السلام عليكم
حابه اخد نصيحتكم أنا بكلم واحد اكبر مني ب 6 سنين بقالنا بالظبط شهر وكذا يوم بنتكلم ف الاول كنا صحاب لانو مر بظروف صعبه جدا قالي عليها وانا تقريبا كنت في نفس الحاجه
هو كلامو وافعالو معايا بتقول انو بيحبني خاصه الفتره الاخيره دي الاقيه بيقولي يلا هنتجوز معرفش ايه
حاسه انو بيلمح لي على حاجه وللعلم أنا بحب الشخص ده جدا وبدعي ربنا كل يوم يكتبو من نصيبي بس مش عارفه اعمل ايه اعترفلو ولا اصبر اشوف هيحصل ايه بس اناا خايفه اوي حد ياخدو مني ياريت لو تنصحوني
بنصحك تقوليلو بشكل مباشر يتقدملك وما تحكي معو ابدا لحد ميفوت بيتكو. غير هيك ما برضي ربنا، والطريق الي ما بترضي ربنا نهايتها ما بترضيكي
تم النشر الخميس، ١٩ يونيو ٢٠٢٥
السلام عليكم، لا أؤيد أبدًا إن بنت تصارح شاب إنها بتحبه، لكن مفيش مشكلة إذا قلتِ له إنك مش حابة تكون فيه علاقة غير رسمية بينكم ويا ريت لو جاد تجاهك يتقدم لك أو حتى لو عاوز تتعرفوا على بعض الأول قبل ما يقرر إذا مناسبين ياخد الخطوة الرسمية وتتعرفوا على بعض براحتكم خلال فترة الخطوبة وبعلم الأهل. ** شهر قليل قوي إنك تحددي مشاعرك وتاخدي قرار الزواج خاصة إن في العلاقات دي بيكون فيه غشاوة من البدايات الجميلة وكل طرف بيظهر الحلو والعيوب بتظهر مع الوقت وممكن تكتشفي بعدين إن العيوب دي متقدريش تتعايشي معها. بس إذا فيه ارتياح ما بينكم حاليًا وتوافق يبقى يتقدم وتتأكدوا في الخطبة إذا مناسبين تكملوا في زواج ولا لأ. ** لو طبعًا قلتِ له يتقدم وبدأ يتهرب ويأجل أو يقول لك بس نتعرف أكتر يبقى انهي خالص الموضوع ده وابعدي، أولًا لأن الاستمرار في علاقة غير رسمية حرام شرعًا. ثانيًا، مفيش داعي تضيعي وقت ويكون هو بيتسلى وخلاص أو يقول لك في الآخر اكتشفت إننا مش مناسبين فنفترق وتكوني انتِ تعلقتِ به أو أهدرتِ وقت ومشاعر على الفاضي. بالتوفيق.
تم النشر الخميس، ١٩ يونيو ٢٠٢٥
وعليكم السلام ورحمة الله، يا عزيزتي 🌷 موقفك مهم ولازم نواجهه بحذر وتؤدة خصوصًا لما يكون الشخص اللي بتحبيه مختلف في العمر عنك، ولو كمان هو مَرّ بظروف صعبة، وهذا طبعًا بيخلي العلاقة تتطلب فهم وحكمة أكثر. خليني أساعدك أفكر في الموضوع خطوة خطوة: التعرف على نواياه الحقيقية: هل كلامه وأفعاله متسقة؟ هل هو جاد أو مجرد كلام مؤقت؟ لازم تتأكدي من صدق نواياه قبل ما تطيشي بمشاعرك. التأني وعدم التعجّل: شهر واحد وقت قصير جدًا لتقييم أي علاقة، خصوصًا اللي بيها فروقات عمرية وظروف مضغوطة. امنحي الوقت لنفسك ولا تخوضي في قرارات مصيرية بسرعة. هل حضرتك مستعدة لهذه العلاقة؟ الحب والزواج مش بس مشاعر، لكنه مسؤوليات وتضحيات. فكري هل أنتِ جاهزة ومستعدة تعيشي معاه وتتحملي تبعات العلاقة. ثقتك بنفسك وحقك في حماية مشاعرك: الخوف من "حد ياخده منك" شعور طبيعي، بس أهم حاجة مش تاخدي قرارات تحت ضغط الخوف. اعملي ترتيب أولوياتك وحماية نفسك النفسية. إذا كنتِ محتارة، فكري في الصراحة: ممكن تختاري تفتحي الموضوع بصراحة، وتطرحي معه أسئلتك ومخاوفك، وتنظري رد فعله. اللجوء للدعاء والتوكل على الله: أكثري من الدعاء، واطلبي من الله أن يكتب لكِ الخير، ويهديك لما فيه صلاحك. نصيحتي لكِ: لا تضيّعي وقتك في مشاعر غير واضحة. اصبري وتأكدي من النوايا، وكوني صريحة مع نفسك ومعه. كوني مستعدة لأي نتيجة ولا تتوقعي كل شيء يسير بسرعة أو كما تريدين. وأرجو دائمًا أن تتذكري: قيمة نفسك لا تقل عن أي شخص، وألا تسمحي لشخص يقلل منها أو يستهين بمشاعرك. لو حابة، تقدرتي ترجعي وتطلبي نصيحة من خبيرات في العلاقات على فدني، هن موجودين لدعمك دائمًا. وكمان ممكن تتابعي أسئلة مشابهة علشان تستفادي من تجارب ناس تانية. هل تحبي أساعدك في صياغة كلام مناسب تعبري به عن مشاعرك بطريقة متزنة؟ أو عندك أي سؤال ثاني؟ ذكية دايمًا معاكِ 💕
تم النشر الخميس، ١٩ يونيو ٢٠٢٥
الموضوع مش بتحدد بالسرعه دى.. اقفلى الكلام معاه وهو لو بيحبك مش هسيبك
تم النشر السبت، ٢١ يونيو ٢٠٢٥
طلما بيقولك نتجوز و كدا حلو كدا قولي له يتقدم لك و الماية تكذب الغطاس
تم النشر السبت، ٢١ يونيو ٢٠٢٥
اطلبي منه إنه يتقدلك وشوف إذا هو كمان بيحبك ولا عشان ما تستمريش بالكلام وخلاص وخدي فترة متتكلميش عشان تعرفي مشاعري جايز إنك تكوني اتعودت عليه بس وانا يكون لا بتاع جواز ولا حاجة او بيتسلي
تم النشر الجمعة، ٢٠ يونيو ٢٠٢٥
النوع السام مش بيخترق الحدود إلا لما تفتحيله الأبواب .. فأول ما تعترفي بحبك كده انتي فتحتي له الأبواب .. احيانا احتياجنا العاطفي ممكن يعمينا عن الواقع "ومن الناس من يعجبك قوله في الحياة الدنيا ويشهد الله على ما في قلبه وهو ألد الخصام" .. واكرر انا بتكلم عن احتمال ووارد جدا
تم النشر الجمعة، ٢٠ يونيو ٢٠٢٥
شكرا جدا ليكو♥
تم النشر السبت، ٢١ يونيو ٢٠٢٥
بس اناا مش شايفه منو كده لان احناا اتقابلنا مره قبل كده كان ممكن ياخد راحته زي م بتقولي لا بالعكس متعداش حدودو معايا خالص وكلامو وحنيتو علياا ميقولوش كده خصوصا انو كان جايلي من سفر كمان علشان يشوفني مخصوص ف مش اتوقع منو كده الحقيقه
تم النشر الخميس، ١٩ يونيو ٢٠٢٥
في قصة قرأتها لشاب عنده مشاكل مع ابوه .. فصاحب واحد كبير وحبه وأول ما عبر للصاحب الكبير عن مشاعر الحب وقع قناع الصاحب الكبير ده واخترق معاه الحدود وتعدى على الولد ولا حول ولا قوة إلا بالله .. الولد صاحب واحد كبير عشان يعوض الفجوة الأبوية اللي عنده بسبب مشاكله مع ابوه .. أخشى أن القصة بتتكرر معاكي وخصوصا ان حتى ده كبير واكبر منك ب ٦ سنوات .. ممكن بعد ما تعترفي له بحبك ياخد راحته وتشوفي شيطان لا يرحم .. ومن المؤشرات انه بيقول لك يلا نتجوز ده ممكن وهم وتلاعب بمشاعرك .. خذي حذرك والله ممكن يدمر حياتك (وده احتمال)
تم النشر الخميس، ١٩ يونيو ٢٠٢٥
لعرض السؤال في فدني اضغط هنا