بصي يا بنت الناس كلامك واضح ومفهوم ومينفعش تدفني نفسك في مكان مش شبهك لمجرد الأمان الوظيفي أو عشان ترضي حد الطب كله حفظ ومذاكرة طول العمر وإنتي بتقولي بعضمة لسانك إنك بتكرهي الحفظ وبتموتي في الفهم والتحليل والرياضة يبقى إيه اللي يرميكي في سكة هتتعبك نفسيا ومجال الهندسة والتكنولوجيا دلوقتي مبقاش حكر على الولاد خالص والبنات مكسرين الدنيا فيه وشغالين في أحسن الشركات وبمرتبات خيالية كمان وطبيعي تخافي من الفروع الجديدة في الرياضة بس طالما دماغك بتلقط الفكرة وبتفهم مش بتحفظ يبقى هتسلكي في أي حاجة كبرتي وبقا ليكي مستقبل تحدديه بنفسك واقعدي مع بابا وماما وفهميهم براحة إن شطارتك ونجاحك الحقيقي هيكون في المكان اللي بتحبيه وبتفهمي فيه مش في المكان اللي هما شايفينه مأمون عشان لما تنجحي وتتفوقي هما أول ناس هيفرحوا بيكي وبإنجازك فبلاش تظلمي نفسك وتضيعي ميزتك في الفهم والاستنتاج وروحي للحاجة اللي شبهك بجد.... مش بقلك كدا عشان مجالي والله .....بس متنسيش أن طبيعه المكان اللي انتي فيه ليها دور كبير في المسار اللي تختارية
ربنا يوفقك لما يحب ويرضى 🌷 باذن الله
تم النشر الاثنين، ١ يونيو ٢٠٢٦
هوا حاليا الدنيا تمام..يا رب بقا م ارجعش بكره انا و مغيره رايي و محتاره كمان 😅..عموما لو في اي سؤال هرجع هنا و هقول لحضرتك..تسلم
تم النشر الاثنين، ١ يونيو ٢٠٢٦
اهم لو في اي حاجه تاني اتفضلي ...
تم النشر الاثنين، ١ يونيو ٢٠٢٦
العفو. ايوا حضرتك افدتني..يا رب 🤍
تم النشر الاثنين، ١ يونيو ٢٠٢٦
من وجهت نظري حاجه حلوه جدا وجميله منها الاستقرار الوظيفي والشغف كذالك وربنا يوفقك ويكرمك... شكرا جزيلا على المتابعه ربنا يحفظك.. ربنا يهديهم اللي بيتابعو الحجات دي ...الشكر لله مش مشكله اتمنى اكون عرفت أفيدك ..
تم النشر الاثنين، ١ يونيو ٢٠٢٦
شكرا جدا علي وقتك
تم النشر الاثنين، ١ يونيو ٢٠٢٦
متابعه فيديوهاتك اصلا 🌷
تم النشر الاثنين، ١ يونيو ٢٠٢٦
ربنا يوفقك و ينفع بيك
تم النشر الاثنين، ١ يونيو ٢٠٢٦
ما شاء الله...ربنا يرزقنا الانشغال الحلو دا..دي حاجه مش هتفيدك دي اخبار يعتبر هه . يعني الاخبار دي مش بتفيد مابالك باللي بيتابع اصلا حاجات مش مفيده
تم النشر الاثنين، ١ يونيو ٢٠٢٦
اه جميل جدا
تم النشر الاثنين، ١ يونيو ٢٠٢٦
بحس دلوقتي وصلت لحل كويس.. اني ادخل مسار الطب و علوم الحياة عادي ولكن مستحيل ادخل كلية طب مهما كان..و اختار كليه هينه شويه و مش فيها سنين دراسه كتير و مثلا اذا انا حبيت اطور نفسي و كدا ممكن مثلا اتعلم برمجه و الحاجات دي..كدا كويس؟
تم النشر الاثنين، ١ يونيو ٢٠٢٦
انا مش فاضي والله مشغول في دراستي وبين صناعه محتوى ديني ... وبين اني اكون اخ وابن وصديق كويس ف مش فاضي اني اتابع حاجه مش هتفيدني ..مش اكتر 😅
تم النشر الاثنين، ١ يونيو ٢٠٢٦
دي البكالوريا دي دلوقتي حديث ف منصات التواصل كلها و التحديثات بقا اللي بيعملها الوزير.. كله دلوقتي عارف بالموضوع دا. معقوله في حد ف مصر ميعرفش 😅
تم النشر الاثنين، ١ يونيو ٢٠٢٦
لا عادي والله..هياها انا استفدت من الكلام مفرقتش اوي
تم النشر الاثنين، ١ يونيو ٢٠٢٦
ف بحس اول كليه بستبعدها هيا كلية الطب و اللي هيا الاهم اصلا..كمان الأسنان مش حلو و الصيدله ممكن يتلغي منها التكليف و هكذا. و التمريض دا مستحيل
تم النشر الاثنين، ١ يونيو ٢٠٢٦
اه بعتذر جدا 😊 انا اصلا كنت ازهر ف كان عندنا رياضة وعلوم مع بعض
تم النشر الاثنين، ١ يونيو ٢٠٢٦
مش عارفه بس كل م اشوف انو الشخص عشان يبقي دكتور ياخدله ب 15 سنه و بعدها مش عارفه ياخد وقت علي م يتشهر و الناس تعرفله و تروحله طب م هياها مصاريف يعني مفرقتش. د هياخد سنين عشان يبقي بس بيسدد مصاريفه اللي صرفها ف كل السنين دي
تم النشر الاثنين، ١ يونيو ٢٠٢٦
هوا واضح انو حضرتك مش مطلع اوي علي نظام البكالوريا المصريه بس عموما يعني ف الوقت دا اصلا بنبقي محتاجين نحدد المسارات اصلا و اللي هيبقي فيها كليات معينه يعني شبه اللي بيختارو بين علمي علوم و علمي رياضه و ادبي و هكذا..ف مفيش اصلا فرصه اني استني اشوف مجموعي و بعدها اقرر الكليه مع ان والله دا كان اول حل هلجأ ليه و لكن لازم احدد المسار ف الوقت دا و كدا
تم النشر الاثنين، ١ يونيو ٢٠٢٦
العيب مش فيكي خالص والله دا طبيعي جداً ومفيش أي عيب إنتي في سن صغير وضغط البكالوريا مخلّي أي كلمة توديكي وتجيبك لأن دماغك بتدور على الأمان والشغف في نفس الوقت وعشان كدا بتقتنعي بالكلير ده والكلير ده لما بتشوفي مميزاتهم
تم النشر الاثنين، ١ يونيو ٢٠٢٦
و كرهك للدكاترة فممكن تبقي إنتي الدكتورة الرحيمة المختلفة اللي الناس تحبها وتدعي لها وتغيري الصورة دي في نظر نفسك والناس فكري فيها إنك بكدا هتكسبي مستقبل مضمون ومكانة عالية وفي نفس الوقت هترضي أهلك وتريحي بالك من الحيرة دي خالص عشان تركزي في مذاكرتك ومجموعك ونقفل الصفحة دي..... وبعدين نسيب كل الواغش ده كله ونصلي صلاة استخاره نخلص بيها الحوار ده كله اكيد ربنا عارف الأنسب ليكي اي
تم النشر الاثنين، ١ يونيو ٢٠٢٦
طب والله انا كدا احترت كمان... لما تقوللي انو هندسه كويسه و وو بروح اقتنع و كله تمام و لما قولتلي ان الطب برضو كويس اقتنعت بيه 😅. طب اي الحل.. شكل العيب فيا انا
تم النشر الاثنين، ١ يونيو ٢٠٢٦
وعايز اوضحلك نقط بس الطب الحقيقي مش هو الشويه اللي بتسمعيهم في الأول ولا هو حفظ وبس الطب في جوهره هو أعلى درجات الفهم والاستنتاج اللي إنتي بتحبيها لما يجيلك عيان وتفضلي تحللي الأعراض زي اللغز لحد ما توصلي للسبب دي قمة المتعة لعقلية ذكية وزي المحققين بالظبط وتخصصات الطب واسعة جداً ومش كلها بهدلة ومستشفيات ونبطشيات فيه تخصصات راقية وهادية ومريحة جداً للبنات وبتعتمد على الأجهزة والتحليل برضه زي الأشعة والتحاليل والجلدية والرمد والأطفال ودي تخصصات بتديكي برستيج ومكانة مادية واجتماعية ملهاش مثيل وفوق كل دا أمان وظيفي حقيقي ومضمون مية في المية وعمرك ما هتقعدي في البيت
تم النشر الاثنين، ١ يونيو ٢٠٢٦
الشكر لله ...ولا يهمك ...بصي يا بنت الناس كلامك صح مية في المية وهما فعلاً لسه بيفكروا بالطريقة القديمة ومش مستوعبين موضوع الشغل من البيت دا خالص لأن جيلهم مشافش الكلاكيع دي ولا عاشها وطبيعي جداً ميبقوش راضيين أو قادرين يتخيلوكي في مكان هما مش فاهمينه وميعرفوش عنه حاجة بس تعالي نبص للموضوع من زاوية تانية خالص تريح قلبك وعقلك دلوقتي طالما هما قفلوا دماغهم على طريقة التفكير دي يبقى كتر الكلام والنقاش والمجادلة معاهم دلوقتي ملوش أي لزمة غير إنه هيحرق دمك ويسد نفسك عن المذاكرة ويضيع وقتك على الفاضي وهما مش هيقتنعوا بكلام نظري أبداً الجيل دا بالذات مبيقتنعش غير لما يشوف النتيجة قدام عينيه على أرض الواقع يعني لما يلاقوا المجموع في إيدك وساعتها يبدأ الكلام الجد دلوقتي تعملي هدنة وتقفلي الكلام في الموضوع دا خالص معاهم ومتفتحيش سيرة كلية كذا أو كذا وسيبيهم فاكرين اللي هما عايزينه وركزي كل طاقتك وعصبك ودماغك اللي بتحب الفهم دي في المذاكرة عشان تجيبي أعلى مجموع تقدري عليه لأن المجموع العالي هو اللي هيديكي القوة والـمركز اللي تقدري تتفاوضي بيه وتختاري بعدين شيلي حمل إقناعهم من على كتافك حالياً وبطلي تفكري هما شايفينك فين أو مش شايفينك فين فكك منهم خالص وركزي في ورقك وبس ولما تخلصي البكالوريا والنتيجة تظهر لكل حادث حديث ساعتها ربنا هيحلها من عنده وتكوني إنتي في موقف أقوى ومعاكي مجموعك اللي يفتح لك الأبواب فامسكي في مصلحتك دلوقتي وسيبك من أي تفكير يعطلك...
تم النشر الاثنين، ١ يونيو ٢٠٢٦
بحس اهلي لا زالو معتمدين علي طريقة التفكير القديمه و مش واعيين ل ان ممكن الشخص يشتغل من البيت اصلا. و بحسهم مش قادرين ولا راضيين يشوفوني ف مكان زي كدا.
تم النشر الاثنين، ١ يونيو ٢٠٢٦
بجد حابه اشكر حضرتك جدااا..مفيش داعي للاعتذار عادي والله. د كفايه بس وقت حضرتك و جهدك اللي بذلته 🌷
تم النشر الاثنين، ١ يونيو ٢٠٢٦
الله بجد..بس برضو لو اتكلمت من منطق هل هيبقي في شغل مناسب للمراة هنا ف مصر اللي متخرجه من هندسه او حاجه زي كدا؟ لاني شفت كذا حد مثلا واحده بتقول انها حققت حلمها و دخلت هندسه و كدا و ف الاخر ملقيتش شغل و قعدت ف البيت. ولا اللي يقولو ان واحده دخلت هندسه و ف الاخر اشتغلت مدرسه رياضيات. دي مش خرافات من النت دول ناس والدتي حكتلي عنهم. و بحس ان اكتر حاجه ماثره ف قرار اهلي انهم شايفين هندسه مش هيبقي ليها وظايف للبنات اما الولد يقدر يسافر و يروح هنا و هنا و كدا. اهلي اصلا مش مستوعبين اني ممكن حتي اسيب المحافظه ع الاقل عشان الاقي المكان اللي اشتغل فيه
تم النشر الاثنين، ١ يونيو ٢٠٢٦
أما والدك الفاضل لما بيقولك أنا عارف مصلحتك هو مش بيعاندك ولا بيكسر طموحك هو بينطلق من دافع الحب والخوف عليكي وبيدور عن الأمان ليكي في مجتمع هو شايفه من منظوره وخبرته. متقاطعيش خططه بعناد طفولي بل بالبر والمنطق والدليل والبرمجة والهندسة بقوا من أكتر المجالات المناسبة لطبيعة المرأة حالياً لأنها بتتيح ليها العمل من بيتها ومملكتها بحرية كاملة وبأعلى إنتاجية وسط بيئة محافظة. نصيحتي ليكي بطلي جلد ذات وبطلي شيل هم المستقبل والرزق والوفاة والتعويض دي غيبيات مش بتاعتك ولا بإيدك. ركزي دلوقتي في اللحظة الحاليه في مذاكرتك وبكالوريا بتاعتك ومتحمليش نفسك مسؤولية القرار قبل أوانه لما ييجي وقت التنسيق والمجموع اقعدي مع والدك قعدة صدق وقولي له: يا بابا أنا بحب الفهم والرياضيات والطب قايم على الحفظ وممكن مشقته تكسرني نفسياً وأنا ضعيفة فساعدني أنجح في المكان اللي ربنا ميزني فيه. ونصيحتي ليكي أصلحي ما بينك وبين الله وابني ثقتك بنفسك من خلال طاعته وفهم طبيعتك وسيبي الخطوات تيجي بالتدريج فالقوة تولد من رحم المجاهدة والتوكل وليس من كثرة التفكير والتردد.. وربنا يوفقك ويكرمك... لو في اي حاجه مجاوبتيش عليها ممكن تقوليلي ...ولو في حاجه حابه تسالي عنها اتفضلي.... وإن شاء الله لو اعرف أفيدك مش متأخر...
تم النشر الاثنين، ١ يونيو ٢٠٢٦
بصي الحيرة اللي إنتي فيها دي مش حيرة بين كليتين دي حيرة بين مين أنا وبين عايزينني أكون مين. أول حاجة لازم تفهميها إن الحرص على التميز والرغبة في الاستقلال وإنك تكوني صاحبة بصمة ومينفعش يتداس عليكي بسهولة دا مش عيب ولا غلط دا جزء من فطرة السعي البشري اللي ربنا غرسها فيكي. بس الخلل بييجي لما نربط قيمتنا ووجودنا بالصدام أو بالخوف المرضي من كلام الناس. إنتي بتقولي إنك بتهتزي من كلمة أختك وبترجعي الحاجة المحل وفي نفس الوقت عايزة تبقي البنت القوية اللي بتسافر وبتكافح! الفجوة دي حلها مش في اختيار الكلية حلها في بناء النفس من الداخل في الاول وكليتين الطب والهندسة مش هما اللي بيصنعوا الشخصية هما بيظهروا الشخصية اللي اتبنت. الخجل المفرط والرهاب دي مش أحكام مؤبدة عليكي دي مهارات نفسية محتاجة تدريب ومجاهدة والجامعة هتكون بيئه ممتازه لده لو دخلتيه وإنتي مقررة تتغيري.
تم النشر الاثنين، ١ يونيو ٢٠٢٦
بعتذر عن التأخير ..
تم النشر الاثنين، ١ يونيو ٢٠٢٦
ولا يهمك عادي..و شكرا كمان علي وقتك
تم النشر الاثنين، ١ يونيو ٢٠٢٦
اديني نص ساعة معلش وأكمل بعتذر جدا والله حاجه مهمه اخلصها
تم النشر الاثنين، ١ يونيو ٢٠٢٦
بصي يا بنت الناس ربنا سبحانه وتعالى لما خلقنا وخلق الستات محجمش عقلها ولا قال إن العلم والنجاح حكر على الرجالة بس بالعكس الإسلام كرم المرأة واداها حق الذمة المالية المستقلة وحق العمل والتعلم والرسول عليه الصلاة والسلام قال طلب العلم فريضة على كل مسلم ومسلمة وكلمة مسلمة دي بتشمل كل العلوم اللي تنفع البشرية مش بس الدين والطب والسعي والجهاد في المذاكرة والتفوق عشان تبقي إنسانة نافعة ومستقلة وتساعدي أهلك ومجتمعك دا في حد ذاته عبادة كبيرة وليكي عليها أجر عظيم وربنا مش عايزك تكوني ضعيفة أو مستسلمة ومستنية حد يصرف عليكي بالعكس المؤمن القوي خير وأحب إلى الله من المؤمن الضعيف وقوتك هنا في علمك وشغلك واعتمادك على نفسك بالحلال ومن غير ما تغضبي ربنا ولا تظلمي حد وطالما نيتك في السعي ده إنك تكرمي نفسك وتكوني عنصر منتج ومحترم في المجتمع فربنا هيكرمك ويفتح ليكي الأبواب المقفولة لأن الله لا يضيع أجر من أحسن عملا فاستعيني بالله ومتحسيش بالذنب إنك بتدوري على طموحك طالما في رضا الله وبالأصول....
تم النشر الاثنين، ١ يونيو ٢٠٢٦
طيب يعني مثلا لما ادخل كليه هندسه او اي حاجه ليها علاقه بيها يعني و بعدها اتخرج هعرف الاقي شغل خصوصا ف مصر؟ بالذات اني بنت و كدا و اكيد موضوع السفر مش هيبقي سهل رغم اني حباه عادي. صراحه جربت و قعدت معاه و لكن حسيته كان حازم معايا شويه و قاللي انا عارف مصلحتك و انتي متعرفيش حاجه و كدا. و كمان انا مثلا لو اختارت اني اخيب املهم مؤقتا طب انا مش ضامنه لا عمري و لا عمرهم عشان اعرف اعوضهم و اوريهم نجاحي باذن الله. برضو انا ولا مره ف حياتي اخدت قرار قوي زي كدا. و مش عايزه اني ابقي متحمله مسؤولية نفسي ف موضوع زي دا. انا لما اخد قرار بسيط بس و اشتري حاجه عاديه مجرد كلمه من اختي ولا حد او اي تعليق بروح نفسي تتسد من الحاجه و ممكن ارجعها للمحل و كدا. كمان بحس الكليات عموما محتاجه قوه شخصيه اضافه للعلم يعني و كدا. ف انا حرفيا شخصيتي زيرو ثقه و رهاب و خجل مفرط و مش طبيعي ف حساه مصعب عليا الدنيا و برضو اقول عادي دا يتحل. مشكلتي اني مش قادره اقرر و اقول اني اختار مسار كذا و اقنعهم بيه
تم النشر الاثنين، ١ يونيو ٢٠٢٦
صراحه ظلم جدا. لامتي تفضل البنت تستسلم للحاجات دي. انا مش عايزه ابقي البت اللي تبقي ف البيت مستنيه عزسان تجيلها و قاعده كدا يتداس عليها بسهوله و كدا. بحس اغلب اللي نفسي ابقي زيهم بنات كافحت و اشتغلت و سافرت و حققت حلمها و اشتغلو كمان ف حاجات بيتقال انها مش مناسبه للبنات ف بحس دا طاغي علي تفكيري شويه. و لكن برضو مش قادره اخد قرار زي كدا
تم النشر الاثنين، ١ يونيو ٢٠٢٦
بصي يا بنت الناس أهلك على عينا وراسنا وطالما متعلمين ومش متعصبين يبقى الحوار معاهم هيبقى أسهل بكتير بس هما باصين للموضوع من ناحية الأمان وخايفين عليكي ووالدك فاكر إنك بتسمعي كلام الناس ومأثرين عليكي عشان كدا لازم تثبتي له العكس بالمنطق والخطوات وثقتك في نفسك وموضوع إنك مش متخيلة نفسك في البرمجة والهندسة وشايفة إنها مش للبنات دا مجرد وهم في دماغك لأنك مدخلتيش المجال ولا شفتي الواقع عامل إزاي البنات دلوقتي هما اللي قايم عليهم شركات برمجة كاملة وهندسة ديكور واتصالات وطاقة ومتخافيش من الصورة النمطية دي خالص أما كرهك للدكاترة فدا ممكن يكون موقف قديم وإنتي صغيرة وعمل لك عقدة نفسية بس المهم متخليش العقدة دي تخليكي تدخلي مجال يعذبك طول حياتك ونيجي بقا لأسئلتك عن الكلية الكلية كلها رياضية من أول يوم لحد ما تتخرجي الرياضة هي أساس الهندسة وفيها فروع كتير جدا وفيها ميكانيكا وفيزياء وحسابات وفروع الرياضة زي الميكانيكا دي مش مسألة سهلة وصعبة على قد ما هي محتاجة فهم وتخيل وتطبيق وتدريب يعني لو فهمتي الفكرة وحليتي بإيدك كتير هتبقى بالنسبة لك ممتعة وسهلة جدا ولو اعتمدتي على الحفظ هتضيعي وكلية الهندسة فعلا مفيهاش حفظ كتير خالص مقارنة بالطب هي قايمة بنسبة تمرين في المية على الفهم والاستنتاج والقوانين اللي بتطبقيها يعني لو دماغك شغالة وبتحب التحليل هترتاحي فيها جدا والملخص إنك تقعدي مع والدك قعدة رايقة وتوريه إنك فاهمة إنتي عايزة إيه ومخططة لمستقبلك ومش بتسمعي كلام حد وخلاص وقولي له يديكي فرصة تثبتي نفسك في الحتة اللي بتحبيها وشاطرة فيها عشان ترفعي راسه بجد
تم النشر الاثنين، ١ يونيو ٢٠٢٦
مبدئيا انا واحده بتحب التعليم جدا و كل تركيزي دايما ع التعليم و اني اشتغل و كدا. و نفسي بجد ابقي مختلفه و احقق اللي عايزاه و افضلش استسلم للعادات اللي ملهاش معني دي. ف انا ان شاء الله لازم انجح و مخصصه حياتي اني ابقي نقضياها ف التعليم او العلم يعني عموما. هوا انا عارفه انو دا غلط و كدا بس انا بصراحه مش بفكر تماما ف الزواج او حاجه من دا. انا بركز علي دراستي و اني ابقي قويه بعلمي و مهنتي و الحاجات دي يعني. البيئه هوا ايوا انا ف محافظة ف الصعيد بسمش هينفع اني افضل اختار زي م الناس بتعمل و خلاص طب كدا فين الحاجه المختلفه اللي كان نفسي احققها؟ انا مش بدور علي اختلاف و خلاص بس انا مش بحب الحاجات التقليديه. اضافه ان كمان اغلب اللي عندنا مختارين مسار طب و علوم الحياه. و دول اغلبهم اما مثلا ناس كان حلمها تبقي دكاتره من الصغر او ناس عايزه تحاول تلحق اي كليه وظيفيه كويسه وخلاص.
تم النشر الاثنين، ١ يونيو ٢٠٢٦
اخر سطر ..يعني لو انتي في الصعيد عندنا مثلا اقلك خليكي في حاجه طبيه لان ده الافضل ليكي أما بقى لوفي مكان تاني ف ممكن تشوفي حاجه الحاجه اللي اغلب البنات عندكم بتعملها... وعلى حسب انتي هتشتغلى بعد الزواج ولا لاء
تم النشر الاثنين، ١ يونيو ٢٠٢٦
عايزه اقول ان الحمدلله اهلي متعلمين كمان هما مش متعصبين اوي بس ف نفس الوقت هبقي بوظت خططهم انهم يدخلوني طب و كمان. كمان زي م انا قلت انو والدي مصر اكتر شويه و شايف انو شايف مصلحتي و ان بس مجرد بسمع كلام الناس و بقرر و خلاص مع انه عارف اني بحب الرياضه و شاطره فيها بس بيقولي دي مش هتنفعك و كدا. و حابه اضيف اني ساعات بقتنع ان البرمجه و الهندسه و كدا مش مناسبه للبنات و مش بعرف اتخيل نفسي فيها برضو. زائد ان كرهي للطب دا ناتج عن كرهي للدكاتره عموما و لحد دلوقتي مش عارفه اي السبب. كمان محتاجه اسأل حضرتك هوا الهندسه ف الكليه فيها حاجات رياضيه او لا. و كمان فروع الرياضه زي الميكانيكا و غيرها سهله ولا صعبه؟ و هوا فعلا كليه الهندسه مفيهاش حفظ كتير؟. و بس شكرا ليك. بسأل حضرتك اذا عندك معلومه عن كدا
تم النشر الاثنين، ١ يونيو ٢٠٢٦
ممكن افهم معني اخر سطر دا.. اللي هوا طبيعة المكان و كدا
تم النشر الاثنين، ١ يونيو ٢٠٢٦
ف نفس الوقت مش واثقه ف نفسي ان ممكن الهندسه تبقي نافعه معايا و مش عارفه اصر علي حاجه و معنديش الشجاعه اني ابقي مختاره قرار زي كدا لوحدي لا و كمان ابقي بقنع اهلي بيه. ساعات بحس اني مش عارفه انا نافعه ف اي. يعني برضو بقول طب م انتي ممكن تلاقي مشاكل ف الهندسه او تلاقيها صعبه برضو و كدا. ف بجد محتاره جدا رغم ان اي حد ممكن يقوللي ان المميزات و العيوب واضحه و كدا بس انا مش عايزه انا اللي اختار و مش هقدر اتحمل مسؤوليه قراري بصراحه.
تم النشر الاثنين، ١ يونيو ٢٠٢٦
لعرض الإجابة في فدني اضغط هنا