@Psy-a'laa M. Abdulhamid السلام عليكم انا عندى مشكله طويله شويه وعايزه ليها حل انا من سنه تقريبا جالى وسواس الموت والمرض واكتئاب حاد ونوبات هلع واخدت ادويه وتحسنت وبعدين سبت الادويه الفتره دى من كام شهر بدأت ارجع تانى افكر فى الوساوس دى انا عملتها كل حاجه انا بصلى و بقرأ اذكارى و
والدتى اتكلمت معايا كتير وتقولى حاجات كتير عن الدين بس برده ابقى كويسه يومين تحصل حاجه انتكس تانى وكمان بسمع فيديوهات عن المرض دا علشان افهمه اكتر جربت كل الحلول كل حاجه تتخيلوها علشان اعالج الوسواس من غير ادويه لان الأدوية بتأثر على الجسم
المهم امبارح حلمت حلم عن جدتى المتوفيه وانا كنت معاها فى الحلم دا وانا بخاف من الاحلام دى اوى و خايفه الحلم دا يكون حاجه وحشه مع أن قبل ما انتكس المره التانيه كنت بحلم بيها عادى مكنتش بحط فى دماغى لكن اليومين دول الموضوع تعبنى وخوفنى كل أو اى اشاره مثلا من اى حاجه احس بخوف انا بجد تعبت والوساوس دا مأثر على حياتى اوى ومش عارفه اعيش زى بقيه الناس بقيت خلاص مش حاسه بحاجه تفرحنى
عليكم السلام ورحمة الله وبركاته العلاج الدوائي كان بوصفة طبيب؟ ووقفتيه بأمر طبيب؟ كنتي بتاخدي جلسات علاج نفسي غير دوائية الفترة اللي اخدتها فيها دوا؟
تم النشر الأربعاء، ٤ مارس ٢٠٢٦
لعرض السؤال في فدني اضغط هنا