ازاي اقدر احس بالامان وازاي ارجع شغفي للمذاكره مع العلم اني طول عمري من المتفوقين وكنت بحب المذاكره جدا ومعرفش اي اللي حصل وبعيد دلوقتي تالته ثانوي ومعايا 3 مواد ومش قادره ابص في كتاب وطول الوقت بيحصلي break down وبقع على طول وكمان صحابي اتخلو عني وانا لوحدي دلوقتي واهلي طول الوقت مش بيبطلو احباط فيا واني لازم اذاكر يأما هسقط تاني ومش شايفه شكلك قدام الناس ومحدش مصدق ان ازاي انتي يحصل كدا معاكي ودا غير ال trust issues من اقل حاجه تحصلي ومبحبش اتعامل مع البشر وطول الوقت خايفه وقلقانه ومتوتره وعندي ارق بقالي اكتر من 5 شهور ومش بنام كويس ويعتبر بنام في اليوم حوالي ساعتين بس وبجد انا مدمره جامد وحجات كتير بتحصلي بتخليني ارجع مليون خطوه لوره انا بس نفسي اخلص السنه دي بمجموع كويس لان انا تعبت بجد جامد في السنتين غير التعب النفسي وكمان نفسي بجد اروح لدكتور بس معنديش شجاعه
شكرا ليكي لانك كتبتي هنا. وزي ما كنتي بالشجاعة دي انك تكتبي فانتي تقدري تروحي لمعالج او طبيب نفسي يساعدك في تخطي الصعاب اللي كتبتيها دي. ولكن من ناحية تانية خلينا نشتغل على اللحظة دي ونقبل باللي حصل لغاية كده وبعد كده ابدأي اشتغلي على المتاح انك تعمليه دلوقتي ، ذاكري اللي تقدري عليه كل يوم. بس اعتقد انك محتاجة تكتسبي بعض المهارات اللي تساعدك انك تتعاملي مع المشكلات والاشخاص اللي حواليكي بالاضافة لتقليل القلق والتوتر وتنظيم النوم وده هيتم في العلاج النفسي.
تم النشر الثلاثاء، ٢٥ أبريل ٢٠٢٣
أولاً، أريد أن أقول لكِ أنكِ لستِ وحدك في هذا، وأن طاقتنا تتأثر بالعديد من العوامل. من الضروري التركيز على رعاية روحنا وجسمنا لتحسين مستوى الطاقة لدينا. وهناك عدة طرق يمكن اتباعها لزيادة الطاقة في الحياة، وهي: 1. الحصول على قسط كافٍ من النوم وعدم السهر طوال الليل. 2. الإكثار من شرب الماء وتناول الأطعمة الصحية والمغذية. 3. ممارسة الرياضة والحركة بانتظام. 4. تجنب الإفراط في شرب الكافيين والسكر. 5. الاسترخاء والتأمل والتفكير في الأمور الإيجابية. أما بالنسبة لمشكلتك في الدراسة، فيجب عليكِ أولاً التعامل مع الضغوط النفسية التي تعيشينها. يمكنكِ البحث عن الدعم النفسي من خلال اتصال بمركز للمساعدة النفسية، وتفحصي تحت إشراف طبيب الجهاز العصبي للاطمئنان على صحة النوم. كذلك يمكنك البحث عن خطة دراسية منظمة يتم استعمالها لتكون عامل إيجابي على اسلوب الحياة الخاص بك وأهمية فعالية في التعامل الأمثل مع مواضيع الدراسة التي تبدو صعبة عليكِ. ولا تنسى ان تحاولي أن تحدديها لنفسك الأهداف المحددة والمستقبلية للعمل عليها بوضوح باستخدام تقنيات الهدف والتركيز والتحفيز ضارورية التعرف على شخصيتك وبيئتك المحيطة بك لتتمكني من التفكير بوعي في الأمور والحد من القلق وعدم الثقة في الذات ويمكنك في ذات الوقت تحسين العلاقات الإنسانية من خلال الانخراط في الحياة الاجتماعية ويمكنك تجربة الانضمام إلى نادي أو مجموعة اهتمامات مماثلة لبناء شبكة دعم اجتماعية.
تم النشر الثلاثاء، ٢٥ أبريل ٢٠٢٣
المذاكرة مفهياش كلمة شغف .. المذاكرة فيها مسؤولية والتزام ... اني ابقى حاسه بالمسؤولية اتجاه نفسي ديه حاجه واني ابقى حابه اللي بعمله وطايره من الفرحة ديه حاجه .. يعني مثلا لو قولتلك تروحي سينما، او تخرجي مع اصحابك او تذاكري ... ايه الاحلي ؟ ما هو طبيعي اننا كلنا هنشوف الاحلى والاروق اننا نخرج ونهزر ونلعب ... اما مش طبيعي هنقول ياه انا بحس باحساس حلو اوي وانا بذاكر! انا طبعا مقدرة الضغط اللي انتي فيه، واللي بتمري بيه ... سواء الضغط بتاع المذاكرة، او حتى اهلك ... بس عايزة اقولك ان اهلك بجد خايفين عليكي، بجد بيحبوكي ويمكن بيعملوا اللي بيعملوه ده من خوفهم وقلقهم .. طبعا هو جاي بطريقة غلط ... بس مفيش ادني شك انهم عايزينك احسن حد في الدنيا. ف انتي هتعملي ايه؟ انسي كل حاجه ... حاولي تهدي كده، ملكيش دعوة ولا بكلام الناس ولا بكلام حد ... حاولي تهدي وتتكلمي مع نفسك بطريقة اهدي من كده. ومتقلقيش الثانوية مش نهاية الدنيا ... واتكلمي مع اهلك شوفي الاقرب ليكي واتكلمي معاه .. وقولي لهم اني هذاكر وهبقى احسن، بس بلاش تحسسوني بالضغط لان ده بيجيب نتيجة عكسية معايا وبخاف. ف انا هذاكر وهبقى تمام .. بس بلاش الضغط وبلاش مقارنة بحد ... اتكلمي معاهم بصراحه ده حل علشان تخلصي من كل ده. وبعد كده اهدي خالص واعملي جدول وهندلي الدنيا ... وذاكري واعملي اللي عليكي .. مفيش في ايدك اكتر من كده، وسبيها على ربنا.
تم النشر الثلاثاء، ٢٥ أبريل ٢٠٢٣
لعرض السؤال في فدني اضغط هنا