السلام عليكم، ممكن السبب في شعورك مشكلة في تربية الأهل لك وممكن يكون أسباب تانية ناتجة من سنين حياتك وتجاربك مع اللي حولك. الأكيد إن فيه مشكلة في نظرتك لنفسك وثقتك بها. محتاجة تشتغلي على ده. أنتِ أولا مش محتاجة تستمدي الحب والاستحقاقية من الآخرين، لكن لو فقدتِ استمداد ده من نفسك صعب جدا تاخديه من حد تاني. لازم تتعلمي تحبيها هي وتساعديها تكون أفضل وكل ما أنجزتِ في حياتك وغيرتِ في نفسك هتحسي بفرق وثقتك بنفسك هتزيد. خليني أؤكد على نقطة مهمة، إحساسك بنفسك بيوصل للآخرين من غير ما تحسي. متفتكريش إن خطيبك مش هيوصله إحساسك بعدم الاستحقاقية وهيعاملك بعد كده على أساسه. اللي حولنا بيشوفوا انعكاس اللي جوانا وبيعاملونا على أساسه، هتعاملي نفسك وتبصي لها إنها قليلة اللي حولك هيلقطوا الإحساس ده ويعاملوكِ به فهتحسي بقلة تقدير وعدم حب أكتر فتزيد الصورة السلبية اللي بتعكسيها لهم وهتفضلي في دائرة مغلقة مش هيكسرها غير تغيرك أنتِ. ذكية قالت لك بعض الحلول والتجارب السلوكية اللي تقدري تطبقيها وإن شاء الله حد من الخبراء يجاوب على سؤالك ويفيدكِ بطرق أكثر تخصصًا تفيدك بإذن الله. بالتوفيق.
شكرا لحضرتك
تم النشر الثلاثاء، ٢٥ نوفمبر ٢٠٢٥
لعرض الإجابة في فدني اضغط هنا