انا بحب شخص من بعيد مش قادره أتخطى كدا
لكن يعلم الله اني ما كلمته ولا اتعديت حدودي ولا هو يعرفني اصلا
ممكن شافني معاه في المحاضره لكن أكتر من كدا ميعرفش حاجه
بجد مش قادره أتخطى كدا وعارفه الارتباط حرام اعمل اي علشان يبقي من نصيبي حد يساعدني
اولا انا بحيكي جدا لانك بتخافي ربك ومتمسكة ب انك متغضبهوش مع ان بيحيط بيكي ناس شايفين الحرام عادي يتعمل وعايشين علي فعله- ثانيا احتمال ميكونش حب ممكن يكون اعجاب ومن كتر ما انتي بتشوفيه في المحاضرات ففكرتي انه حب او حتى لو بتحبيه ممكن ميكونش هو دا الشخص المناسب ليكي وربنا شايل ليكي إنسان أحسن -ادعي ربنا بس مش انه يكون من نصيبك لاء علشان متعلقيش قلبك بيه اكتر وتتعبي بعد كدا لو مكنش نصيبك - ادعي وقولي اللهم إن كان خيرًا لي فاجعله من نصيبي
تم النشر الثلاثاء، ٢٠ يناير ٢٠٢٦
يا حبيبتي، أول حاجة أقولك إن شعورك ده طبيعي جداً، والحمد لله إنك ما تعديتِ حدودك وده يدل على قوة إيمانك 💕. الحب من بعيد مش حرام طالما ما فيش كلام أو لقاءات، بس التعلق ده بيأذي قلبك، وأنتِ عارفة إن النصيب من ربنا سبحانه. عملي إيه دلوقتي؟ ادعي الله كتير : قولي "اللهم ارزقني زوجاً صالحاً يرضيك" واستخيري ربنا في كل حاجة. الدعاء بيغير القدر، ومن نصيبك خير إن شاء الله. اشغلي نفسك : ركزي على دراستك أو شغلك، اقرئي قرآن يومياً، مارسي رياضة خفيفة زي المشي، أو تعلمي مهارة جديدة زي الطبخ أو لغة. كده هتقفلي الفراغ اللي بيفكرك بيه. قللي السبب : لو ممكن، غيري مكانك في المحاضرة أو ركزي عينيكِ في الكتاب مش فيه 😊. اللي مكتوب لكِ أحسن بكتير، وده اختبار من ربنا يقربكِ منه. لو عايزة نصائح أكتر، دوري في فدني على أسئلة مشابهة هتلاقي إجابات كتير مفيدة، أو شوفي الخبراء هنا: https://www.fedni.net/experts – فيه مدربات حياة ومستشارات هيساعدوكِ شخصياً. صبركِ جميل، وربنا يرزقكِ السعادة يا قمر 🌸. قوليلي إيه رأيك؟
تم النشر الاثنين، ١٩ يناير ٢٠٢٦
الشعور بالانجذاب طبيعي لإن دي الفطره اللي ربنا خلقنا بيها لكن لازم تعرفي حاجه مهمه جداا وهي إن البنت مرغوبه وليست راغبه وده مش تقليل أو تهميش لرأيك واحساسك لكن ده حفاظ ليكي ولقلبك ،، التعامل مع الشخص هيكون إزاي ؟؟؟! يمكن تستغربي الإجابه شويه بس والله هو ده الصح واللي لو عملتي عكسه هتندمي أوي عن تجربه 👌 ١- تجنبي أي مكان هو فيه ٢- غضي بصرك لما تشوفيه بلاش تبصي عليه نهائي ولا في الواقع ولا في صور ٣- في كل مره تلاقي نفسك بتفكري فيه اطردي الفكره من دماغك ومع تكرار الموضوع هتنسيه نهائي ،،،، ده اللي المفروض تعمليه مش مطلوب منك خالص إنك تسألي عن طريقه تخليه يحبك بيها أو يبقى من نصيبك ، اللي إنتي فيه ده اختبار من ربنا ليكي وحاولو فهمتي الاختبار ده هتعرفي تنجحي فيه . والنصيحة الأخيره إياكي ثم إياكي إنك تبيني للشخص إنك معجبه بيه لإنه لو لاحظ هتحسي بعدها إنك قليله جداا وهيتكبر عليكي حرفيًا، ، وطبعًا أي بنت بتكون حابه إنها هي اللي تكون كاريزما كده ومش بتعبر حد 😂 مش العكس ،
تم النشر الثلاثاء، ٢٠ يناير ٢٠٢٦
وربنا انا بعيده عن مواضيع الحب ديا😂،،لكن جا فجأه وحضرتك شكرا بس انا عارفه عن ديني الحمد لله وبدرس عن الدين بجانب دراستي وشكرا هسمع الشيخ علاء حامد لسه سامعه عنه من حضرتك
تم النشر الثلاثاء، ٢٠ يناير ٢٠٢٦
سيبك من مواضيع الحب دلوقتي مبيجيش منها غير وجع القلب وحاولى تتعلمي اكتر عن دينك وفي سلسلة جميله جدا للشيخ علاء حامد شارح فيها كتاب الداء والدواء لابن القيم رحمه الله جد لما هتسمعيها هتشكريني وبما انك بتطلبي النصيحه ومعملتيش حاجه تغضب ربنا تبقي محترمه وبنت ناس ربنا يسعدك 😊
تم النشر الثلاثاء، ٢٠ يناير ٢٠٢٦
بس انتي مش محتاجه تعملى حاجه علشان يكون من نصيبك هوا فعلا لو من نصيبك و خير ليكي ربنا مش هيعزه عليكي والله و اكيد لو قولتلك بطلي تفكير فيه مش هتقدري اكيد بس مش عايزاكي تدعي و تقولي ي رب بكون فلان من نصيبي انتي اي ضمنك أنه خير ليكي انتي تدعي ي رب لو فلان ده خير ليا قربه و لو غير كدا اصرفه عني انتي كدا دعيتي بعد كدا تقولي اللهم اسألك التقى النقى الصالح القرئاني الرباني لكن متدعيش أنه بكون من نصيبك لانك مش ضامنه أنه خير ليكي .....
تم النشر الأربعاء، ٢١ يناير ٢٠٢٦
ياريت تبعدي احسن ومتعلقيش نفسك بحبال دايبه
تم النشر الأربعاء، ٢١ يناير ٢٠٢٦
ان شاء الله هسمعه وجزاك الله خيرا علي نشر الاستفاده
تم النشر الثلاثاء، ٢٠ يناير ٢٠٢٦
لا جد والله فايتك كتير 🤭 مش قصدي اقلل من معرفتك بالدين لكن ..وذكر فان الذكرى تنفع المؤمنين..
تم النشر الثلاثاء، ٢٠ يناير ٢٠٢٦
ادعي الله بس متمحوريش تركيزك عليه وفي النهاية الإنسان متقلب يعني ممكن تتغير مشاعرك تجاهه إلى انه شخص عادي او حتى تكون مشاعر سلبية فمتخليش المشاعر تقودك
تم النشر الثلاثاء، ٢٠ يناير ٢٠٢٦
حضرتك مقلتش ان الدنيا جنه علشان اللي عاوزينه يبقي لينا لكن فيه ما يسمى بالرجاء او بنتمنى شيء من ربنا يحققه لينا واحنا طمعانين فيه لكن شكرا لحضرتك على كلامك
تم النشر الثلاثاء، ٢٠ يناير ٢٠٢٦
السلام عليكم .. الحب طبيعي بس مفيش حاجة اسمها يكون من نصيبي . الدنيا مش جنة عشان كل اللي عاوزينه يكون لنا .. يعني ده مطلب زي اي مطلب ناس تطلب المال وناس تطلب الأبناء وناس تطلب الأزواج لكن محدش يعرف هل الحاجات دي خير ولا شر
تم النشر الثلاثاء، ٢٠ يناير ٢٠٢٦
شكرا علي كلام حضرتك إن شاء الله هحاول ابطل تفكير بقدر المستطاع
تم النشر الثلاثاء، ٢٠ يناير ٢٠٢٦
بطلي تتابعي أخباره أو تدوري عليه في المحاضرة سيبيها على ربنا ادعي إن لو فيه خير ربنا يقربه، ولو شر يصرفه عنك، وخليكي واثقة إن نصيبك هيجيلك لحد عندك.ركزي في مذاكرتك ومستقبلك، الفراغ هو اللي بيخلي التفكير يزيد ويقلب بوجع قلب خليكي فخورة بإنك محترمة ومحافظة على نفسك، وده اللي هيخلي الشخص الصح يقدرك فعلاً لما ييجي وقته. وجد ربنا يحفظك 😊
تم النشر الثلاثاء، ٢٠ يناير ٢٠٢٦
عاوزه اقولك مش إعجاب ولا انجذاب فعلى دا حب والله العظيم بس شكرا علي كلامك وإن شاء الله هبعد جداا
تم النشر الثلاثاء، ٢٠ يناير ٢٠٢٦
لعرض السؤال في فدني اضغط هنا