ازيك ي أحمد؟ أتمني إنك تكون بخير دلوقتي مش جايه أهون عليك أو أحسسك بالإستعطاف لأن ربنا الأقرب والأحنّ إلي جميع عباده . بس سؤال(إسأل نفسك لو إنتحرت هتستفيد إي؟) مثلا هل الألم اللي بتحس بيه هيخفّ ،هيزول؟ هل الوحده هتزول؟ الإكتئاب هيروح؟ هجاوبك علي الاساله دي من وجهة نظري بس بردو عاوزه إجاباتك لو شفت كلامي من وجهة نظري كوننا مسلمين فكرة الانتحار من اكبر الكبائر وربنا نهي عن قتل النفس مش جايه اكلمك في الدين بس جايه أفكرك فيما بعد الإنتحار هتخسر حياتك اللي كان بإيدك تخليها ورديه ، وحياتك الأبديه اللي بعد الموت اللي كلنا بنجاهد نفسنا وبنحاول نبعد عن الشبهات علي قدر المستطاع علشان نخليها ورديه. بالنسبه للإكتئاب فاهماك لاني مريت بيه ولسه آثاره فيا مش بقارن نفسي بيك أو بعلّي عليك مش قصدي والله بس ليه حل ليه متحطش في الاعتبار ان المشكله في الثيرابيثت اللي كنت بتتابع معاها يمكن المشكله انها مش فاهماك علشان كدا ما اتحسنتش الوحده ….. أنا وحيده وبحاول اتأقلم مفيش في حياتي غير عيلتي معرفش غيرهم بس هل معني اني عندي عيله أنهم عوضوني الوحده ؟ لا خالص مش بيعرضوا لان دا دورك تتأقلم وتحاول متبقاش وحيد كلم ناس مختلفه أظن انك في جامعه كون ناس تعمل معاهم بروجيكت او غيره هتعود تكلم الناس وتكون صداقات صدقني مريت بالأصعب وفقدت كل شيء حلو في حياتي بس بحاول أعيش وأجاهد نفسي حاول حاول أنت مش لوحدك طلع اللي جواك
لعرض الإجابة في فدني اضغط هنا