بصي لازم تتكلمي مع نفسك وتفهميها اصل اوقات العقل بيبقى في متاهه كدا وفي حته بعيده فلازم تعرفي ان دا شعور طبيعي بالعكس انتي تحمدي ربنا ان ربنا بعده عنك عشان دا حرام عارفه انك زمانك حاسه بفراغ وحاسه بزعل بس والله كل دا هيعدي تقومي تصلي وتدعي ربنا انو يشيل التعلق الي في قلبك وتطلبي مغفره لان دا كان حرام وتتكلمي وتطلبي الهدايه ده اول حاجه ولازم تبقي مقتنعه تماما ان دا خير تاني حاجه بقى الصلاه دي اهم اهم حاجه لازم تحاولي مره واتنين وتلاته لازم تحددي اولوياتك يعني الضهر ادن اي الأولى اخليني قاعده على الفون او مع اي حد او حتى بتذاكري ولا اقوم اصلي لا الصلاه هنا الاولويه قومي صلي وتعالي كملي مذاكره مثلا طيب حاولي تستغفري كتير خلي معاكي مسبحه وسبحي وكدا في اي وقت طيب تالت حاجه المذاكره براحه على نفسك خالص وخديها واحده واحده والله هتلحقي انا عارفه الفكره في تنظيم الوقت واكتبي اهداف اليوم وتوكلي وذاكري ومتنسيش تكافئي نفسك وتاخدي بريك عشان متتعبيش وترجعي لنقطه الصفر وحتى لو رجعتي قومي تاني احنا بشر وبنغلط بس لازم منقعدش نكرر الغلط ونفهم ونستوعب ان احنا ونفسنا اولويه ولازم نهتم بيها.
لعرض الإجابة في فدني اضغط هنا