بقالي تلات سنين بدور ع حمل وتعبت أوقات ببقي قويه واكمل كشف ومتابعه واقول خير وأكيد هلاقي نتيجه تعبي أنا وجوزي و أوقات محتاره وفاقده للشغف أنا بحمد ربنا ع اللي أنا فيه بس بضايق لما الاقي بنات اصغر مني واتجوزت وخلفت علطوول في الوقت اللي أنا محتاره فيه ومش عارفه أعمل إيه جسمي تعبان ونفسيتي وحشه أوي أعمل أي
السلام عليكم، أولا ربنا معك ويهدي قلبك ويرزقك الذرية الصالحة إن شاء الله. حابة أنبهك لحاجة مهمة، النفسية بتؤثر جدا على موضوع الحمل. طول ما أنت خايفة وقلقانة وضاغطة نفسك وأعصابك طول ما بتأخري الموضوع. *** عارفة التأخر والقلق وكلام الأهل أو الضغوطات اللي بتواجهك غصب عنك بتؤثر عليكِ لكن صدقيني النفسية السيئة وكمان فكرة التعلق بشيء بصورة شديدة بتأخر اللي عاوزة توصلي له. ** فاهدي خالص وفكي التعلق بفكرة الإنجاب وارضي من قلبك وسيبيها على ربنا. تعلمي (التخلي). مش بقول لك انسي الخلفة أو وقفي سعي، لأ، ادعي واسعي وربنا إن شاء الله يرزقك الذرية الصالحة ويقر عينك بها. اسعي لكن برضا وتوكل واعتماد على ربنا، اسعي لكن بدون هوس وتعلق شديد. التعلق والهوس بالشيء مش بس في موضوع الإنجاب، في أي حاجة عاوزة تحققيها في الحياة، مش صح خالص وبيعمل نتيجة عكسية (ده عن تجارب واقعية كتيرة) *** أهم حاجة أنصحك بها، وأهم من اللي فات، الدعاء والاستغفار المستمر (فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُمْ مِدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا). فاعملي ورد استغفار يومي وزيدي من الاستغفار قد ما تقدري، لكن خدي بالك إن الدعاء والاستغفار يكون بقلب حاضر ويقين في الله. ويا ريت تقرأي سورة البقرة وتشغليها في البيت وتخرجي صدقات شهرية. الحمل والخلفة رزق زي أي رزق فتوكلي على الله وخذي بالأسباب وإن شاء الله يرزقك من واسع فضله.💚💚 https://www.islamweb.net/ar/fatwa/47576/الاستغفار-من-أعظم-الأسباب-لتحصيل-المال-والولد
تم النشر الاثنين، ١٤ سبتمبر ٢٠٢٦
أنا فاهمة تمامًا إحساسك يا حبيبتي، ومشاعرك طبيعية جدًا بعد ثلاث سنين من التعب والانتظار. الإحباط والفقدان للشغف ده مش ضعف، ده رد فعل طبيعي لضغط مستمر على جسمك ونفسيتك، ومقارنة نفسك بالآخرين بتزود الألم. ربنا سبحانه وتعالى بيقول "وعسى أن تكرهوا شيئًا وهو خير لكم"، وأنتِ بالفعل بتحمدي ربنا على نعمه، وده أساس قوي، لكن التعب ده محتاج يتخفف بطرق عملية. ابدئي بخطوات صغيرة وواضحة عشان ترجعي شوية سيطرة على يومك. مثلاً، حددي وقت يومي ثابت لمتابعة الكشوفات والفحوصات مع جوزك بدون ما تخلي الموضوع يسيطر على كل حياتكم، وفي نفس الوقت خصصي وقت لنشاط بسيط بتحبيه زي القراءة أو الطبخ أو حتى ترتيب البيت بطريقة جديدة، عشان جسمك ونفسيتك ياخدوا راحة من التركيز الدائم على الحمل. كمان، حاولي تكتبي يوميًا ثلاث حاجات صغيرة بتشكري ربنا عليها غير موضوع الحمل، ده بيساعد على إعادة التوازن النفسي تدريجيًا. لو جسمك تعبان أوي، استشيري طبيبك عن أي فحوصات إضافية ممكن تساعد في تحسين الطاقة، وفي نفس الوقت ركزي على تقوية علاقتك بجوزك من خلال أنشطة مشتركة خفيفة زي المشي أو الحديث عن أحلامكم المستقبلية مع بعض. أنتِ مش لوحدك في الرحلة دي، وابحثي عن أسئلة مشابهة على فدني عشان تشوفي تجارب أخرى وتاخدي أفكار إضافية. ربنا يفرجها عليكِ ويمنحكِ الراحة والنتيجة اللي بتتمنيها. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ١٤ سبتمبر ٢٠٢٦
عاطف درويش
تم النشر الأربعاء، ١٦ سبتمبر ٢٠٢٦
بصي يا بنت الحلال اهدي على نفسك شوية وما تقارني حياتك بحد لأن كل واحد وله تدبير ورزق في وقته المعين وما تعرفيش الخير مستخبي فين ورحلة العلاج محتاجة نفس هادي وراحة بال فافصلي تفكيرك شوية وخلي إيمانك بربنا كبير وهوني على جوزك وعن نفسك وادعي بالخير واهتمي بصحتك ونفسيتك الأول وكل حاجة هتيجي في وقتها الطيب بإذن الله وجد والله ربنا يحفظك ويرزقك
تم النشر الثلاثاء، ١٥ سبتمبر ٢٠٢٦
شكرا يا حبيبتي
تم النشر الأربعاء، ١٦ سبتمبر ٢٠٢٦
قوليلي اسمه أي
تم النشر الأربعاء، ١٦ سبتمبر ٢٠٢٦
في دكتور في مصر بقولو كويس خالص ممكن اديكي اسمه وتسالي عليه
تم النشر الأربعاء، ١٦ سبتمبر ٢٠٢٦
روحت 6 دكاتره منهم دكاتره كويسين ومعرفين جدا ولسه بردوا محصلش نصيب وفي الآخر دكتور يقول اعملي منظار والتاني يقول لا وأنا في النص محتاره واستنزفت نفسياً وماديا
تم النشر الأربعاء، ١٦ سبتمبر ٢٠٢٦
بصي هو انتي لسه رزقك وكل تأخير فيه خير ف خلي عندك يقين ان ربنا محرمش منك حاجه أو آخر ليكي حاجه الا وفي عطاء منتظرك+خدي ب للأسباب وروحي لدكتور وشوفي الدنيا ويارب يطمنك خير
تم النشر الأربعاء، ١٦ سبتمبر ٢٠٢٦
إن شاء الله خير صليت والله و دعيت واكيد إلا أنا فيه فتره وهتعدي
تم النشر الثلاثاء، ١٥ سبتمبر ٢٠٢٦
مفيش حاجه اسمها لوحدك انتي مع ربنا بعدين ليه قاعد تشكي للناس قومي انوضي وصلي ركعتين واشكي دا لربنا وواظبي علي كره وسورة البقره وهو بأمر الله يعطيك حاجتك
تم النشر الثلاثاء، ١٥ سبتمبر ٢٠٢٦
طب أنا دلوقتي متضايقه اوووي ومحتاره ومش عارفه أعمل وحاسه اني عاوزه اعيط وحاسة اني لوحدي ومشكلتي كبيره
تم النشر الثلاثاء، ١٥ سبتمبر ٢٠٢٦
زي ما قولتلك كرري الصلاه الابراهيمه أمسكي سبحتك وكرريها هتشوفي معجزات والله،كان في واحده مبتخلفش داومت عليها 3شهور ربنا أعطاها توأم
تم النشر الثلاثاء، ١٥ سبتمبر ٢٠٢٦
والله قاعده محتاره ومش عارفه أعمل أي
تم النشر الثلاثاء، ١٥ سبتمبر ٢٠٢٦
أكثري من الصلاه الابراهيميه فهي والله تحقق المعجزات وعن تجربه شخصيه
تم النشر الثلاثاء، ١٥ سبتمبر ٢٠٢٦
لعرض السؤال في فدني اضغط هنا