السلام عليكم
جماعه ازاي اقدر اتحكم في المرتب !حقيقي اليوم الخامس في الشهر بيكون خلص مرتبي ٨ الآف شهريا لدفع جمعية ب ٣ ولعيادة الليزر ١٣٠٠ و ٢٠٠ لشئ ما بس دي الالتزمات الشهرية في يومين بلاقي اني صرفت فلوسي ومش بحس انه في شئ يستاهل مش بعرف احدد اولوياتي وللاسف انا ايدي فرطه زي مابيقولي محتاجه حل ازي انظم فلوسي بحيث يتبقي اخر الشهر فلوس صحيح مواصلاتي ٦٠٠
السلام عليكم، أعتبري نفسك مرتبك 5000 فقط وعيشي على هذا الأساس شيلي 3000 على جنبك أو أدخلي بيهم جمعية عشان متصرفيش منهم، أو حطيهم مع حد غيرك عامةً لو طبقتي الموضوع دا هتقدري توفري كتير جدًا ومش أنتِ بس على فكرة، أنا كنت كدا بس لما قرأت كتب في إدارة المال عرفت أوفر كتير، وبلاش تصرفي على أشياء بشكل يومي زي الكوفي، وحاجات كتير جدًا عشان هتكشفي إنك كنتِ بتصرفي كتير وهي أصلًا يوميًا بالنسبالك حاجة بسيطة، والاستثمار هيعلمك إزاي تحافظي على مالك استثمري وضاعفي راتبك، وأتعلمي عن المال سواء قراءة أو كورسات الأفضل صاحبي حد بيعرف يوفر وبلاش تصاحبي ناس مسرفة صدقًا النقطة دي هتفرق معاكِ، وقللي الرفهيات، بالتوفيق 🤍🤝🏻
تم النشر الخميس، ٦ أغسطس ٢٠٢٦
السلام عليكم، طيب هي مشكلتك إن مفيش خطة واضحة لصرف المال، ونقطة إن إيدك فرطة دي ممكن تتحكمي فيها بالتدريب. دي بعض النصائح ممكن تعمليها وجربي كده لمدة شهر وشوفي النظام إيه: ** الأول لما تقبضي، افصلي جزء الالتزامات في ظرف منفصل. احسبي باقي المبلغ المتبقي من المرتب وقسميه على الشهر. كل أسبوع له جزء معين من المرتب، لو قرب يخلص أجلي شراء الحاجات غير الضرورية للأسبوع اللي بعده. كل حاجة هتشتريها في يومك سجليها، مراقبة مصروفاتك هتخليكِ تاخدي بالك الفلوس بتضيع في إيه، هتكتشفي إن فيه حاجات صغيرة ممكن ملهاش لازمة فتعملي حسابك الشهر اللي بعده إنك مش هتشتريها. سجلي كل مبلغ ولو صغير، المبالغ الصغيرة هتكتشفي إنها غالبا بتستهلك جزء كبير من الراتب. *** دايما بينصحوا لما تروحي سوبر ماركت متروحيش وأنتِ جوعانة، الجوع هيخليكِ تشتري حاجات كتير ملهاش لازمة والمكان بيبقى مترتب بحيث يزيد رغبتك الشرائية، وكمان ابقي كاتبة الحاجات اللي عاوزة تشتريها في ورقة والتزمي بها ولا تنجري وراء إغراءات أماكن الشراء. قبل ما تشتري حاجة اسألي نفسك هل محتاجاها ضروري ولا ممكن التنازل عنها؟ ده هيوفر لك كتير. ** وضروري جدا جدا تقتطعي جزء للإدخار، ده مهما حصل لا تقربي منه.. عامليه زي جزء الالتزامات بالضبط. أول ما تقبضي شيليه على جنب، ومتأجليش الخطوة دي لآخر الشهر عشان ممكن تصرفيه وأنتِ مش واخدة بالك. وهيفرق جدا معك لو خصصتِ جزء ولو صغير صدقة شهرية، وإن شاء الله ربنا هيبارك لك. ** وأنصحك ابحثي على دورات أو فيديوهات عن "إدارة المال الشخصي" أو "زيادة الوعي المالي" هتلاقي على يوديمي وعلى يوتيوب. سجلي النصائح وطبقيها وكل حاجة بالتدريب والاستمرارية هتبقى عادة إن شاء الله وهتعرفي تديري مالك كويس. بالتوفيق.💚💚
تم النشر الخميس، ٦ أغسطس ٢٠٢٦
وعليكم السلام ورحمة الله، أولاً أقدر شعورك تماماً، فالراتب يخلص بسرعة ويحسسكِ إنكِ مش قادرة تسيطري عليه ده أمر شائع جداً، خاصة لما تكوني بتدفعي التزامات ثابتة والباقي بيروح بدون ما تحسي بقيمته. خلينا نرتب الأمور خطوة بخطوة عشان تقدري تحافظي على فلوسكِ ويتبقى معاكِ آخر الشهر. أول حاجة، خلينا نحسب التزاماتكِ الثابتة: ٣٠٠٠ للجمعية + ١٣٠٠ للعيادة + ٢٠٠ للشيء الإضافي + ٦٠٠ مواصلات = ٥١٠٠ جنيه. يعني عندكِ حوالي ٢٩٠٠ جنيه باقيين من الـ٨٠٠٠. المشكلة مش في الرقم ده، لكن في الإنفاق العشوائي اللي بيحصل في أول أيام الشهر. الحل العملي هو تقسيم الراتب فوراً لما ينزل: خصصي مبلغ ثابت للأكل والشرب والاحتياجات اليومية (مثلاً ١٥٠٠ جنيه)، ومبلغ صغير للترفيه أو الرغبات (٥٠٠ جنيه كحد أقصى)، والباقي حطيه في حساب منفصل أو ظرف مخصص للادخار أو الطوارئ. كل ما تشتري حاجة، سجليها في ورقة أو مذكرة بسيطة عشان تشوفي أين تروح الفلوس فعلياً. ثانياً، ركزي على تحديد الأولويات بطريقة واضحة: قبل ما تشتري أي شيء، اسألي نفسكِ "هل ده ضروري دلوقتي ولا ممكن أأجله؟" وجربي قاعدة "الانتظار ٢٤ ساعة" قبل أي شراء غير ضروري، ده هيقلل الإنفاق العشوائي كتير. كمان، حاولي تقللي الخروجات أو الشراء عبر الإنترنت في أول أسبوع من الشهر، واستبدليها بأنشطة مجانية أو رخيصة زي المشي أو قراءة كتاب. من الناحية الإسلامية، الاعتدال في الإنفاق مهم، والله يحب العبد الذي ينفق بقدر ولا يسرف، فالتنظيم ده هيساعدكِ تشعري بالراحة والبركة في فلوسكِ. ابدئي بخطوات صغيرة هذا الشهر، وهتلاحظي الفرق تدريجياً. لو عايزة أفكار إضافية، ابحثي عن أسئلة مشابهة على فدني عشان تشوفي تجارب الآخرين. أنتِ قادرة على السيطرة، وأنا هنا لو احتجتِ دعم إضافي!
تم النشر الأربعاء، ٥ أغسطس ٢٠٢٦
لست وحدك /بس موضوع الجمعيه خلى الراتب يعتبر ٥ /موضوع الليزر اظن مؤقت/دى بداية مش كدا؟
تم النشر الخميس، ٦ أغسطس ٢٠٢٦
لعرض السؤال في فدني اضغط هنا