السلام عليكم
انا حاليا في السنه التانيه من المرحلة الجامعيه ودايما عندي رغبه اني عايزه ارجع ثانوية عامه تاني علشان انا معملتش اللي عليا فيها نسبه تقصيري فيها انا بقدرها ٢٠% اما باقي التقصير مكنش بسببي كان من جهة اهلي وكان تقصير كبييييير جدا ومازال أثره النفسي عليا لحد انهارده ، انا عارفه ان الخير في ما اختاره الله وانا راضيه باللي اختاره رينا وبالتوازي مع ذلك عايزه ارجع للثانوية 😭😭
وخاصه ان انا كنت علمي ودخلت كليه كل موادها أدبي بتقهر انا وبذاكر
انا لما دخلت علمي مكنتش عايزه طب ولاكن كنت حابه دراسه المواد دي فكنت عايزه مثلا ادخل كليه فيها فيزيا و كميا مش علم اجتماع وعلم نفس 😔
كل لما حد من اخواتي يبقى في ثانويه عامه بيزيد حنيني للرجوع الضعف 😭❤️🩹
والله مش عارفه اعمل ايه
اهلا بيكي... الحل الوحيد انك تتقبلي نفسك وتعيشي لحظتك ويومك بكليتك ومجالك وتفكري فيه وكيف تبدعي فيه... ما فيكي تغيري قدرك لانو خلص هاد قدرك ونصيبك من الحياة ف تفائلي... انا بحكيلك من تجربة شخصية لانو صار معي مثلك بالظبط بس من ناحية التخصص ما كان عاجبني لانو كلو حفظ وصعب وكبير ومو مجالي يلي ببالي و نفسي فيه من زمان بس معدلي بالثانوية العامة ما خلاني ادخل مجال بحبه ف دخلز مجال تاني وبنص السنة لقيت نفسي مش فاهمة ولا حابة التخصص ف اعترضت لكن بالنهاية حد نصحني انو انا شاطرة والمكان الي بكون فيه بجيبه صح مع اني مش حابة ف لو فكرت بطريقة ايجابيه اتجاه تخصصي وكيف ابدع فيه ف رح احبه وانبسط كتير فيه وايامها ما صدقت بس جربت هالحل قلت يمكن يفيد وفعليا فادني كتير لحد اليوم ما بنسى الشخص ولا النصيحة يلي نصحتني اياها وبنصحها لكل شخص كرهان تخصصه انو غيري اتجاه تفكيرك للعكس وابدعي بمجالك رح تلاقي نفسك مبدعة وخاصة انك مبين من كلامك انك شاطرة وبتجيبيها ممتاز..... جربي هالحل واذا ما زبط معك جربي حل تاني.... بالتوفيق ليكي*-*
تم النشر الجمعة، ٥ يونيو ٢٠٢٦
وعليكم السلام ورحمة الله. أولاً، أنا أفهم تمامًا شعورك بالندم والحنين، وهو طبيعي جدًا بعد تجربة صعبة زي اللي مريتِ بيها. لكن تذكري أن الله اختار لكِ الأفضل، والرضا بقضائه يريح القلب ويفتح أبوابًا جديدة. الرجوع للثانوية العامة غير ممكن عمليًا، وكل الطاقة اللي بتضيعيها في التفكير فيه ممكن تحوليها لخطوات عملية دلوقتي: ركزي على كليتك الحالية وشوفي المواد اللي بتحبيها أو اللي ممكن تطوري فيها مهارات (مثل علم النفس) واستخدميها كبداية لمجال يناسب اهتماماتك العلمية. جربي تضيفي دراسة ذاتية في الفيزياء أو الكيمياء عبر كورسات أونلاين مجانية أو كتب، عشان تشبعي الشغف ده بدون ما ترجعي للوراء. حددي هدف صغير كل شهر في كليتك، زي تحسين معدلك أو مشروع بحثي، عشان تحسي بالتقدم. لو الندم مستمر ومؤثر على نفسيتك، يفضل تتواصلي مع متخصص نفسي. شوفي صفحة الخبراء على Fedni: https://www.fedni.net/experts وابحثي كمان عن أسئلة مشابهة في فدني عشان تلاقي تجارب ونصائح إضافية. أنتِ قادرة تتجاوزي ده، وأنا هنا لو عايزة تتكلمي أكتر.
تم النشر الخميس، ٤ يونيو ٢٠٢٦
@أحمد سعيد بحاول والله اساعدهم قدر الإمكان + حاولت كتير اتعلم حاجات تاتيه بحبها وعملت احلام جديده بدل اللي ضاعت بس ابويا ربنا يهديه ويصلح حاله يارب كان دايمآ يوقف في وشي وميرضاش يدعمني . مثال بسيط تليفونه باظ ف اخد تليفوني اسبوع لحد ما يصلح تليفونه مكنش عايز يرجعه لي تاني وعايزني امشي حالي بأي حاجه 😭
تم النشر الخميس، ٤ يونيو ٢٠٢٦
وعليكم السلام، أهدي الأول وخليكِ قوية نفترض مثلًا دخلتي ثانوي عامة تاني هتجيبي نفس المجموع وهتدخلي نفس الكلية برضو، التخطي مش هيكون بسهولة بس في ناس بتتخطى عشان تنجح في مكان تاني، أنتِ ممكن تتعلمي مهارات زي كتابة المحتوى، تبدأي تحفظي القرآن وتدخلي في مجال تعليم الأعاجم تتعلمي التصميم، خدي كورسات وأتعلمي لغة، واشتغلي كمان لو قدرتي ركزي على كليتك وفي نفس الوقت أدرسي مجالات كتير جدًا حاليًا محدش بيفكر أنا دراستي كانت علمي ولا أدبي المجالات حاليًا ملهاش علاقة المهم المهارة والشطارة وكمان حزنك مش هيضر حد غيرك، وأهلك عملوا الـ قدروا عليه وبرضو في النهاية دا نصيبك وقدرك فـ الحمدلله الدنيا مليانة مجالات وحاجات كتير الناس حاليًا أصلًا بتسيب الجماعات وبتتعلم تعليم حر ومجالات حرة الدنيا واسعة بجد شوفي المجالات وخرجي فيهم طاقتك السلبية وكوني متميزة بجد هتنسي ثانوية عامة أصلًا
تم النشر الجمعة، ٥ يونيو ٢٠٢٦
الله يعينك يارب ويرزقك من حيث لا تحتسبى ويهدى لك والديكى + حاولى على قد ما تقدرى تتعلمى بالمتاح بمعنى لو مثلا بنتعلم حاجة متعلقة بالفون وفجأة الفون أصبح مش متاح يبقى فيه حاجة بديلة قرآءة كتب مثلا + وإن شاء الله ربنا هيرزقك ويكرمك على صبرك واجتهادك دا 🤍
تم النشر الخميس، ٤ يونيو ٢٠٢٦
وعليكم السلام ورحمة الله وبركاتة ... احنا فى زمن المجالات فيه واسعة وانتى من كلامك الحمد لله راضية ب نصيبك ممكن تركزى فى الكلية بتاعتك وتزودى معاها حاجة تانية تكونى حابها وشايفه انها هترجعلك شغفك تانى اى مجال ايا كان + حاولى توفرى لاخواتك البيئة المناسبة وتساعديهم بحيث ميتأثروش ولا يمروا بالظروف اللى انتى مريتى بيها .. ربنا يوفقك ويكرمك فى حياتك
تم النشر الخميس، ٤ يونيو ٢٠٢٦
لعرض السؤال في فدني اضغط هنا