انا شغال في فندق مغسله ب 5000 بصراحه اول مره اشتغل واتغرب يعني المهم من السنه اللي فاتت كان راتبي 3800 كنت هاوس كيبن بعدين صفيت وواحد في المغسله جابني معاه بقيت باخد 4900 لما زاد الحد الأدنى بقيت باخد 5000 يعني 100 جنيه بس اللي زودوها معرفتش اتكلم عشان في ناس خلوها 4000 الطلاب مع ان مفيش حد قال انهم مش بيقبلو طلاب جم مره وحده كده
قاعد على المرتب ده من بدري كده والمرتبات بره في فنادق اقل حاجه 7 واكل وشرب نضيف وفي تبس كموناما هنا الوضع غير انا بقا مشا الراجل الي كان معايا بقيت ماسك المغسله وحدي وكفاءه وبسد
اتكلمت معاهم في زيادة راتب قالو لسا المهم نزلت امتحنت وجيت من الاجازه لقيتهم جايبين واحد معاي في المغسله يعني مش بيعمل اي حاجه زياده كمان ممكن ميكونش عارف حاجات الي بيجي من بره بياخد مرتب 6500
انا اتخنقت بصراحه وادايقت قلة تقدير واستغلال فقررت أصفي عاوز امشي ومفيش حاجه قدامي بس هدور عشان اتقفلت بجد انا ممكن اشتغل اي حاجة اونلاين بس المشكله التلفون مش مساعد وكمان يعني محتاج وقت برضو والعميل مش بالساهل ومش مضمون يعني مش ضامن دخل ثابت اخر الشهر تنصحوني بإي كمان في فنادق في شغل سرفيس وللأسف ببكون في خمره
السلام عليكم، حاول تتكلم معهم مرة تانية بهدوء ومن غير انفعال عشان الانفعال هيضيع حقك، إذا استمر الوضع فحاول تلاقي شغل تاني وتترك الشغل ده ما دام حاسس إنه قليل ومفيش تقدير. بس نصيحة، بلاش خالص تترك الشغل إلا وأنت مأمن نفسك ولقيت شغل تاني. لو تركت الوظيفة وبقيت من غير مصدر دخل على ما تلاقي شغل تاني هتكون مضغوط جدا وده هيؤثر على نفسيتك بالسلب خاصة لو تأخرت في إنك تلاقي فرصة عمل جديدة. لو ناوي تشتغل أونلاين فممكن تتابع القناة دي وتحدد إذا كان العمل الحر هيناسبك وإزاي تبدأ فيه وتمشي بخطوات صح. https://www.youtube.com/@ClickYourFuture/playlists يعني استعد بخطوات عملية قبل ما تترك الشغل ده. وبلاش طبعا الاحتياج للشغل يلجأك إنك تقبل بالشغل اللي فيه خمور. نصيحة أخيرة، يا ريت تخصص مبلغ تخرجه صدقة ولو جزء صغير من مرتبك، وإن شاء الله ربنا هيبارك لك ويرزقك من واسع فضله. بالتوفيق.
تم النشر الاثنين، ١٠ أغسطس ٢٠٢٦
يا صديقي، أفهم تمامًا إحساسك بالإحباط والضيق ده، خاصة إنك بتشتغل بجد وبتتحمل مسؤولية كبيرة لوحدك، ومع ذلك مش بتلاقي التقدير المناسب سواء في الراتب أو في الاحترام. الشعور بالاستغلال ده طبيعي لما تشوف حد جديد بياخد أكتر منك وهو مش بيعمل نفس المجهود، وده بيأثر على نفسيتك وثقتك في نفسك. خلينا نفكر مع بعض في خطوات عملية تساعدك تخرج من الموقف ده بدون ما تخسر استقرارك المالي. أول حاجة، قبل ما تقرر تمشي، حاول تتكلم معاهم مرة تانية بطريقة هادية وواضحة، ركز على إنجازاتك زي إنك ماسك المغسلة لوحدك وبكفاءة، واطلب زيادة محددة بناءً على الجهد الإضافي. لو رفضوا، ابدأ تبحث عن فرص تانية في فنادق أو أماكن عمل مشابهة، لكن ركز على اللي بيوفر دخل ثابت وما فيهوش خمور عشان ده يتوافق مع قيمك. السوق فيه خيارات أفضل، خاصة لو حسنت مهاراتك في الغسيل أو التنظيف الفندقي، وممكن تلاقي رواتب تبدأ من 7000 أو أكتر مع مزايا. بالنسبة للشغل الأونلاين، فكر فيه كخطة طويلة الأمد، ابدأ بتعلم مهارات بسيطة زي إدارة الحسابات أو التسويق الرقمي من خلال فيديوهات مجانية على النت، واستخدم وقت فراغك في التدريب حتى لو التلفون محدود. لكن دلوقتي الأولوية لشغل ثابت يضمن لك دخل شهري، فحاول توفر جزء من راتبك الحالي عشان تقدر تتحرك بأمان. ابحث عن أسئلة مشابهة على فدني عشان تشوف تجارب ناس تانيين وتستفيد منها. أنت قادر تتجاوز المرحلة دي، وهتوصل لفرصة أفضل إن شاء الله.
تم النشر الاثنين، ١٠ أغسطس ٢٠٢٦
دور على حاجه اما تلاقي امشي . الطبيعي في الشغل انك ما بطولش طول ما انت شغال بتدور على شغل يمكن تلاقي راتب افضل مكان اقرب مميزات اكتر . اللي شوفته في الشغل ده طبيعي وهتقابل اوسخ من كده
تم النشر الاثنين، ١٠ أغسطس ٢٠٢٦
لعرض السؤال في فدني اضغط هنا