السلام عليكم ورحمة الله وبركاته
كنت عاوزه انسى شخص ومتعلقه فيه ومش عارفه ادى حد فرصه او يمكن ايجالى عقده منهم بيقعد مبوظه وقت الرؤيه وهو فى الجيش وقال مش هخطب غير لما اخلص ومحددش عليا ولو كلمته وانه مستنيه يقول فهمت وبس مش يرد يقول مش عاوز وقولت يعمل بلوك وسايب رقمى انا عاوزه ابطل تفكير فيه
السلام عليكم، طبعا الموضوع هيحتاج منك شوية وقت وجهد. لازم الأول تتفهمي إن طبيعي مشاعرك مش بضغطة زر سحرية هتختفي، خاصة لو كنت في المشاعر دي بقالك فترة وبقى التفكير فيه عادة ترسخت عندك، وزي أي عادة سلبية لازم تحلي محلها عادات تانية إيجابية تطردها. تفهمي مشاعرك وبلاش جلد ذات إنك مش عارفة تتخلصي من التفكير فيه بسرعة. اشتغلي على نفسك وأفكارك. الأول، لازم كل يوم تفكري نفسك وترددي عليها أفكار إيجابية تنهيها عن الحنين للشخص ده، زي إنك تستحقي الأفضل وإنك كبنت غالية قوي ولمفروض تحطي رِجل على رِجل واللي عاوزك ويستحقك فعلا هييجي لحد عندك مش أنت اللي تتوسلي أو تنتظري، وإنك تستحقي شخص شاريكِ فعلا مش شخص واضح إنك مش فارقة معه. افضلي كرري الأفكار دي على نفسك لحد ما تترسخ جواك وعقلك الواعي واللاواعي يصدقها ويشتغل عليها. ثانيا، لازم يكون يومك مشغول بحاجات أهم، التفكير ده بيكون نتيجة للفراغ، لو يومك مشغول وبتنجزي وبتتعلمي حاجات تنفعك وبتطوري من نفسك هتلاقيكِ تلقائيا انشغلت عن التفكير فيه ومع الوقت هيقل تفكيرك فيه لحد ما يختفي أو على الأقل هيبقى ذكرى باهتة غير مؤثرة. ابدئي حالا واستعيني بالله أهم حاجة وربنا إن شاء الله هيعينك وهتتخطي بأقرب وقت. بالتوفيق.
تم النشر الخميس، ٢١ مايو ٢٠٢٦
بصي يا بنت الحلال الشخص ده مش شريك حياتك ده واحد بيتسلى وواخدك استبن ومقعدك جنب الرصيف ومفيش حاجة اسمها مستنية يقول فهمت ومبررات الجيش والكلام ده كله شغل حورات وتثبيت عشان يضمن إنك مروحة وموجودة وقت ما يحب يرجع يلاقيك مستنياه فاللي عاوزك بجد هيخبط على باب بيتك ويدخل دغري مش هيقعد يماطل ويسيب رقمه معاك فأنضفي من الوهم ده واعمليله بلوك من حياتك ومن دماغك قبل تليفونك وفوقي لنفسك واشتري كرامتك عشان مفيش حد هينفعك لما تضيعي عمرك على الفاضي ووقتها هتلاقي اللي يقدرك بجد. .. وجد والله ربنا يحفظك ويسعدك
تم النشر الأربعاء، ٢٠ مايو ٢٠٢٦
تمام ي غاليه
تم النشر الخميس، ٢١ مايو ٢٠٢٦
كله على الله ادعيلى انساه وهعمل كده النهارده إن شاء الله
تم النشر الخميس، ٢١ مايو ٢٠٢٦
نامي ع الساعه 11 أو 10 واصحي الفجر
تم النشر الخميس، ٢١ مايو ٢٠٢٦
يبتي والله والله الموضوع اصلا غلط مم البداية وهو لو عايزك هسعي ليكي بجد يبتي والله الحلال غير كدا خالص وعد وقدام اهلك انما اي داا
تم النشر الخميس، ٢١ مايو ٢٠٢٦
والله بعمل المنبه بس مشكلتى انى مش عارفه اظبط نومى قوليلى حل
تم النشر الخميس، ٢١ مايو ٢٠٢٦
تعرفي بجد والله ربنا لو شاف صدق وانك بتجاهدي عشان اصليه هوكل ملك ليكي يصحيكي اضبطي المنبه وهتتعودي
تم النشر الخميس، ٢١ مايو ٢٠٢٦
من كتر رفضت مش قادره اقولهم انى مستنيه شخص محبنيش
تم النشر الخميس، ٢١ مايو ٢٠٢٦
ما أنت مش عاوزه اتخطب عشان كده وانا شخص مبعرفش اعلق حد بيا مش عاوزه كده
تم النشر الخميس، ٢١ مايو ٢٠٢٦
ف اهدي وصلي ع النبي كتير صفحه وتطوت وغيري رقمك
تم النشر الخميس، ٢١ مايو ٢٠٢٦
منا بقولك انى فعلا كنت بعمل كده بس انا دلوقتى عاوزه اصحى للفجر وبفضل ربنا بصوم بس كل لما عاوزه اصلى الفجر مبصليش
تم النشر الخميس، ٢١ مايو ٢٠٢٦
لازم تتعافي وتشلي التعلق لانك بجد لو اتخطبتي وانتي ف بالك وقلبك الشخص دا حرام
تم النشر الخميس، ٢١ مايو ٢٠٢٦
هعمل كده تسلمى
تم النشر الخميس، ٢١ مايو ٢٠٢٦
فوقي مم الوهم دا وفوقي لنفسك وصومي وزودي طاعاتك لازم تنسيه من بالك
تم النشر الخميس، ٢١ مايو ٢٠٢٦
محدش معصوم والله كل بني آدم له ذنب خاص بيه وانتي تجربة وعدت فكك والله مايساهل انك تفكري ولا هو ولا اي حد ف الدنيا يساهل تتعبي نفسك
تم النشر الخميس، ٢١ مايو ٢٠٢٦
يعنى قصص خيال فى دماغى انه جه واتقدم
تم النشر الخميس، ٢١ مايو ٢٠٢٦
عارفه ان ربنا عاقبنى بيه وده نتيجه انى حبيت من الاول ادعيلى معك انى انساه بجد
تم النشر الخميس، ٢١ مايو ٢٠٢٦
معلش ممكن توضحي
تم النشر الخميس، ٢١ مايو ٢٠٢٦
هضحكك عليا انا من الصدمه روحت قولتله انى بعمل قصص وانه جيت خطبتنى
تم النشر الخميس، ٢١ مايو ٢٠٢٦
محتاجه فترة نقاهة اقنعي قلبك ونفسك لن الشخص دا مش ليكي وان ربنا مخبي ليكي الأفضل لازم تقنعي حالك وتشيلي من بالك وادعي احنا ف ايام عظيمة ادعي انه تنسيه ويعوضك خير وصدقيني مصيرك هتتنسيه
تم النشر الخميس، ٢١ مايو ٢٠٢٦
ما هو معندوش العيب العيب عندى انى مش عارفه اصدق انه مفيش امل وبجد عاوزه اتغير والله مكدبش بس الى بيجو مبعرفش اقعد وحاسه ان هتأذي وبقيت مبحبش حوار الحب والا الرجاله وده كله عاوزه اطلعه من دماغى
تم النشر الخميس، ٢١ مايو ٢٠٢٦
خلاص الكلام انتهي تفكري فيه لي بقي؟؟ هو نفسه صارحك والله اعلم صادق أو لأ ف كلا الحالتين واحده النتيجة شوفي حياتك واهتمي بنفسك وبس
تم النشر الخميس، ٢١ مايو ٢٠٢٦
هو قال شوفى حياتك واتخطبى ومش بعلقك بحاجه لان انا قدامى كتير
تم النشر الخميس، ٢١ مايو ٢٠٢٦
يبتي بالله اي دا !!! جيش مين ي اختي فكك بجد عايز يعلقك ويربطك وبعدها يقلك اصل محدش قالك تنتظريني لو هو فعلا صادق ولو لينا نصيب هجمعنا في الحلال ويقطع كلامه معاكي نهائي غير كدا دا لا دا لعب اسمه وتسليه فكك والله وغيري رقمك نصيحه واقفلي الباب دا اللي بحب حد بتقي الله فيه وبخاف ربنا فيه مش يقلك اصل جيش دا تطلعي مم حسابتك
تم النشر الخميس، ٢١ مايو ٢٠٢٦
لعرض السؤال في فدني اضغط هنا