بحب ولد بس الولد دا مش عارف هو معايا في نفس الفصل اروح اقوله ولا لا
عندي 12 سنه
12 سنة؟ صغيرة قوي حبيبتي على الكلام ده، ركزي في دراستك وحياتك وأجلي الكلام ده كله لوقته. وحتى لو مش صغيرة مينفعش خالص تروحي تعترفي لولد إنك بتحبيه ولا ينفع تصاحبي ولد أصلا عشان حرام. عززي نفسك، أنتِ كبنت لازم تكوني غالية ومشاعرك دي تحافظي عليها مش أي حد كده ياخدها بسهولة.
تم النشر الاثنين، ١٢ مايو ٢٠٢٥
انا مش جاية اقول لك انك صغيرة على الكلام ده بلعكس خالص انتى كبيرة و جايه اقول لك كمان أن وانا فى سنك بل كنت أصغر كمان كنت عندى نفس مشاعرك دى و كنت 9 سنين و بقول لك عادى جدا بس اوعى تبينى للولد اى حاجة ولا تكلميه حتى. لانك اغلى من كده بكتير الحب عمره ما كان حرام الا لو اترجم لكلام أو نظرات خلى الحب ده فى قلبك لأن كل البنات بتمر بحاجات زى كده لان دى فطرة فى البشر ف مينفعش أن احنا نحاول نغير فى فطرتنا بس المهم أن احنا نكبح الغريزة دى و بنصحك انك تحاولى تقربى من ربنا اكتر و اهم حاجة تغضى بصرك لأن من ترك شئ لله ابدله الله خيرا منه و مش معنى كده انى بقول لك حاولى متحبيهوش لأن الحب ده مش بيد أحد إلا الله بس خليكى غاليه و اوعى تسمعى كلام نفسك لأن النفس أمارة بالسوء
تم النشر الخميس، ١٥ مايو ٢٠٢٥
لعرض السؤال في فدني اضغط هنا