انا طالبه في اولي جامعه وداخله تانيه مريت بمراحل فشل كتير جدا من الصغر لغايه انهارده انا حاليا شايله ماده انا حاليا في كليه تجاره انجلش نفسي افتح شركه نفسي انجح نفسي اثبت نفسي حقيقي انا تعبت كتير عايزه اعرف ابدا ازاي اخد ايه كورسات وايه اكتر كورسات تعلي السي في بتاعي وازاي ابقي مميزه ازاي ابني مخي بدل ما انا حاسه انو فارغ ازاي ابني حياه شخص ناجح انا نفسي اعمل كل
حاجه بس مش عارفه وتايهه
السلام عليكم، أولا إنك شايلة مادة مش معناها فشلك خلاص ولا إنك مستقبلك ضاع، عادي كلنا بنمر بكبوات في حياتنا بس المهم تقومي وتكملي، مشكلة التوهان والتعب اللي حاساه بسبب إنك مشتتة نفسك بين حاجات كتير عاوزة تعمليها كلها مع بعض وبسرعة، عاوزة تنجحي في الكية وتاخدي كورسات وتعملي سي في وتفتحي شركة، تفكيرك في كل ده في لازم يعمل ضغط وتوهان وأنتِ مش عارفة تبدئي منين وبإيه. ** اقعدي مع نفسك وفرغي أفكارك وكل الدوشة اللي بدماغك على الورق عشان تعرفي تفكري بهدوء ذهن صاف. هتقعدي بعدها وتحددي الأولويات. أولويتك دلوقتي هي الكلية وإنك تنجحي في المادة اللي شايلاها... شوفي بعدها إيه أهم تاني هدف محتاجة تشتغلي عليه. ** افتتاح الشركة ده اكتبيه في ورقة عشان تشيلي الفكرة من دماغك، عقلك يخزنها كهدف بعد كم سنة فمتاخدش حيز من تفكيرك. إثباتك لنفسك كده كده هيتحقق مع كل هدف صغير بتنجزيه. امشي خطوات صغيرة أحسن ما أنتِ واقفة مشتتة ومشغولة تعملي إيه ولا إيه. ابدئي بحاجة واحدة وكمليها للنهاية بدل ما تشتتي نفسك في كذا حاجة ومتكمليش. ** اختاري طريق واحد تركزي عليه من ثلاثة لست شهور. مهارة واحدة من المهارات اللي محتاجاها في مجالك، تشتغلي عليها ومتخليش همك تخلصي كم كورس أو تجمعي كم شهادة لأن في الآخر العميل بيهمه أنتِ تقدري تعملي إيه مش معك كم شهادة وواخدة كم كورس. ** لو حاسة مخك فاضي فأنتِ مش محتاجة تملأيه بمحتوى كورسات. نمي عادة القراءة لو مش عندك، خصصي ولو عشر دقائق كل يوم تقرأي فيها في مجالات مختلفة.. اسمعي بودكاستات مفيدة تثري أفكارك. خصصي لده جزء من يومك كهدف صغير أو فاصل بين الهدف الرئيسي. ** ممكن تبحثي عن نموذج عجلة الحياة المتوازنة إذا عاوزة حاجة تساعدك تقيمي جوانب حياتك المختلفة وتبدئي تشتغلي عليها واحدة واحدة لحد ما توصلي للتوازن. ومتستعجليش، التغيير بياخد وقت وصبر، أنتِ لسه في أولى جامعة والوقت قدامك لسه إن شاء الله. بالتوفيق.
تم النشر الاثنين، ١٠ أغسطس ٢٠٢٦
أنا فاهمة تمامًا إحساسك بالتعب والتيه، وإنك عايزة تبدئي من الصفر وتبني حياة ناجحة رغم كل الإخفاقات اللي مريتي بيها. ده شعور طبيعي جدًا لما الإنسان يكون حاسس إن عقله "فارغ" ومش عارف يبدأ منين، بس الحقيقة إن كل نجاح بيبدأ بخطوات صغيرة ومستمرة، وإن الله سبحانه وتعالى بيحب العبد اللي بيحاول وما بييأسش. أنتِ دلوقتي في أولى تجارة إنجلش، وشايلة مادة، فأول خطوة عملية هي تركيزك على إنك تنجحي المادة دي وتدخلي السنة التانية بقوة، عشان تبني أساس أكاديمي ثابت. عشان تبني سي في قوي وتكوني مميزة، ابدئي بكورسات عملية مرتبطة بمجال التجارة وريادة الأعمال: كورسات في المحاسبة الإلكترونية (مثل استخدام برامج مثل Excel المتقدم أو QuickBooks)، التسويق الرقمي، إدارة المشاريع، وريادة الأعمال الأساسية. كمان كورسات في اللغة الإنجليزية المهنية أو الـ Business English هتكون مفيدة جدًا لأنك في قسم إنجلش. حاولي تختاري كورسات قصيرة (من 4-8 أسابيع) وتطبقي اللي بتتعلميه فورًا، زي إنك تعملي مشروع صغير أو تبدئي تبيعي حاجة بسيطة أونلاين عشان تكتسبي خبرة حقيقية. ده هيخليكي مميزة لأن السي في مش بس شهادات، لكنه كمان مشاريع عملية ونتائج. لبناء عقلك وحياتك كشخص ناجح، ابدئي بقراءة كتب بسيطة عن النجاح والأعمال (مثل كتب عن إدارة الوقت أو قصص رواد أعمال ناجحين)، وحددي أهداف يومية صغيرة زي "أقرأ صفحتين" أو "أتعلم مهارة جديدة لمدة ساعة". عشان تفتحي شركة في المستقبل، ركزي دلوقتي على بناء شبكة علاقات من خلال الجامعة أو مجموعات دراسية، وجربي تشتغلي internships أو مشاريع تطوعية في مجال التجارة. كل ده هيبني ثقتك بنفسك تدريجيًا. ابحثي عن أسئلة مشابهة على فدني عشان تشوفي تجارب بنات تانيين، وتذكري إن الطريق طويل بس كل خطوة بتقربك من هدفك. أنتِ قادرة، وأنا هنا لو عايزة تفاصيل أكتر.
تم النشر الخميس، ٦ أغسطس ٢٠٢٦
شلتي مادة وده سبب عندك خوف نتج عنه رغبة في إثبات الذات .. أنصحك بأنك تبدأي بالقليل ولا تحملي نفسك الكثير .. ركزي على المادة فهي الأولوية في هذه المرحلة
تم النشر الاثنين، ١٠ أغسطس ٢٠٢٦
علفكره اني ممتازه علشان بتفكري بالطريقة دي و ازاي تستفيدي من عقليتك و عايزه تطوري نفسك الاحسن انك تتعلمي الاول و بعدين تفتحي شركه و تعرفي الشركه في اي مجال و ازاي تديريها و الاهام متستسلميش و خليكي عارفه أن ربنا مش بيضيع مجهود حد
تم النشر السبت، ٨ أغسطس ٢٠٢٦
مش عارفه انا لسه المفروض ادخل جامعه او معهد ما اعرفش بس عامه اتعلمت من تالته ثانوى حاجه كويسه الشخص الناجح اللى بيحط هدفه قدامه ويحاول يحل مشاكله اول بأول الحياه عباره عن مشاكل وحل منطقي بيحلها مش لازم تيجى على نفسك وتحطى حاجات كتير وأهداف كتير وفى الاخر ما تعمليش حاجه منهم حطى هدف واحد وحاولي توصلي له ما تمشيش بعشوائيه اهم حاجه ،حاولى تتكلم مع اى ذكاء اصطناعي وخليه يرشح ليكى الكورسات المناسبة ليكى وبالتوفيق ليكى ولينا يارب
تم النشر السبت، ٨ أغسطس ٢٠٢٦
انا كمان زيك ومن نفس دفعتك
تم النشر الخميس، ٦ أغسطس ٢٠٢٦
لعرض السؤال في فدني اضغط هنا