السلام عليكم ورحمة الله وبركاته
أنا بحب حد وهو من محافظة تانية وهو شبهي اوي ارتبطنا شوية لكن سبنا بعض عشان حرام وقولنا مش هينفع نغضب ربنا بس قرايبي بيقولوا لي انو هو مستحيل يجي لأنو بعيد بس أنا دايما حاسة من جوايا انو هيكون ليا وانو أنا رضيت ربنا الحمد لله وانو الدعاء بيغير القدر وهو كويس الحمدلله وبيصلي وخاتم القرآن.
هل افضل أدعي ولا هو فعلاً أصدق انو دا موضوع مستحيل واشيلو من دماغي
السلام عليكم، هو عادي تدعي بس الأفضل إنك تدعي لو فيه الخير ربنا يجمعكم في الحلال وبعد كده تتابعي حياتك. بلاش تعلقي نفسك قوي بالشخص عشان ممكن قوي تكوني بتدعي ويكون ربنا شايف إن الخير مش في زواجك منه فأنتِ تعتقدي إن ربنا كده لم يستجب لدعائك رغم يقينك ورضاك ويكون ده مدخل للشيطان يشككك في ربنا وعلاقتك به. ربنا هيستجيب فعلا بس مش شرط الاستجابة تكون بإننا ناخد اللي عاوزينه، ممكن استجابة ربنا تكون بصرف الشر والسوء عننا وإنه يختار لنا الخير في طريق تاني. أنتِ ادعي ربنا لو فيه الخير يجمعكم وركزي بعد كده في حياتك ودراستك وإنك تفهمي نفسك والحياة أكتر وكمان تفهمي حقوقك وواجباتك لبعد كده لو قررتِ تخوضي تجربة الزواج. ** ربنا يكتب لك الخير حيثما كان ويرضيك به. بالتوفيق.
تم النشر الاثنين، ٢٥ أغسطس ٢٠٢٥
السلام عليكم ورحمه الله وبركاته دايما افضل دعوه في مساله الزواج اللهم ان كان خيرا لي فقربه مني وان كان شرا لي فابعده عني بس كده يعني دي افضل حاجه انك تعملي لكن نحن ندعي انه يا رب انا عايزه الشخص ده بالذات مش احسن دعوه لان احنا ممكن ندعي لنفسنا بالشر واحنا فاكرينه خير ومش شرط يعني مش شرط خالص عشان حافظ القران ولا عشان يعني مش شرط خالص في الاول وفي الاخر هو شخص انت تعرفي جزء منه لكن ما تعرفيهوش كله لكن ربنا هو اللي عنده علم كل شيء وهو اللي يعرف اذا كان الشخص ده مناسب لك ولا لا فادعي فقط بانه ان كان خيرا اجعله من نصيبي بس كده
تم النشر الاثنين، ٢٥ أغسطس ٢٠٢٥
هو الدعاء بحارب القدر انتي لو مرتحاله وتحبيه ادعي ربنا ان لو فيه خير ليكي يجعله من نصيبك وربنا قادر علي كل شئ .. وبعدين بعد المسافه ده مش عائق كبير يعني لما ناس بتجوز بعض من مسافات مختلفه هو لو بيحبك بجد هيلف عليكي بلاد و مسافات مش بس من محافظه ل محافظه
تم النشر الثلاثاء، ٢٦ أغسطس ٢٠٢٥
خلي ثقتك في ربنا كبيره قوي وصلي بس بلاش تدعي بالاسم لا قولي لو فيه خير قربه فهماني وإن شاء الله يكون في نصيب
تم النشر الأربعاء، ٢٧ أغسطس ٢٠٢٥
لالا ماتفكريش كدا خالص اتخلصي من المشاعر دي وبجد اهتمي بنفسك والشخص المناسب هايجيلك والله اختيار ربنا ليكي احلي
تم النشر الثلاثاء، ٢٦ أغسطس ٢٠٢٥
نا بحاول اعمل كدا عشان عارفة انو اختيار ربنا هيكون خير ليا لكن يعني جوايا خنقة بسبب انو نا حبيت الشخص دا وكان كويس معايا ف اكيد هكون عايزاة ليا بدل غيرو لكن انا سايبة الموضوع لربنا ودايما بدعي انو هو يختارلي
تم النشر الثلاثاء، ٢٦ أغسطس ٢٠٢٥
لو اتقدملك حد اقبلي وشوفيه ينفع زوج ليكي او لا ومتوقفيش حياتك علي مجرد انتظار
تم النشر الثلاثاء، ٢٦ أغسطس ٢٠٢٥
واشغلي نفسك لو ربنا رايد يكون ليكي هيحصل واشغلي نفسك علشان ماتفضليش معشمه نفسك ومعلقه نفسك بحاجه انت ماتعرفيش ليكي ولا لا
تم النشر الثلاثاء، ٢٦ أغسطس ٢٠٢٥
بصي شيلي الموضوع من ضماغك طالما سيبتيه علشان ربنا وماتفضليش تفكري ف حاجه
تم النشر الثلاثاء، ٢٦ أغسطس ٢٠٢٥
لا يغير الحياة مثل الدعاء فاستمر واستخير ربنا وبالنسبة لبعد المسافة فاخي متزوج من الوادي الجديد ونحن من مخافظة الغربية
تم النشر الثلاثاء، ٢٦ أغسطس ٢٠٢٥
لو ربنا كاتب تكونوا لبعض يبقي هتكونوا لبعض حتى لو العالم كله قال لا ومش هينفع وطول ما هو محترم يبقي خلاص ليه لا صلي استخاره كتير وربنا بيختار الأصلح والافضل ليكي
تم النشر الاثنين، ٢٥ أغسطس ٢٠٢٥
لعرض السؤال في فدني اضغط هنا