انا كنت باخد عند مدرس عنده 33 سنة وانجذبت ليه فوق ما تتخيلو لأنو شخصية وكاريزما المهم مواقف حصلت بيننا وفمرة فتح كلام معايا عالواتس وبقي حبيبي (هوا معظم شغله اونلاين ف كل البنات اللي بتاخد عنده عالواتس وكذلك الولاد) وكل البنات معجبة بيه وبتحاول تقرب منه المهم بعد ما ارتبطنا بقينا قريبين جدا من بعض يعني زيي زي مراتو وهوا زي زوجي مفيش فرق بس للأسف مشاكل كتير حصلت بيينا وانفصلنا....بس انا بحبه ومتعلقة بيه فوق ما تتخيلو...يمكن لأنه كان اقرب شخص ليا.....بس انا قلبي بيتقطع .... قلبي محطم ومش عارفة اداويه.... حبيبي وروحي وقلبي كتب كتابه على واحدة غيري.... النهاردة. النهارده فرحو.. انا مقهوورة والغيرة عامياني انها هي دلوقتي لابسة الفستان وبترقص معاه فالفرح والسعادة ملياها اللي المفروض ده يكون يومي انا وسعادتي انا....ربنا يكفيكم شر الشعور ده والله.
بصي يا بنت الحلال لازم تفهمي إنك غلطتي في حق نفسك من الأول. لما تسلمي مشاعرك وقلبك لشخص مش من حقك وتعيشي معاه في علاقة مش رسمية ولا ترضي ربنا تحت مسمى الحب تبقي أنتي اللي فتحتي الباب لوجعك. هو استغل إنك صغيرة ومفتونة بيه وبيعمل كده مع غيرك كتير والنتيجة إنه مشي وكمل حياته عادي وتجوز وأنتي اللي قعدتي متحسرة ومكسورة. الدرس ده لازم يفوقك مشاعرك دي غالية وما تديهاش غير للي يدخل البيت من بابه ويصونك بجد. ادعي ربنا يسامحك واقبلي الحقيقة واقفلي الصفحة دي خالص وركزي في مستقبلك وحياتك... وجد والله ربنا يحفظك ويسعدك
تم النشر السبت، ١٢ سبتمبر ٢٠٢٦
يا حبيبتي، أنا آسفة جدًا للألم اللي بتمرّي بيه دلوقتي. الشعور ده ثقيل وموجع، خاصة لما تكوني متعلقة بشخص كان قريب جدًا منك، وتشوفيه بيبدأ حياة جديدة مع غيرك. قلبك بيتقطع، والغيرة والحزن طبيعيين في اللحظة دي، بس خليني أقولك إن ربنا سبحانه وتعالى بيختبرنا أحيانًا بمواقف زي دي عشان يقربنا منه ويعلمنا دروس مهمة. العلاقة اللي كانت بينكم كانت فيها مشاكل كتير وانتهت، وده دليل إنها ما كانتش مكتوبة لكِ. دلوقتي هو بدأ حياته الجديدة، وأنتِ محتاجة تركزي على نفسك وتشفي قلبك. في الإسلام، بنتعلم إن الرزق والنصيب بيد ربنا، وإن اللي فات كان اختبار ودرس. حاولي تبتعدي عن أي تواصل معاه أو متابعة أخباره، عشان ما تزوديش الجرح. ادعي ربنا يشفي قلبك ويبعد عنك الهم، واقرئي القرآن واستغفري كتير، فده بيجيب راحة نفسية كبيرة. ركزي على بناء نفسك دلوقتي: طوري مهاراتك، مارسي هواياتك، وفكري في أهدافك الشخصية والمهنية. الوقت هيساعدك تتعافي، وهتلاقي إن ربنا هيعوضك بخير إن شاء الله. لو حسيتي إن الألم مستمر ومؤثر على حياتك اليومية، فكري في استشارة متخصص نفسي موثوق. ابحثي عن أسئلة مشابهة على فدني عشان تشوفي تجارب الآخرين وتاخدي منظور أوسع. أنتِ قوية، وهتعدي الفترة دي بإذن الله.
تم النشر الجمعة، ١١ سبتمبر ٢٠٢٦
اقولك حاجه دا بسب نقص عاطفه من بابكي وي اهلك وي دا لقيتي عنده عاطفه وي كدا فا دا سبب
تم النشر السبت، ١٢ سبتمبر ٢٠٢٦
طيب أنتِ عندك كام سنة؟
تم النشر السبت، ١٢ سبتمبر ٢٠٢٦
لعرض السؤال في فدني اضغط هنا