مش قادرة اسامح امي على دعاها عليا فرمضان وفي ليلة القدر
مش قادر اسامحها حتى لو مش من قلبها ازاي يجيلها قلب تقول كدا اصلا
المفروض مين اللى يسامح مين؟ الام مش بتوصل للطريقه دى غير بعد ما تعانى كتير انتِ السبب فى دعائها عليكِ شوفي عملتِ ايه وصلحيه اعملى العكس بدل ما تحاولى تتجنبيها قربي منها وصلحي علاقتك بيها ولو مش قادره علشان هى دعت عليكِ اعتبريها بنية بر بوالدتك وان ربنا امرنا بكده و فوّضي امرك لربنا وقوليله انك بتبري مامتك علشان ربنا امرنا بكده ودى طاعه واستخلص نيتك كلها لربنا والامور كلها هتتحسن وترجعوا كويسين احسن بكتير من كلمة مش قادره اسامحها !
تم النشر السبت، ١٨ أبريل ٢٠٢٦
فاهماكي وخصوصا ان بيكون صعب علينا ان ازاي هيا امي وتدعي عليا بحاجه وحشه وان لو ايه متدعيش لان ممن ساعه استجابه او كدا بس احنا نحاول ان نكبر دماغنا نشوف هيا ممكن حسيت بايه او عندها مشاكل ايه في لحظه زي دي عشان تدعي عليا او كدا نحاول نرضيها نفهمها نحاول نقلل المشاكل الي مبينا وان مهما حصل هيا هتفضل الام الي مهما ان كان هتخاف علي عيالها عارفه ان لما هيا دعت عليكي كانت جواها بتعيط ممكن متبينش وان بالنسبالها عادي بس من جوها لا احنا نحاول نفهم مشاكل بعض
تم النشر السبت، ١٨ أبريل ٢٠٢٦
إحساسك مفهوم جدًا، لأن كلام الأم بيوجع فعلًا، خصوصًا في وقت زي ليلة القدر. وفي الدين معروف إن دعاء الأم له شأن كبير، لكن برضه مش كل كلمة بتتقال وقت غضب بتكون مقصودة أو دعاء حقيقي من القلب. ربنا قال: ﴿وَقُل لَّهُمَا قَوْلًا كَرِيمًا﴾ يعني حتى وقت الزعل، الأسلوب بين الطرفين لازم يفضل فيه رحمة واحترام. بس في نفس الوقت، مش معنى كده إنك تتجاهلي وجعك، حقك تتضايقي وتاخدي وقتك. المهم ما نحكمش على الأم كلها من موقف واحد، ونفكر بهدوء: هل ده انفعال لحظة؟ ولا فيه مشاكل متكررة بينكم وصلت للمرحلة دي؟ خدي وقتك، وهدّي نفسك، وبعدها قرري أنسب طريقة تتعاملي بيها من غير ما تخسري العلاقة كلها.
تم النشر السبت، ١٨ أبريل ٢٠٢٦
يا حبيبتي، أنا ذكية، وأنا هنا معاكي قلبًا وقالبًا. ألمك ده مفهوم جدًا، خاصة إن الدعاء في رمضان وليلة القدر بيوجع القلب أكتر، وده شعور طبيعي يحتاج وقت عشان يهدأ. من منظور إسلامي، ربنا سبحانه يحب الصفح والمسامحة، وقال تعالى: "وَلْيَعْفُوا وَلْيَصْفَحُوا ۗ أَلَا تُحِبُّونَ أَنْ يَغْفِرَ اللَّهُ لَكُمْ". الأم مش دايمًا بتفكر في كلامها لما تغضب، وغالباً بيكون من الغيظ اللحظي مش من القلب الحقيقي. ربنا غفور رحيم، وهو اللي بيرد الدعاء السيء خيرًا لو صبرتِ. خطوات عملية تساعدك تسامحيها (وأولًا نفسك): ادعي لها سرًا : قولي "اللهم اهدِ أمي واغفر لها" كل يوم بعد صلاة، ده هيفتح قلبك تدريجيًا ويبدأ الشفاء. اكتبي اللي جواكِ : على ورقة، اكتبي الغضب كله، وبعدين احرقيها أو مزقيها، وركزي على ذكرياتها الحلوة معاكِ. ابدئي كلام لطيف : قوليلها "يا أمي، أنا بحبك وأتمنى ننسى اللي فات" بدون اتهام، ده هيفتح باب الحوار. ركزي على نفسك : مارسي شكر الله على نعمه كل صباح، عشان الغضب ميسيطرش عليكِ. أنتِ قوية وقادرة، والمسامحة دي هدية لروحك أولًا. لو عايزة دعم أكتر، شوفي الخبراء في https://www.fedni.net/experts، أو ابحثي عن أسئلة مشابهة في فدني هتلاقي إجابات كتير تساعدك. ربنا يريح قلبك ويصلح بينكم يا رب. 💕
تم النشر السبت، ١٨ أبريل ٢٠٢٦
والله للأسف حال كتير من الأمهات كدا للأسف ربنا يعينك ويهون عليكى بس لو انتى عايزة حل يخفف عنك وتسامحيها على طول وتقدرى تتعاملى مع أى حاجة تخص والدتك أو تصرف منها اقرأى عن فضلهم وطاعتهم فى الإسلام اسمعى بودكاست عن بر الوالدين علشان قلبك يلين ب مجرد ما قلبك يلين هترتاحى وهتتعاملى ولك من قصص الأنبياء والصحابة عبرة لنا فى وتعاملهم ازاى والديهم حتى وان كانوا كفار حتى وان كانوا يؤذونهم ربنا يخفف عنك ويلين قلبك ويهديكى ويهدى والدتك ليكى ويحنن قلبها عليكى
تم النشر السبت، ١٨ أبريل ٢٠٢٦
(لا يحب الله الجهر بالسوء من القول إلا من ظُلِم). الدعاء مش هيستجاب طالما مظلمتهاش فعلا، فهون على نفسك وصلح علاقتك بيها، لو صلحت نفسك علاقتك هتتصلح بلا شك، اقرأ عن بر الوالدين
تم النشر السبت، ١٨ أبريل ٢٠٢٦
🤔🤔
تم النشر السبت، ١٨ أبريل ٢٠٢٦
لعرض السؤال في فدني اضغط هنا