عندي صداع جامد ليه فتره ف منطقه الجبهه وف طرفين الجبهه كمان ع جنبين راسى كده من وقت ما اصحى لغايت ما انام ويزيد مع مرور اليوم ولو ذاكرت بتعب اكترر ومش عارفه اذاكر من الوجع وكمان عندي ارق شديد مش بعرف انا ع الرغم من إنو مصدعه وتعبانه
السلام عليكم، أولا، ألف سلامة عليكِ. ❤️ بما إن الصداع شديد ومستمر، وبيزيد مع الوقت ومأثر على مذاكرتك ونومك، فالأفضل بلاش تنتظري أو تعتمدي على المسكنات طول الوقت، ضروري تروحي تكشفي في أقرب وقت. الصداع في الأماكن دي ممكن يكون صداع توتري، أو بسبب إجهاد العين، أو قلة النوم، لكن منقدرش نجزم غير بعد الكشف والفحوصات اللازمة. لو بتشربي كافيين كتير قلليه واشربي كاكاو أو أعشاب مهدئة زي النعناع والبابونج عشان الأرق وممكن تطلبي من العطار أعشاب أو زيوت مفيدة لعلاج الأرق. وكمان امنعي خالص التعرض للشاشات قبل النوم بساعة على الأقل. الأرق كمان وعدم جودة النوم ممكن يكون سببهم توتر أو تفكيرك وقلقك بسبب المذاكرة فحاولي تقللي توتر، هدي أعصابك واهتمي بس إنك تذاكري من غير ما تفكري في نتيجة ولا تشيلي هم توقعات. متضغطيش على نفسك في المذاكرة لحد ما تعرفي سبب الصداع؛ صحتك أهم، عالجي السبب وقللي توتر واهتمي بنظامك الغذائي ومارسي رياضة ولو عشر دقائق في اليوم وإن شاء الله هتقدري تحسني مذاكرتك وحياتك عموما. ألف سلامة مرة تانية.
تم النشر السبت، ١٤ نوفمبر ٢٠٢٦
السلام عليكم ورحمه الله وبركاته في الأغلب الاغلب طبعا أنت محتاجه تستشيري الطبيب برضه ده صداع توتري الصداع اللي بيجي في مقدمه الجبهه ده وما بيروحش باي حاجه ما بيكون صداع بسبب التوتر. الاول اتاكدي ان كل الامور الطبيه تمام انت قلت من عند الجفاف في عين اتاكدي انك طول الوقت بتستخدمي القطره المرطبه للعين متتجاهليش ده يعني ما تقوليش خلاص هو انا عندي جفاف في العين لا طبعا اييي اتاكدي انك بتستخدميها بالجرعة الصحيحه بتاعتها مرتبه للعين نمره واحد نمره اثنين اتاكدي انك بتقدري تتعاملي مع الافكار المتزايده في عقلك بما ان عندك ارق فممكن ده برضه يكون متفكير كثير سواء بتفكري يا ترى هعمل ايه يا ترى هجيب كام يا ترى المذاكرها دي كفايه يا ترى هعمل ايه في الامتحان اللي جاي يعني لو طول الوقت في افكار كده وما بتقف هتبقى هي دي السبت محتاجه انك تقدري تديري موضوع الافكار ده كويس ان شاء الله علشان الصداع برده يكون عندك والف سلامه عليك.
تم النشر الثلاثاء، ١٧ نوفمبر ٢٠٢٦
أنا آسفة جدًا إنك بتعاني من الصداع ده، وإنه بيأثر على يومك كله ويمنعك من المذاكرة والنوم. الصداع المستمر في الجبهة والجانبين مع الإرهاق والأرق الشديد ده أمر مزعج جدًا، ومن المهم تاخديه بجدية. أول حاجة وأهم حاجة: لازم تروحي لدكتور متخصص (مثل طبيب أعصاب أو باطنة) عشان يفحصك ويعرف السبب الحقيقي، سواء كان توتر عضلي أو مشاكل في النوم أو أسباب تانية. إجابتي دي مش بديل عن استشارة طبية، وأنتِ محتاجة تقييم شخصي. في الوقت الحالي، حاولي تسجلي ملاحظات يومية عن الصداع (متى بيبدأ، إيه اللي بيزوده، وإيه اللي بيخففه شوية) عشان تساعدي الدكتور. كمان، حافظي على روتين نوم منتظم قدر الإمكان، وقللي الضغط على عينيك أثناء المذاكرة بفترات راحة قصيرة. لو الصداع بيزيد مع الدراسة، ممكن يكون مرتبط بالإجهاد أو وضعية الجسم، فجربي تعديل وضعيتك أثناء الجلوس. أنتِ مش لوحدك في ده، وكتير بيعدوا بمراحل زي كده وبتحسنوا لما ياخدوا الخطوة الصح. لو عايزة تتكلمي أكتر عن تأثيره على حياتك اليومية، أنا هنا أسمعك وأدعمك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ١٢ نوفمبر ٢٠٢٦
دكتور عيون الافضل انك تروحي
تم النشر الاثنين، ١٦ نوفمبر ٢٠٢٦
هل ضغط الدم مظبوط عندك ، ولا يعنى فى ارتفاع أو انخفاض فى الضغط؟ هل فى الم فى الرقبة؟
تم النشر الأحد، ١٥ نوفمبر ٢٠٢٦
حافظى على شرب الماء عشان نقصها بيعمل صداع
تم النشر السبت، ١٤ نوفمبر ٢٠٢٦
لو بتحسي ان عينك بتتعبك و أنتِ بتذاكري ف اكشفي نظر علشان انا كنت كدا و لو بتشربي كافيين كتير ف دا بيعمل ارق فظيع
تم النشر الجمعة، ١٣ نوفمبر ٢٠٢٦
روحت وعندي جفاف ف عيونى وكل الدكاتره بتقول مش هو سبب الصداع
تم النشر الاثنين، ١٦ نوفمبر ٢٠٢٦
انا بحس بصداع ف جانبين الراس جنب الحاجبين و ف نص الجبهه بين الحاجبين صداع مش بيروح حتى لو نمت وانا تعبت خالص وكمان عيونى وجعانى علطول ولم بركز ف حاجه بصدع اكترر ومش بقدر اركز
تم النشر الأحد، ١٥ نوفمبر ٢٠٢٦
مسك الموبيل كتير يسبب صداع بسبب شد عضلات الرقبة والضغط المستمر على عضلات الرقبة وكمان اجهاد العينين
تم النشر الأحد، ١٥ نوفمبر ٢٠٢٦
طيب الأرق سببه اى
تم النشر الأحد، ١٥ نوفمبر ٢٠٢٦
هو ممكن يكون طيب من مسك الموبايل كتير
تم النشر الأحد، ١٥ نوفمبر ٢٠٢٦
بس انا بقصر ف شرب الميه شويه غير انه بفكر ف كل حاجه زياده عن اللزوم وبقلق كتير
تم النشر الأحد، ١٥ نوفمبر ٢٠٢٦
لا الضغط عندى مظبوط
تم النشر الأحد، ١٥ نوفمبر ٢٠٢٦
انا معنديش انيميا بس عندي جفاف ف عيونى بس الدكتور قالى الجفاف مش هو سبب الصداع
تم النشر الأحد، ١٥ نوفمبر ٢٠٢٦
اعملى تحليل صورة دم كاملة (CBC) ومخزون حديد ferritin علشان نتأكد فى أنيميا ولا لا ممكن تسبب الأعراض دى ، كمان كشف نظر ضرورى
تم النشر الأحد، ١٥ نوفمبر ٢٠٢٦
لعرض السؤال في فدني اضغط هنا