بيكي وعارفة قد ايه الموضوع صعب بس انتي حرفيا بطلة انك قدرتي تبعدي. لو رجعتي دلوقتي هتضيعي كل اللي عملتيه. انتي توبتي وربنا دلوقتي بيختبر صدق توبتك وهيعوضك والله بس اصبري ركزي في مذاكرتك ومستقبلك وان شاء الله ربنا يوفقك
تم النشر الثلاثاء، ١٠ فبراير ٢٠٢٦
وليه كل ده وعشان اي اصلا
تم النشر الثلاثاء، ١٠ فبراير ٢٠٢٦
اسألي نفسك وقولى ليه؟ وعشان مين؟
تم النشر الاثنين، ٩ فبراير ٢٠٢٦
لا حول ولاقوة إلا بالله العلي العظيم أفضل طريقة هي التوبة النصوح إلى الله سبحانه وتعالى والإستغفار الكثير والندم والعزم على عدم العودة إلى هذا الذنب مرة أخرى وإبداي حفظ القرآن الكريم والسنة النبوية ودراسة العلم الشرعي وحاولي تقربي من ربنا كتير وعليك بالدعاء والصبر ووفقكم الله لما يحبه ويرضاه
تم النشر الاثنين، ٩ فبراير ٢٠٢٦
لعرض السؤال في فدني اضغط هنا