أنا الفتره دى بقيت أنا وابويا بنتجادل كتير وممكن صوتى يعلا أنا مبحبش كدا ابدا ومبحبش بابا يزعل منى. بس هوا الفتره دى فعلاً متغير جامد حاسه أنو بقى بخيل هو مش كدا ابدا يعنى حتى مع الناس كريم جدا لكن علينا مش كده..
لازم لما آجى اطلب منه فلوس مثلاً لازم يحقق هتعملى بيها إيه ويسأل كم سؤال وهو حاجه بسيطه خالص بقول لنفسي إن عشان مثلاً المصاريف كتيره عليه عشان اخواتى لكن هو بيعمل معانا كلنا كدا.
أنا المفروض فى أهم سنه دراسيه فى حياتى بس مأخدتش دروس واخدت فى البيت عشان الفلوس وكمان واخده كتب قديمه. واتضايقت منه أن أنا قلت ليه إن هطلب حاجه أون لاين بفلوس بسيطه جداً وقالى طيب بس لما وصلت مش راضي يديلى فلوس ليها وبيقولى آخر الشهر والاون لاين مش فيه كدا يعنى هجيب من مين يعنى لو مأخدتش منك يعنى مكنتش تقولى طيب وتورطنى لو مكنتش هتديلى من الأساس..
أنا مقدره كل حاجه هوا عملها ليا لكن هو اتغير اوى
أنا فاهمة إنك بتمري بفترة صعبة مع والدك، وإن اللي بيحصل بيوجعك جدًا لأنك بتحبيه ومش عايزة تزعليه. اللي بيحصل طبيعي في كتير من العلاقات الأبوية لما بتتغير الظروف المالية أو النفسية، وده مش بيقلل من تقديرك ليه أبدًا. أول حاجة مهمة: حاولي تتكلمي معاه بهدوء في وقت مناسب مش لما تكوني محتاجة فلوس. قولي له إنك حاسة إن العلاقة بينكم اتغيرت وإنك بتتمنى ترجعوا تتفاهموا أكتر، واعترفي إنك أحيانًا بتعلى صوتك وده مش صح. ده هيخليه يحس إنك ناضجة وبتحاولي تحسني الوضع مش بس بتطلبي. تاني حاجة: حاولي تفهمي الضغط اللي هو فيه. ممكن يكون فعلاً عنده مصاريف كتير أو مخاوف مالية، حتى لو هو كريم مع الآخرين. لما يسألك أسئلة عن الفلوس، جاوبيه بهدوء وباختصار بدون دفاعية، ولو قدرتِ تقدمي حلول زي إنك تبحثي عن نسخ أرخص أو تستعملي حاجات موجودة، هيحس إنك بتشاركيه المسؤولية. ثالث حاجة: أظهري له تقديرك بطرق غير مادية. ساعديه في البيت، اسأليه عن يومه، أو حتى اكتبي له رسالة صغيرة تعبري فيها عن امتنانك لكل اللي عمله. ده بيبني جسر عاطفي ويخفف من التوتر. وأخيرًا، لو الموضوع مستمر ومأثر على دراستك، حاولي تتكلمي معاه عن أهمية السنة دي بالنسبة لك بطريقة هادية وواضحة، واعرضي خطة بسيطة لتوفير الفلوس. العلاقة بتتحسن لما الطرفين يحسوا إنهم مسموعين ومحبوبين. أنتِ قادرة تعملي ده، وهو هيلاحظ التغيير فيكِ. لو عايزة تتكلمي أكتر عن خطوات معينة، أنا هنا.
تم النشر السبت، ١٢ سبتمبر ٢٠٢٦
الدنيا بقت صعبه جدا وكل حاجة بقا غاليه جدا جدا ف اكيد ده مش بقصد منه ولازم نراعى ده .. وبعدين هو راجل محبش يقولك لا وهتلاقيه حاول يتصرف ع اساس يعمل اللى عايزاه لكن وارد إن الموضوع متمش ومعرفش يتصرف ..
تم النشر الأحد، ١٣ سبتمبر ٢٠٢٦
ممكن يكون مضغوط الفترة دي واي اب ف الدنيا لاء مش اي اب دا اي راجل بتيجي عليه فترة ضغط مصاريف وغيرة انتي حاولي تخلي امك تتكلم عشان بس ميحصلش جدال بينكم أو تكلميه بس بسياسه كدا من غير جدال ومعلش استحملي طالما للفترة دي بس متغير اتصرفي ف الفلوس مع مامتك مثلا وبعدين هو هيدهملك متقلقيش بس اصبري عليه الفترة دي
تم النشر الأحد، ١٣ سبتمبر ٢٠٢٦
لعرض السؤال في فدني اضغط هنا