و انا في تالته ثانوي كنت باخد درس و المستر كان بيقعد يهزر و يقول هزار في المنهج فلمعلومه كانت بتثبت و كنت لأول مرة بضحك من قلبي بجد و كنت بحب المدرس ده جدا و بستنى حصته من الاسبوع للاسبوع فحسيت اني ممكن احبه بجد و معرفش اركز في تالته ثانوي و للعلم اني عمري ما كلمت ولد و له حبيت حد فقلت مش هاجي اعمل كده في تالته ثانوي بس قلت مش مهم هروح الدرس و خلاص علشان هو احسن واحد بيشرح الماده دي و فعلا برمجت نفسي اني اركز في الدرس بس و خلاص
بس كنت بلاقي المستر ده بيفضل باصصلي طول الحصه و صاحبتي لاحظت كده برضو و كنت مش فاهمه ليه بس فات كذا حصه لغاية آخر السنه و هو كل حصه بيفضل باصصلي و انا ساعتها قولت يبقى بيحبني و جه في الاخر و كنت مجمعه اسأله كتير بقى و روحت اسأله فيها علشان السنه كانت قربت تخلص فكان في كذا حد واقف بيسأله و كانوا بيقولوله ان حصته هتوحشهم لما يخلصوا
فأنا قولتله و انا بهزر اني هبقى اجي احضر السنه الجايه فقال اه ابقي تعالي احضري بجد و فضل باصصلي كتير و انا روحت باصه الناحيه التانيه و انا في الوقت ده كنت حسه اوي انه بيحبني و خوفت ساعتها و مكنتش عارفه اعمل ايه علشان كنت بحبه اوي و السنه كانت قربت تخلص و انا عارفه اني مش هشوفه تاني و في نفس الوقت انا عارفه اني لسه صغيرة و مش عارفه الي بيحصل ده غلط و له عادي و بعد ما ده حصل روحت وقفت بعيد و كنت بلم كتبي
لقيته جه جمبي و قالي اشطا اوي انا مفهمتش ايه ده و مرضتش و مشيت و كان تفكيري ساعتها انه ممكن يقولي انه بيحبني آخر حصه علشان كان بيعاملني معامله مختلفه و كان بيقعد يزعق لأي حد يتكلم و هو بيشرح و انا كنت بتكلم عادي و عمره ما زعقلي و آخر حصه كنت روحت أتصور معاه فوانا بتصور معاه
كنت واقفه جمبه فراح ماسك ايدي و انا اتخضيت و شديت ايدي لقيته عمل قلب بإيده و احنا بنتصور و استغربت و كنت مستنياه يقول اي حاجه بس مقلش و مشيت و انا قلبي بيوجعني علشان كنت عارفه اني مش هشوفه تاني و كنت مش مصدقه الي بيحصل و رجلي كانت تقيله كنت حاسه اني مش عارفه امشي من السنتر بس هقعد اعمل ايه يعني فحاولت امشي قعدت اعيط طول الطريق و انا مروحه
و فضلت سنه كامله بحاول استوعب الي حصل و اعيط و ادعي ربنا و عملت كل الي اقدر عليه بجد و بعدين دخلت الجامعه و اكتشفت بالصدفه انه بيدي في سنتر قريب من الجامعه فرحت اسلم عليه و اتصورت معاه و مشيت و كنت فرحت اوي اني شوفته و افتكرت كل الذكريات و كنت كل فترة كده بروح اسلم عليه و كل مرة بفرح اوي بس بعدها برجع اوحش من الاول علشان هو بعيد و مش معايا و بفضل اعيط و بعدها بقى حسيت ان الي بعمله ده حرام و هو مش بيقول حاجه لو بيحبني كان قال و قررت اني مش هروحله تاني و فعلا دلوقتي فات كذا سنه و انا مشفتوش بس انا كنت بحبه اوي و ما زلت لما بفتكره كده كل فترة بتمنى لو كنت فضلت معاه و بزعل شويه و بحس بذنب اني عملت في نفسي كده انا مبقتش عارفه احب حد تاني بقيت ادور على اي حد شبه بس مش بلاقي.......
و برضو معرفش انا عملت حاجه حرام او انا غلطانه في حاجه و له لا ؟
السلام عليكم، مشاعر الإعجاب طبيعي تحصل خاصة في الفترة دي وملناش ذنب لو حسينا بالإعجاب ومعملناش حاجة، الغلط والذنب لو أخدنا الإعجاب ده لخطوة ربنا لا يرضى عنها. المدرس غلط وغلطه كبير جدًا، حتى لو بيهزر مينفعش يتصرف كده مع بنت ولو كان متعمد يتصرف بالطريقة دي مع طالبة صغيرة عنده فهو شخص غير أمين ولا يستحق احترام منك أو مشاعر إعجاب حتى. وأنتِ غلطتِ، لما محافظتيش على الحدود بينك وبينه وإنك كل فترة ترجعي تسلمي عليه. ** هل معنى ده إنك بتعملي حرام وذنوب وربنا مش هيرضى عنك وتغرقي في مشاعر الإحساس بالذنب واليأس من نفسك؟ طبعًا لأ، غلطنا ووقعنا في الذنب، يبقى نرجع لربنا على طول ونستغفر ونتوب ونقرر عدم العودة للذنب مرة أخرى. نتوب واحنا عارفين إن ربنا لما نتوب بصدق هيتوب علينا ومنسمحش للشيطان يخلينا نيأس من رحمة ربنا وغفرانه. ** قلتِ بقالك كذا سنة مروحتيش له تاني، خليكِ ثابتة على موقفك مهما حسيتِ بالحنين. انتِ مش بتحبيه، أنتِ لسه متعلقة بأوهام من الماضي فانزعي الوهم ده من عقلك ونفسك وعشان كده لازم تضعي الشخص ده في مكانته الحقيقية وإنه مكنش شخص أمين واللي بيحب واحدة أصلا بيخاف عليه ومش بيحاول يتعدى الحدود معها أو يلمسها بطريقة لا تحل. ** قربي من ربنا وركزي على حياتك وتطوير نفسك وافتكري دايما إنك غالية وربنا وضع حدود عشان تحافظ عليكِ كبنت فخليكِ متمسكة بها. ربنا يحفظك ويبعد عنك كل شر.
تم النشر الثلاثاء، ٢٤ يونيو ٢٠٢٥
السلام عليكم ورحمه الله وبركاته في الحرمانيه يعني لكن هنتكلم في مساله الخطا والصحيح مشاعرك بتطلع من جواكي ودي حاجه عليها خلاص ولا صح لان هي طلعت من جواكي طبيعي المشاعر جت منين جاءت من الفكره فكره بقى انه انا بنوتي صغيره وحلوه وانه انا في حد بيعجب بيا طلعت مني المشاعر باني ابادل نفس الشعور اني برده انا كمان اعجب بالشخص او افكر فيه وده كله طبيعي جدا ان هو يطلع ااا الخطا بيبقى امتى ونقف ونتكلم فيه انك تكوني بالمشاعر اللي عندك وبالافكار اللي عندك بداتي تاخدي خطوات غلط خلينا نقول انك تروحي ااا تسلمي على على المدرس وانت رايحه علشان بس الهدف بتاع انك تشوفيه عشان اعجابك بيه غلط ما كانش في داعي منه خالص وانا عارفه انت بتعملي ليه عشان منتظره انك تدي له الفرصه انه يقول ان هو بيحبك عشان يمكن ما استغلش الفرصه اللي فاتت فالكلام ده عموما انسيه خالص خالص ليه بقى لانه لو الشخص ده شخص منضبط وهو فعلا كان اعجب بيكي بشكل معجب بنت شاف ان هي كويسه. كان طلب منك ان هو يكلم اهلك تصرف ده ما حصلش خلاص الموضوع خلص يبقى الشخص ده بعيد عن الصوره دي تماما اه والله بقى ممكن يكون بيلفت نظرك عشان خاطر انت بنوته جميله صغنونه عشان خاطر برده شاف فيكي نظرات وانت مكسوفه كده او انت بتحاولي تداري كسوفك من انه باصص لك يعني ممكن يكون قاصد ان هو كتير يعمل معاكي انت ده وبيعمله مع بنا ما تغلطيش ثاني ما تفكريش في مدرس ده اكتر من كده علشان ما تلاقيش نفسك بتعملي افعال اكثر من اللي انت بتعمليها انك بتروحي وتسلمي عليه في السنتر اللي هو بيدي في دروس قريب من الجامعه بتصرفات غلط هتؤدي للتصرفات تانيه غلط اكبر منها فوقفي ده تماما.ت ثانيه وبنات ثانيه برده زيهم زي كده فاكرين ان هو معجب بيهم فاا احتمالات وكثير جدا ما لناش دعوه بيها المهم ان هو خرج من سياق شخص متزن ملتزم بالاخلاقيات اللي تخليه لو شايف ان في بنت كويسه او تناسبه الارتباط رسمي كان بيكلم اهلها بس كده نقطه من اول السطر مش محتاجين نفكر في اكثر من كده اي تفكير احنا هنفكره في الشخص ده في المدرس ده اكثر من كده هنا بقى الغلط.
تم النشر الأربعاء، ٢٥ يونيو ٢٠٢٥
ايه هي علاقتك بباكي؟ هل هو غايب ولا معاكوا بس علاقتكوا بعيدة؟ ولا متوفي؟ غالبا الحب ده بسبب انك مفتقده لحب الأب ف حبيتي واحد زي بباكي أو قده أو واحد كبير عامة، و من الطبيعي ان الطالب يحب المدرس بتاعه بس اللي انتي فيه ده تعلق مش حب و التعلق متقعديش تفكري انتي عملتي حاجة غلط أو حرام ولا لا الكلام ده من زمان و زي ما بتقولي انتي مبقتيش تروحي السنتر تشوفيه ف خلاص خلينا في دلوقتي، دلوقتي حاولي تركزي في حياتك و دراستك و تبعدي عنك اي افكار عن مدرسك و حطي في دماغك انه مستر و علاقتكوا فيها حدود حتى لو بتحبيه، و من الناحية التانية ركزي على علاقتك بباكي و حاولي تحسنيها (إذا كان عايش) أو اطلبي المساعدة و الاهتمام من حد من قرايبك أو صحابك او ممتك و لو الموضوع منفعش و لسه بتفكري فيه و بتحنيله استشيري أخصائي نفسي يعرف يساعدك
تم النشر الأربعاء، ٢٥ يونيو ٢٠٢٥
لسه صغنن يا صغنن 🥰... بكرة هتفتكري الكلام ده وهتقولى ازاى كنت بفكر كده وبرافو عليكى انك بعدتى ... ومتدوريش على حد هتلاقى نصيبك جاى لحد عندك
تم النشر الخميس، ٢٦ يونيو ٢٠٢٥
إنتي شويه وهتنسي الموضوع ده وتقولي اد اي كنت تافهة اني رحت ورا عقلي ده موش القلب وله ده حب لانو الحب بياخذ سنين لحد ما تقعي فيه وهو لو كان كلامك يقول انو بيحبك فدا مستحيل الي يحب يقول ويكون محترم في التعامل معاك هو حابب يتحرش بيك علي كدا لانو هو عارف انك معجبه بيه واحمدي ربك انك محكتيش له حاجة واحمدي ربك انك بعدتي عنو لانو في افكار شيطانيه في دمغه وربنا يوفقك في حياتك ويحميك ويبعثلك ابن الحلال
تم النشر الخميس، ٢٦ يونيو ٢٠٢٥
بصي الحب مش بأيدينا عامة وأنتي شويه وهتنسيه عادي وهيجي حد بعده وهتحبيه عادي بس أنتي حاسه أنك مش هتعرفي تحبي بعده وكدا لكن دا وهم دي شويه افكار أنتي حتطيها في دماغك وخلاص وبعدين هو ممكن كان معجب بيكي بس لو كان عايزك كان قال وكان جيه لأهلك أنتي متروحيش ليه تاني وحاولي تقنعي نفسك أن أنتي محبتهوش ولو ليكم نصيب مع بعض أكيد هتكونو مع بعض وبنسبة لحرام وكلام من دا لو كنتي بتسلمي عليه عادي ومافيش أي تجاوزات فعادي مش حرام ولو كان في أي حاجة فعفا الله عما سلف
تم النشر الخميس، ٢٦ يونيو ٢٠٢٥
ههههه انتو حساسين قوي سبحان الله مشاعر مرهفة خالص.. ربنا يوفقك ويكتبلك الخير هو يبدو انه استاذ مراهق ومش مراعي ربنا ومعندوش حدود وبيستغل مكانه، مايستحقش بجد حد لطيف وحنون زيك ده الله يهديه ويهدينا، ودي مواقف عابرة نهتم بيها لما يحصل احداث جادية تأكيدية .. الله المستعان
تم النشر الأربعاء، ٢٥ يونيو ٢٠٢٥
اوعى تعطى مشاعرك لاى حد خصوصا المدرسين دولت والتعامل يبقى بحدود اوووى قولى الحمد لله انها جات على قد كده... وهو مكنش بيحبك ولا حاجه اكيد انتى حلوه ف هو قال لم اروح استغلها او اتسلى بيها بعدين هتفتكرى االى بتعمليه دلوقتي وتقولى انا كنت غبيه اوووى
تم النشر الجمعة، ٢٧ يونيو ٢٠٢٥
على العموم (احتمال) انا دا بسبب فجوة أبوية ويكون المدرس ده قريب من شخصية الأب .. ولو كان كده فعلا فالحل مش عند المدرس ولا عند الأهل الحل من داخلك
تم النشر الجمعة، ٢٧ يونيو ٢٠٢٥
لعرض السؤال في فدني اضغط هنا