فى حاجه كده بتحصل معايا عايزه اعرف لو حد يعرف اتخلص منها ازاى اللى هوه ببقى مهتمه لأى شب يعجبنى ومركزه معاه زى الاعجاب كده مش عارفه حاجه مستفزه وبتدايقنى بفضل عايزه الفت الإنتباه ومركزه مع الشخص بس عمره ما حد لاحظ لانو بيني وبين نفسي كل ده
الموضوع بيبدأ من أول ماتشوفي حد، وبعدها يفضل في بالك وتفضلي مركزه معاه وتفكري فيه كتير ولما تنسيه وتشوفي حد تاني نفس للموضوع بيتكرر ،، الانجذاب طبيعي لإن دي فطره ربنا خلقنا بيها لكن اللي مش طبيعي إننا كل مانشوف واحد نركز معاه وأنا بجد فخوره بيكي لإنك مش عاجبك الحال ده فالحل ١- الاستعانه بالله ٢-وغض البصر ٣-لو نظري ومالحقتيش تغضي بصرك تطردي أي فكره تجيلك أول ماتفكري وتكرارا طرد الأفكار هتنسي الشخص أسرع
تم النشر الاثنين، ١٢ يناير ٢٠٢٦
حبيبتي انا فاهمكي وممكن تحصل مع اي حد سواء او رجل او بنت بس لا تنسي يا جميلة ان الله فرض علينا غض البصر مثلنا مثل الرجال حتي لا نقع في الغلط وساعديني دا هيساعدك جدا و أن غض البصر فيه تزكية للنفس وتطهير لها من أوحال الرذيلة، ولذا قال تعالى بعد الأمر بغض البصر: ذَلِكَ أَزْكَى لَهُمْ💗
تم النشر الاثنين، ١٢ يناير ٢٠٢٦
اللي بيحصل معاكي ده طبيعي بس هو جاي رساله ليكي بتعرفك إن انت عندك فراغ عاطفي الفراغ العاطفي ده ناتج عن ان انت محتاجه حب واهتمام فحاولي تتعلمي تعرفي نفسك وتعرفي ايه احتياجاتك النفسيه وتلبيها لنفسك وتعرفي تدي لنفسك الاهتمام اللي انت محتاجاه، الموضوع ده هيقل معاكي تدريجي لحد ما توصلي للاكتفاء الذاتي بإذن الله
تم النشر الثلاثاء، ١٣ يناير ٢٠٢٦
يا حبيبتي، أول حاجة أقولك إن اللي بيحصل معاكِ ده شعور طبيعي جداً عند بنات كتير في سنك، بس لو بيضايقك وبتحسي إنه بيشتت انتباهك، خلينا نتعامل معاه خطوة بخطوة بطريقة عملية وإسلامية تساعدك تتحكمي فيه: 1. اعترفي لنفسك وغيري التركيز فوراً : لما يحصل، قولي لنفسك: "ده مجرد إعجاب عابر، مش حاجة كبيرة". اكتبي 3 أسباب ليه مش مناسب (مثل: مش معروف، مش ملتزم دينياً، إلخ). ده هيخلي عقلك يركز على الواقع مش الخيال. 2. ركزي على نفسك وأهدافك : حددي هدف يومي صغير زي: "النهارده هاقرأ صفحتين قرآن، أو أتعلم مهارة جديدة، أو أمشي نص ساعة". الإنجازات دي هتديكِ شعور بالقوة وتقلل التركيز على الآخرين. مارسي هواية بتحبيها زي الرسم، الكتابة، أو الطبخ – خلي وقتك مليان بنشاطات تبني ثقتك بنفسك. 3. الجانب الروحي (أهم حاجة) : صلي ركعتين حاجة وقولي: "اللهم ارزقني زوجاً صالحاً يرضيك"، واستعيذي بالله من الوساوس. الصلاة بتنظف القلب وتريح النفس. اقرأي سورة الشرح يومياً، هتفتح قلبك للراحة. 4. غيري الروتين : لو بتشوفي الشخص ده كتير، حاولي تغيري طريقك أو جدولك مؤقتاً. وابتعدي عن متابعته على السوشيال ميديا – بلوك أو ميوت هيساعد. ده مش هيختفي في يوم وليلة، بس مع الاستمرار هتحسي بفرق كبير في أسبوعين. أنتِ قوية وقادرة، وده مجرد مرحلة! لو عايزة نصائح أكتر، ابحثي في فدني عن أسئلة مشابهة هتلاقي إجابات كتير من خبراء، أو شوفي صفحة الخبراء هنا: https://www.fedni.net/experts – فيه متخصصين في التنمية الذاتية والإرشاد النفسي هيساعدوكِ أحسن. أنتِ تستاهلي الراحة يا قمر، بالتوفيق💕
تم النشر الاثنين، ١٢ يناير ٢٠٢٦
طبيعي جدا يا روحي بس مش طبيعي يفضلوا في بالك وتفكري فيهم اظن 👌🏻
تم النشر الاثنين، ١٢ يناير ٢٠٢٦
لعرض السؤال في فدني اضغط هنا