السلام عليكم ورحمة الله وبركاته
انا عايزه شغل من البيت ضروري اوي او انا رايحه رابعه جامعه وممكن أتعلم اي مهاره عادي
وعليكم السلام ورحمة الله وبركاته، يا قمر. أول حاجة، أنا فاهمة إنك محتاجة شغل من البيت بشدة وأنتِ لسه في السنة الرابعة جامعة، وده موقف كتير من البنات بيمرّوا بيه، فخطوتك إنك تبحثي عن حل عملي دلوقتي خطوة شجاعة وممتازة. أفضل طريقة تبدئي بيها هي تتعلمي مهارة واحدة مطلوبة في سوق العمل الحر، وتقدري تتعلميها في 3-6 شهور لو ركزتِ. اختاري مهارة زي كتابة المحتوى، الترجمة، التصميم الجرافيكي باستخدام أدوات مجانية، أو إدارة صفحات السوشيال ميديا. ابدئي بمهارة تناسب اهتماماتك عشان التعلم يبقى أسهل، وبعدين اعملي حساب على منصات العمل الحر وابدئي بمشاريع صغيرة حتى لو بأسعار رمزية في الأول عشان تبني تقييمات وخبرة. في نفس الوقت، جهزي سيرة ذاتية قوية وملف أعمال (بورتفوليو) بسيط يوضح اللي تعلمتيه، وابدئي تبحثي عن فرص يوميًا. لو عايزة أفكار إضافية أو تفاصيل عن مهارة معينة تناسب ظروفك، قوليلي وأساعدك خطوة بخطوة. ولو حابة تشوفي تجارب بنات تانيين، ابحثي عن أسئلة مشابهة على فدني عشان تلاقي نصائح متنوعة. أنتِ قادرة، وهتوصلي إن شاء الله.
تم النشر الجمعة، ٧ أغسطس ٢٠٢٦
السلام عليكم، ممكن تشوفي إجابتي على السؤال ده فيها رابط لمبادرة العمل من المنزل للسيدات، من أكاديمية ابن سينا، ورابط تاني لقناة مختصة بالعمل الحر. تابعيهم وطبقي وحددي المهارة اللي تناسبك وإن شاء الله ربنا يوفقك وتلاقي شغل عن قريب. بالتوفيق. https://www.fedni.net/q/69715270
تم النشر الأحد، ٩ أغسطس ٢٠٢٦
ممكن تعملي مشروع تركيب عطور لو يناسبك وتعملي صفحه اونلاين وتنزلي عليها جالك اوردر تبعتيه مع دليفري او شركة شحن 2-مشروع صابون سائل 3-مشروع منتجات زي شواحن وسمعات وساعات وتخليها بالطلب يعني تشوفي حد بيبيع بسعر كويس وتحطي ربحك وتبدئ تنزلي على صفحات واول ميجي اوردر تشتري وتبيعي انتي 4- عشان تشتغلي في التسويق بالعمولة نفس الفكره حد بيكون معاه منتج انتي بتسوقيه اول ميجي اوردر ويتسلم بتاخدي ربحك من غير ما تشيلي هم حاجة 5-ممكن تشتغلي جرافيك ديزاينر تتعلمي التصميم وتعملي تصاميم صور 6- مونتاج تعديل على الفيديو 7- ugc فيديوهات زي انك تصوري منتج وتقولي مميزاتو بصدق ممكن تبدئي ب5 او 3 فيديوهات لمنتجات عندك اي ان كانت اهم حاجه تبدئي تعملي سكريبت قوي ولو مش هتعرفي خلي شات جي بي تي او جمناي شوفي ناس بتعمل ugc عشان تعرفي تبدئي ازاي واعملي فيديوهاتك بطريقتك فيديوهات حلوة جوده مش كميه يعني لو 3 فيديوهات حلوين بجد صوت واضح واضاءه وطريقه كويسه احسن من 8 مينفعوش 9-تعملي قناة يوتيوب وتنزلي فيها رحلتك في دراستك وتعلمك مهاره ودي ممكن تجبلك عملاء انتي وبتتعلمي اصلا وهتفتحلك مصادر تانيه 10-تمسكي صفحات فيسبوك او وانستجرام تردي على الرسايل والتعليقات وتنزلي بوستات 11-تشوفي انتي شاطره في ايه وتنزلي كورسات مثلا لو انتي شاطره في الانجلش علمي حد انجلش 12-تشتغلي كول سنتر لو لغتك كويسه. وفي مهارات تانيه كتير اختاري مهاره تكوني حباها بجد ابدئي بيها ولو مفيش ولا حاجه من دول دخلوا دماغك شوفي مهارة تاني ابحثي وشوفي أفضل مهاره عليه طلب تناسبك وابدئي أهم حاجه متيأسيش وكملي واصبري شويه أكيد الطريق مش سهل ولو عامله حساب إن صعب قد كده لا خلي أكبر وأهم حاجه تستمري، السعي والصبر وإن شاء الله ربنا يكرمك يارب ويوفقك دايما
تم النشر الأحد، ٩ أغسطس ٢٠٢٦
يارب اللهم آمين هحاول اعمل كدا واشوف الدنيا
تم النشر الجمعة، ٧ أغسطس ٢٠٢٦
ممكن تعملي مشروع طبخ بإنك تعملي جروب وقائمة للمأكولات والأسعار وتنشري الجروب ده وتخلي حد من الرجالة يوصل الطلبات
تم النشر السبت، ٨ أغسطس ٢٠٢٦
@hesham abdalghfar اكيد ده محتاج يكون في سنين خبره صح
تم النشر الجمعة، ٧ أغسطس ٢٠٢٦
ف منصات تدريس لمعظم دول الخليج ببقى معاكى اكتر من طالب بتدرسى ليهم طول السنه على زوم
تم النشر الجمعة، ٧ أغسطس ٢٠٢٦
وكمان انت عارفه شغل الهاند ميد والحاجات دي كويسه اوى الفتره دى بس دى عايزه وقت لو حابه بردو ممكن تجربي فيها
تم النشر الجمعة، ٧ أغسطس ٢٠٢٦
لو قصدك على الاسيستنت ممكن تبعتي للمدرسين الاونلاين هما كتار جدا ابعتى ليهم انك ممكن تديرى صفحتهم او تتابعى درجات الطلبه او منصاتهم التعليميه وهكذا و كمان ممكن لشركات تسويق بس دى مش مضمونه شويه و لو قصدك على كتابة الكتب انت هتتعلمى كتابة الكتب الاونلاين دى مهارة وانت جاهزه وبعد ما تتعلميها تبعتى للمدرسين اللى تعرفيهم معاك فى بلدك او الاونلاين بردو انك ممكن تكتبى ليهم مذكراتهم pdf وهتكون جاهزه للطباعه وربنا يوفقك
تم النشر الجمعة، ٧ أغسطس ٢٠٢٦
@𝑴𝑰𝑹𝑨 .اعمل اي طيب ولا اقدم فيها ازاي
تم النشر الجمعة، ٧ أغسطس ٢٠٢٦
@hesham abdalghfar ساكنين في مكان بعيد جدا عن البلد نفسها يعني مكان مقطوع ف مش هينفع
تم النشر الجمعة، ٧ أغسطس ٢٠٢٦
ممكن تشتغلى اسيستنت اونلاين لمدرسين وممكن بردو تتعلمى كتابة الكتب اونلاين لمدرسين سمعت بنات اشتغلت فى كتابة الكتب على Word او مثلا ملفات صغيره مش لازم كتب بردو ليها فرصه كويسه و دول من البيت عادى
تم النشر الجمعة، ٧ أغسطس ٢٠٢٦
ممكن تعطى دروس ابتدائى ؟
تم النشر الجمعة، ٧ أغسطس ٢٠٢٦
خدمه اجتماعيه
تم النشر الجمعة، ٧ أغسطس ٢٠٢٦
بتدرسى اى؟
تم النشر الجمعة، ٧ أغسطس ٢٠٢٦
لعرض السؤال في فدني اضغط هنا