من حوالي ٦ شهور اتعرفت على حد وحبيتو وامباح انفصلنا كنت متعلقه بيه الموضوع صعب بجد وكمان معنديش صحاب احكي لحد معنديش حد حرفيا
ودراستي مش كويسه فيها خالص ومتقطعه في الصلاه وعلاقتي بنفسي حتى مش أحسن حاجه مع العلم اني ف تالته ثانوي ولازم أذاكر بس بجد مضغوطه نفسيا وكمان مش عارفه اعمل ايه بجد ياريت حد يفيدني بأي نصيحه امشي عليها
مفيش انسان مابيتعبش.. ربنا ما بيكسر حد إلا علشان يقومه أقوى...يمكن اللي حصلك كان ابتلاء.. بس والله الابتلاء عمره ما بيجي علشان يكسر… بيجي علشان يقرب.. والحاجة اللي وقعتك النهارده ممكن تكون سبب انك ترجعي لربنا بكرة بقلب انضف واقوى.. الصلاة اللي بتقطعى فيها ربنا منتظر رجوعك.. منتظر خطوة صغيرة منك.. وربنا يفتح لك أبواب ما تتوقعهاش... والدنيا مهما لخبطت في الدراسة أو النفسية مش أبدية لكن علاقتك بربنا هي اللي بترجع تظبط كل حاجة... إنتي مش لوحدك وربك معاكي وده أكبر سند.. ربنا يشيل من على قلبك اللي تعبك ويعوضك راحة وطمأنينة وسكينة تعوضك عن الى فات.. اطمني… ربنا شايفك وسامعك وقادر يبدل حالك في لحظة..
تم النشر الاثنين، ٢٤ نوفمبر ٢٠٢٥
أولاً: أحب أقول لك إن مشاعرك طبيعية ومفهومة — خسارة علاقة مهمة وبالذات في مرحلة حساسة زي الثانوي بتكون صدمة كبيرة، وممكن تحسي بضياع وضغط وتركيز منخفض. كوني رحيمة بنفسك، ومش لازم تجهدي نفسك بالكمال دلوقتي، خطوة بخطوة نقدر نصلح الوضع. هنا خطة عملية قابلة للتطبيق فوراً — اختاري منها ما يناسبك وابدئي بخطوة صغيرة كل يوم: 1) تهدئة فورية وتنظيم المشاعر - اقبلي مشاعرك: حزن، غصب، اشتياق طبيعيين. توصلي لهم بالكتابة — ابدئي يومياً بكتابة 10 دقائق عن اللي مضايقك. الكتابة بتفرّغ وطرد التفكير المكرر. - حاولي تقليل المثيرات للحنين (صور، محادثات) إذا كانت بتزيد ألمك — إخفاؤها مؤقتاً مش عيب، بل خطوة حماية. 2) ربط روحي بسيط وواقعي (إسلامي) - ابدئي هدف صغير ومتكرر في الصلاة: مثلاً المحافظة على صلاة واحدة أو أول وقت صلاة في اليوم، ومع الوقت زيدي. لا تضغطي نفسك على الكمال. - الاستغفار وذكر الله حتى لِدقيقة يومياً يهدّي القلب ويعطي ثبات. قولي دعاء بسيط كل صباح ومساء واطلبي العون من الله. - قراءة آيات قليلة من القرآن أو تفسير مبسّط يومياً — حتى صفحة أو آية يومية أفضل من لا شيء. 3) خطة دراسية عملية (لمواد الثانوية) - حددي أول 3 مواد مهمة للنجاح الآن وركّزي عليها. - جزّئي المادة إلى أجزاء صغيرة: هدف يومي واضح. مثلاً: حل 2 مسائل في مادة، قراءة فصل واحد، تلخيص صفحة. - استخدمي طريقة المراجعة النشطة: بعد القراءة، اغلقي الكتاب وحاولي تشرحي النقاط بصوتك أو تكتبيها من الذاكرة. - حل أسئلة امتحانات سابقة أو نماذج لتعويد الامتحان — حتى لو نصف جلسة باليوم مخصصة لذلك. - جدول أسبوعي بسيط: مثلا - صباح: صلاة + مراجعة سريعة للدرس الأصعب (30–45 دقيقة) - بعد الظهر: مراجعة مادة ثانية (40 دقيقة) + استراحة قصيرة - مساء: ملخصات أو حل أسئلة (30–45 دقيقة) - قللي المشتتات أثناء الدراسة: ضعي هاتفك بعيد أو استخدمي تطبيق لحظر الإشعارات لفترات محددة. 4) روتين يومي صغير يعيد لكِ السيطرة - نامي واصحي بأوقات ثابتة قدر المستطاع. - تناولي وجبات بسيطة ومغذية. - امشي أو تحركي 15–30 دقيقة يومياً — المشي يعطي صفاء ذهني. - قبل النوم: اكتبي 3 أشياء نجحتِ فيها اليوم، حتى لو كانت صغيرة. 5) التعامل مع الحاجة للدعم - لو ضايقك الحزن لدرجة منعك من الدراسة أو النوم أو جعلتك تفكري بأذية لنفسك، مهم جداً تتواصلي مع مختص صحة نفسية فوراً — هذا طبيعى ومطلوب، وهو ليس ضعف. - أقدر أرشح لكِ أن تشوفي خبراء واستشاريين نفسيين مؤهلين على صفحة الخبراء في فدني ( https://www.fedni.net/experts ). يمكن تاخذي جلسة استشارية قصيرة تساعدك تفكّي الأزمة وتضعي خطة مرافقة. 6) خطوات للتخلص التدريجي من التعلق - حددي فترة عدم تواصل مع الشخص الذي انفصلتِ عنه — حتى لو شهر واحد تبدأي فيه بتقليل متابعة الحسابات والمحادثات. - بدل التفكير فيه، جددي نشاط يومي بسيط يملأ وقتك: تعلم مهارة جديدة صغيرة (كنّ كتابة، تلخيص مواضيع دراسية، أو مشروع بسيط). متى تطلبي مساعدة طارئة؟ - لو حسيتِ إنك ممكن تذوين نفسك أذى أو تفكير مستمر بالانتحار، اطلبِي مساعدة طبية فورية أو اتصلي بخط الطوارئ المحلي — حياتك أهم من كل شيء. نهاية مشجعة أنتِ في عمر فيه إمكانيات كبيرة، ومع خطوات صغيرة ومتدرجة هتبدأي ترجعي تحسي بالقوة والتركيز. لا تستغربي إن التقدم يكون بطيء — المهم الاستمرارية. لو تحبي، أقدر أساعدك أعمل جدول دراسي أسبوعي مخصص لموادك، أو أقدملك نصوص أدعية/آيات يومية تشجعك، أو أرشح لكِ مستشارين في فدني تناسب ظروفك. لو حابة تبدي الآن، قولي لي: إيه أهم مادة مضغوطة عندك؟ وأي وقت من اليوم بتحسي إن التركيز عندك أحسن؟ هنبدأ منها خطوة بسيطة مع بعض. — ذكية
تم النشر الاثنين، ٢٤ نوفمبر ٢٠٢٥
فى حجات بنعملها في حياتنا منها العلاقات المحرمه او حتى اى شىء حرام مش لازم علاقات محرمه بالذات يعني مثلا: ان احنا ناخر صلاتنا ، يعنى ان احنا نبعد عن الله سبحانه وتعالى بأي شكل من الاشكال اقول لك الحل بس اسمعيني وركزي كويس قوي في الكلام اللي انا هقوله اولا انتى شكلك كويسه جدا وحد فعلا عايز يقرب من ربنا سبحانه وتعالى حد من جواه حاجه كويسه بس مش لاقى الطريق الصح اللي بجد يمشي عليه اول حاجه عايزه اقول لك ان كلنا جوانا خير وكلنا ينغلط كلنا نقدر نبقى احسن نقدر نوصل لاهداف كبيره جدا فمنخليش الشيطان يضحك علينا ونفضل واقفين ومنتحركش ١- ف اول حاجه تعمليها ان انت مترجعيش تانى أبدا انك تكلمى الشخص دة أولا لأن دة حرام وثانيا عشان انتى عارفه ان انتى كدة بتخسرى ثقتك فى نفسك وفى اهلك ٢- تخشي تصلي ركعتين توبه اللي ربنا سبحانه وتعالى عن اي حاجه انتى عملتيها قبل كده وتقولي يا رب سامحني و تدعي ربنا سبحانه وتعالى ان هو يسامحك على اي حاجه انت عملتيها وتدعى كثير أنة يثبتك على طاعته لان والله البعد عن ربنا سبحانه وتعالى وحش وحش قوي هتلاقى نفسك تعبانه متضايقه زهقانه مخنوقه بجد لما بنقرب من حاجه فيها معصيه لربنا سبحانه وتعالى بنتضايق جدا جدا ودة دليل على الفطرة السليمة فنحاول بقى نبعد نبعد عن اي حاجه بجد بقت بتخنقنا بقت بتبعدنيا عن ربنا سبحانه وتعالى لان البعد عن ربنا سبحانه وتعالى وحش وحش قوي ٣-بالنسبه بقى لو انتى ما عندكيش صحاب الصحاب مش مهمين انت عارفه الكلمه دي جايه من مين من حد اصلا اجتماعي بس احيانا مبكونش مهتمة اتعرف على البنات ليه مش مهتمه لان مش عايزه مش حابه اتعرف على نوع البنات اللي مش كويس ده ابدا و عايزه اقول لك ان الصحاب فعلا مش مهمين لو مش هيقربوكى لربنا سبحانه وتعالى عايزه تكوني صداقات روحي لاي بنت حبيتها منتقبه او حتى مختمرة لبسة لبس شرعى كويس يرضى الله وقولي لها السلام عليكم عاملة اى ينفع نكون صحاب بس تكون البنت دي كويسه انتى شايفة فيها الصلاح من بره كده شايفه ان هي حد كويس بيصلى لما بتسمع الاذان حتى لو فى حصة او درس وتروح تصلى أو على الأقل بعد الدرس ما يخلص ما تكلميش حد بعيد عن ربنا سبحانه وتعالى خارجيا مش ملتزمه بالحجاب أو أسلوبها مش حلو بتشتم وبتحاول أنها تلفت الأنظار فهمانى اكيد حاولي تقربي من اي بنت تكون كويسه بجد هي دي اللي هتقربك لطريق ربنا سبحانه وتعالى ولو ملقتيش حد كل ما تقعدى معاه تاخدى حسنات أو على الأقل متاخديش سيئات يبقى متصاحبيش حد امشي لوحدك افضل حل لو ما لقيتيش بنت كويسه تمشي معاها امشي لوحدك انتى عارفه لما تمشي لوحدك انتى عارفه هيكون عندك وقت كبير لنفسك ان انتى تهتمي بنفسك ان انت تعرفي حاجات كثيره عن نفسك وهتلاقى هدووووء مش طبيعى مش خايفه أن حد يشوفك من زمايلك ويقول دي ما جتش تسلم عليا ((دي بالنسبه لي حاجه صعب شويه)) بتكوني حاسه ان انتى لازم تسلمى عليها طالما انتى عارفاها لازم ما ازعلش من البنت دي عشان انا بحبها لازم مش عارف ايه لازم لازم لازم هو في الحقيقه مش لازم ، مش لازم ان انا لما اشوف حد انا عارفاها لازم اسلم عليها مش لازم ان انا اهتم بتفاصيل قوي عادي بحسها مع ان انا بنت بس بحسها احيانا دلع واوڨر ما اعرفش بس انا بحس كده المهم من اكثر الحاجات اللي بجد ساعدتني ان انا افهم نفسي اكتر بنت اسمها هدى هانى بتعمل أسئلة حلوة اوى تخليكى تقربى لنفسك اكتر وتفهميها انك تحبى نفسك وتعرفى بتحبى اى عن طريق انك تحاوبى على اسئلة وتكتبى الاجابات ف بتعرف نفسك اكتر محتواها كويس انصحك تسمعيها بالنسبة بقى لأهم حاجة وانا قصدت اسيبها للآخر ((تأخير الصلاة)) عشان اول حاجه انتى جواكي حاجه كويسه وقلبك نظيف عارف أن البعد عن ربنا ضياع فأنتى زعلانه ان انت بتأخري الصلاه خلينا نكون عارفين الحته دي ثاني حاجه ان انتى معترفه ان ده غلط ودي حاجه كويسه جدا ثالث حاجه بقى وهي نصيحتي ليكي عايزه اقول لك ان انا ما لقيتش حل لتاخير الصلاه غير ان يا دوب اسمع الاذان اقوم أصلى لو أخرنا دقيقه هتلاقينا بناخر الثانيه والثالثه وبناخر في الصلاه ونتضايق ف ليه احنا يا دوبك نسمع الاذان نروح نتوضا ونصلي او حتى يا دوبك نسمع القران قبل الاذان ندخل نتوضى لان حقيقي الحياه من غير صلاه ليست حياه الحياه من غير القرب من الله سبحانه وتعالى والقرب منه ليست حياه الواحد بيحس إنه فاقد الطمأنينة اللى فى حياته الطمأنينة الحقيقية والراحة اللى بجد بالقرب من ربنا سبحانه وتعالى بنحس ان احنا مش شايلين هم حاجه خالص لان ربنا سبحانه وتعالى بيدبر الامر واحنا متوكلين عليه وآخدين بالاسباب . وخلاص دلوقتي اقدر اقول لك ان انا خلصت هي دي كانت نصيحتي ليكي في اول حاجه تتوكلي على الله سبحانه وتعالى وتعملي بالاسباب تبدأي تقربي من ربنا وتصلى الصلاة في معادها اسمعي فيديو للخشوع عن الصلاه للدكتور هاله سمير هيفيدك بإذن الله اعملي جدول للمذاكره لاي حاجه فاتتك وافتكري ان القرب من ربنا سبحانه وتعالى افضل شىء دلوقتي بالذات واحنا جايين الدنيا واحنا عارفين انها دار شقاء وتعب وهى محطة احنا كنا مش موجودين و دلوقتي عايشين شويه في المحطة دى وكمان شويه هنموت تاني وهنرجع مش موجودين فلازم نحسن عملنا فى المحطة دى لان احنا اصلا خلقنا الله للعبادته توكلي على الله وابعدي عن المعاصى اللى كنتى بتعمليها واستغفرى ربنا ولو كانت توبة صادقة لابدلك الله السيئات حسنات ☺️ واعزمي ان انتى مش هترجعي للمعصيه دي تاني واستغفرى الله وبإذن الله يسامحك لان لما ربنا سبحانه وتعالى يسامحك هتحسى براحة ومتنسيش بر الوالدين مهم جدا و اقرأي ورد من القرآن كل يوم وممكن تحفظى لو كل يوم صفحة حافظي على صلاتك نصيحه قولى بعد كل صلاه اية الكرسي أجرها { لن يمنعك من دخول الجنه الا الموت } شوفتى أجرها جميل ازاى متنسيش اذكارك ( الصباح ، المساء ، بعد الصلاة ) وكل حاجة هتتحل توكلى على الله وابدأي.
تم النشر الاثنين، ٢٤ نوفمبر ٢٠٢٥
جايالك من المستقبل وبقولك انك هاتنسي بس اللي هيتأثر هو مذاكرتك ومستقبلك وهو هايعيش حياته وانتي كمان بس هاتكوني خسرتي حاجات كتيره حلوه حواليكي .....نصيحة خدي وقتك في الزعل يومين ثلاثة وقومي نفضي هدومك وارجعي لمستقبلك واطحني نفسك خلال يومك مذاكرة وصلاة واهتمام بنفسك وشكلك ورياضة وصدقيني هاتكوني فخورة بنفسك..
تم النشر الاثنين، ٢٤ نوفمبر ٢٠٢٥
معلومة: العلماء اختلفوا في تارك الصلاة تهاونا و تكاسلا، هل هو كافر ام فاسق؟ فالصلاة شأنها عظيم و إياكي ثم إياكي ان تتهاوني فيها يا أمة الله، و احفظي نفسك عن العلاقات المحرمة، فك الله كربك
تم النشر الاثنين، ٢٤ نوفمبر ٢٠٢٥
الانفصال له ألم .. ولكن الألم ده خلاكي تراجعي نفسك وتشوفي واقعك والآن لازم خطوات عملية .. اكتبي بليل خطوة واحدة هتتقدميها بكرة ... مذاكرة نص ساعة مثلا ... بالتوفيق
تم النشر الاثنين، ٢٤ نوفمبر ٢٠٢٥
لعرض السؤال في فدني اضغط هنا