بصي يا بنت الحلال لازم تفهمي إنك غلطتي في حق نفسك من الأول. لما تسلمي مشاعرك وقلبك لشخص مش من حقك وتعيشي معاه في علاقة مش رسمية ولا ترضي ربنا تحت مسمى الحب تبقي أنتي اللي فتحتي الباب لوجعك. هو استغل إنك صغيرة ومفتونة بيه وبيعمل كده مع غيرك كتير والنتيجة إنه مشي وكمل حياته عادي وتجوز وأنتي اللي قعدتي متحسرة ومكسورة. الدرس ده لازم يفوقك مشاعرك دي غالية وما تديهاش غير للي يدخل البيت من بابه ويصونك بجد. ادعي ربنا يسامحك واقبلي الحقيقة واقفلي الصفحة دي خالص وركزي في مستقبلك وحياتك... وجد والله ربنا يحفظك ويسعدك
بصي انت في فتره صعبه في حياتك دلوقتي ف لو في وحده تساعدك وتقف معاكي تمام لو مفيش توكلي على الله وهتعدي والله متقلقيش تو فتره بس
تم النشر الأحد، ١٣ سبتمبر ٢٠٢٦
حاضر هحاول بكل ما عندي والله بس انا اللي كاسرني ان مفيش حد معايا يواسيني او يساندني والله الرحيم المستعان
تم النشر الأحد، ١٣ سبتمبر ٢٠٢٦
بصي النسيان والتعافي مش بيحصلوا في يوم وليلة والتغير محتاج وقت وصبر على نفسك أول حاجة لازم تعمليها إنك تقطعي أي حاجة تفكرك بيه خالص امسحي أرقامه وصوره وبلوكات من كل حته وما تسأليش عليه ولا تدوري على أخباره عشان كل ما بتشوفي حاجة عنه بتنكشي الجرح من جديد ولما تفتكريه وتزعلي طلعي مشاعرك وعيطي عادي ما تكتميش جواكي بس بعد كده قومي اغسلي وشك واشغلي وقتك الفراغ هو اللي بياكل في عقلك اطلعي مع صحابك ركزي في دراستك أو شغلك واعملي حاجات جديدة بتحبيها وقربي من ربنا واطلبي منه يبرد قلبك وينسيكي وكل ما تفتكريه فكري نفسك بإنه ما استاهلكيش وكسر قلبك ومش هو ده الشخص اللي ينفع تكملي معاه حياتك ومع الوقت والأيام هتلاقي نفسك قمتي وبقيتي أقوى من الأول.. وجد والله مش كلام وخلاص ..
تم النشر السبت، ١٢ سبتمبر ٢٠٢٦
بس انا مش عارفة اتغير مش عارفة انسي واعالج نفسي
تم النشر السبت، ١٢ سبتمبر ٢٠٢٦
لعرض الإجابة في فدني اضغط هنا