كيف يمكننى التخطى بعد خطوبتى وانسى كل حاجة وحشة مريت بيها
السلام عليكم، تقبلي مشاعرك مهما كان اللي حاسة به حاليًا، ألم أو خذلان أو قهر أو ندم، أيًا كان... تقبلي مشاعرك واسمحي لنفسك تحسي بكل ده وتتركي الزمن ياخد مجراه ويعالج اللي مريتِ به. تعاملي مع الفترة اللي فاتت إنها كانت تجربة كان لازم تمري بها عشان تخرجي بدروس أنتِ محتاجاها في حياتك الفترة الجاية. أي تجربة بنعيشها أو أشخاص بيدخلوا حياتنا لفترة ويخرجوا منها بيكون لسبب ولدرس هنتعلمه ونتابع حياتنا من غير ما يفضل الماضي ده حمل تقيل على أكتافنا. اقعدي مع نفسك وفرغي كل مشاعرك على الورق وأفكارك واخرجي منها بتسجيل الدروس اللي تعلمتِها والأخطاء اللي ارتكبتِها في الفترة دي عشان تتجنبيها بعد كده. *** طبيعي هتلاقي نفسك بتفكري وبتفتكري وبتسألي أسئلة من قبيل (ماذا لو)... عادي لو ده حصل متلوميش نفسك أو تجبريها توقفه لأن مقاومة الشيء بتخليه يتضاعف. الحل إنك تخلي حياتك مشغولة، طول ما أنتِ مشغولة وكل يوم بتتعلمي وتعملي حاجة تفيدك هتلاقي الأفكار شغالة في الخلفية وكل مدى صوتها بيقل لحد ما هتختفي تمامًا. تعاملي مع الماضي زي ما يستحق، فترة وانتهت ولازم نركز على الحاضر مش عليها عشان منخسرش الحاضر والمستقبل. ربنا يعينيك على النسيان ويوفقك في حياتك ويعوضك بالخير.
تم النشر الخميس، ٤ سبتمبر ٢٠٢٥
مرحبًا بك عزيزتي، أنا ذكية من فدني، وأشكرك على ثقتك بمشاركتك هذا الشعور. ما تمرين به بعد تجربة خطوبة صعبة هو أمر مؤلم، وأول خطوة للتجاوز هي الاعتراف بالمشاعر التي تحسِّين بها وعدم إنكارها أو تجاهلها. إليك بعض الخطوات العملية التي قد تساعدك على تخطي هذه المرحلة: اسمحي لنفسك بالحزن والوقت من الطبيعي أن تشعري بالحزن أو الإحباط، فهذه مشاعر إنسانية طبيعية. لا تحاولي الإسراع في نسيان الماضي بدون أن تعالجي مشاعرك. التقرب إلى الله والجلوس مع الدعاء والذكر يرجى أن تجعلي علاقتك بالله صلبة، بالدعاء والاستغفار واللجوء إليه، فهو خير معين ومفرج للكرب. تعلمي من التجربة واستخرجي الدروس فكري بهدوء في الأسباب التي حصلت، وحاولي أن تتعلمي منها حتى لا تتكرري نفس الأخطاء أو تكرهي فكرة الارتباط. عادة الانشغال وإعادة ترتيب الأولويات اكتشفي أنشطة تحبينها، وهوايات تجعلك مشغولة ومتحمسة لحياتك، فكري في نفسك كمشروع حياة جديد. لا تستعجلي الدخول في علاقة جديدة لا تضغطي على نفسك للارتباط سريعًا، فالتعافي يحتاج وقت والصفاء النفسي. تحدثي مع شخص تثقين به قد يساعدك الحديث مع شخص قريب يستطيع أن يستمع لك ويفهمك، أو يمكنك استشارة خبراء في العلاقات أو نفسيين على فدني. وأخيرًا، تذكري أن هذه المرحلة جزء من رحلة الحياة، وأن كل تجربة مؤلمة تحمل في داخلها بذور قوة ونضج جديدين بإذن الله. إذا احتجتي دعمًا أعمق، يمكنك دائماً زيارة قسم الخبراء في فدني وستجدين مختصات ومختصين يمكنهم مساعدتك بشكل خاص. أنا هنا لدعمك، فلا تترددي في مشاركتي المزيد عن مشاعرك أو أي شيء ترغبين فيه. دمتِ بخير وسعادة يا عزيزتي!
تم النشر الخميس، ٤ سبتمبر ٢٠٢٥
السلام عليكم ورحمه الله وبركاته. عشان تتخطي خطوبه يعني ربنا ما كتبناش انها تكمل انت لازم تركزي على معنى مهم جدا وهو انه الخير اللي انا كنت فاكره ان هو خير وان هو كان موجود جوه الطريق ده طلع مش موجود طلع مش حقيقي انا كنت فاكره طلع شر عشان كده الطريق مكملش مهما كانت الحاجه متزينه قد ايه من بره وشكلها حلو وفي الاول انا فرحت بها ولكن لما فتحتها من جوه لقيت ان هي ملهاش استخدام عندي لقيت ان هي مش متناسبنيش لكن انها مش ذوقي لقيت تفصيله هتخليني اقول لا دي ما كانتش هديه بمعنى الهديه وما كانتش الحاجه اللي المفروض افرح بيها فعشان كده ايه هركنهارميها مهمه اتخلص منها لان هي مش بتاعتي هو ده المعنى اللي انت محتاجه تركزي عليه طيب الحاجات اللي كانت حلوه ولطيفه وما بقتش موجود الشخص بقى اللي انت كنت حاطتيه جوه مستقبلك خرجيه من الصوره عشان تتخطي فعلا ابدئي خلوني الشخص ده ما تحطيش حد مكانه شوفي نفسك عروسه لابسه الفستان الابيض بس الشخص ده مش هو اللي جنبك اللي جنبك خيال اسود لسه مش عارفه مين لسه في علامه استفهام انا معرفش مين اللي هيكون موجود جنبي همم البيت اللي انا خروج الشخص من الصوره بتاعته ااا احنا كنا هنختار الانتريدا مع بعض لا خلاص عادي سيبك من الانتريه ده خالص وانا هختار انتريه من اول وجديد عشان في ستايلات ثانيه طلعت ومش هختارها مع حد انا هختارها لوحدي انا هختارها مع شخص ثاني لما ربنا يقدرني نصيب وهكذا كل ما بدات تعمليه التبديلات دي في الصور اللي عندك في المستقبل كل ما دا اساعدك في التخطي ان شاء اللهه احنا محتاجين ان احنا هنا ناخذ دي كدرس هي فتره الخطوبه مش مفروض ان احنا نتفاعل جواها عاطفيا بالشكل ده علشان الاحتمالات اللي زي دي لان مش ده هدف الخطوفه دي ده اعتبريني درس تعلمت وده هيساعدك على التخطي لما تعرفي انك انت حطيتي في الموقف ده عشان. حاجه كنت ضروري تاخدي بالك منها من الاول ده هيساعدك انك تتخطي الموضوع يعدي باذن الله.
تم النشر السبت، ٦ سبتمبر ٢٠٢٥
ربنا يجمل حياتك ويعوضك بالاجمل
تم النشر السبت، ٦ سبتمبر ٢٠٢٥
تسلميلى ع كلامك ونصايحك ربنا يباركلك يارب يجميلة 🤍🌹
تم النشر السبت، ٦ سبتمبر ٢٠٢٥
مش هاقولك انسى لان ده مش بايدنا انتى تقعدى مع نفسك وتعرفى الاسباب كويس لو منك انتى اعملي على تغيير الاخطاء والعيوب نحاول تعديلها لو فعلاً حسيتى انك كنتى على خطأ. اما لو العيب كان فى الطرف التانى فبروزى العيب ده وحطيه قدام عنيكى وحطى نفسك في مواقف هيكون العيب ده عائق قدام هتلاقى نفسك تدريجيا كرهتيه وبعدين اطلبى من ربنا يعوضك خيراً منه واتعلمى من التجربة السابقة ومتلوميش نفسك على شئ كويس عملتيه. كل تجربه هتزيدك معرفة وتديكى درس وربنا يوفقك ويسعدك ويرزقك الزوج الصالح
تم النشر السبت، ٦ سبتمبر ٢٠٢٥
اشغلي نفسك بحاجة 2. ارضي بما كتبه الله لكي 3.في بلاي ليست على يوتيوب اسمها التربية الإيمانية وفي دوره اسمها التربية الروحيه للمهندس فاضل سليمان ياريت تسمعيها وياريت تسمعي الدكتور عبدالرحمن ذاكر الهاشمي كان جاوب على اسأله زي كده
تم النشر السبت، ٦ سبتمبر ٢٠٢٥
اذا كان خيرا لبقي
تم النشر الجمعة، ٥ سبتمبر ٢٠٢٥
حبي نفسك اعملي حاجات بتحبيها حتى لو كباية اي مشروب ، اسمعي بودكاستات كتير الموضوع ممتع اوي اخرجي مع نفسك هاتيلها حاجات حلوة كدا يعني وادعي ربنا بالزوج الصالح
تم النشر الجمعة، ٥ سبتمبر ٢٠٢٥
اللهم آمين انا وانتى يارب العالمين 🤍🤲🏻
تم النشر السبت، ٦ سبتمبر ٢٠٢٥
لعرض السؤال في فدني اضغط هنا