كيف أنسى وأتغلب على الفقد؟

أنا عايز اخد رأيكم ؟  ياريت كل وحد يقولى رايه

كنت بحب واحده وبعد سنتين اكتشفت انها كانت بتضحك عليا وعمرها اكبر منى ب 8 سنين وسبتها فورا شكلها عادى بنت عشرينيه بس انها تكذب كل دا ولما واجهتها بتنكر لحد مجبتلها دليل حقيقى الواحد اتصدم صدمه عمره والله انا خلاص كنت عايز اخطبها

سؤال من احد أعضاء فدني

تم النشر الأحد، ٦ يوليو ٢٠٢٥

2 إجابة

السلام عليكم ورحمه الله وبركاته طيب ما شاء الله يعني انت خلي بالك انه الحاجات اللي انت متعلق بيها هي الحاجات اللي انت حسيت بس يعني فانت زعلان على الشعور اللي انت مفتقده لكن لو هنبص بقى على الشخصيه اللي كنت بتتعامل معاها فأنت مفتقد واحده انت اصلا ما تعرفهاش يعني ده جزء من الكذب انت إيش عرفك انه ما فيش كدب ثاني يعني ومفيش حاجات تانيه هي بتكذب فيها او مخبياها فطالما لقيت الشخص بيكدب في حاجه تخص هويته كده اسمه عيلته المكان اللي عايش فيه سنه فده يخليك تفقد الثقة في كل الحاجات التانيه اللي هو بيقولها انس الشخصيه دي خالص وركز في الحاجات بقى اللي انت مفتقدها دي شوف بقيت حياتك يعني لو انت كنت مبسوط قوي عشان خاطر هي بتهتم عشان خاطر هي بتقول كلام لطيف فشوف حياتك ليه مش موجود لطيف لو مفيش اشخاص بيقولوا كلام كويس يبدا دخل حياتك اشخاص بيقولوا كلام كويس بس طبعا مش بارتباط ارجوك يعني لانه كده كده مسألة الارتباط دي غلط كبير وبلاش تفضل الدايره دي تتكرر معاك كل شويه ترتبط وتحس بحاجات حلوه وبعدين تفركش وترتبط وتحس بحاجه بعد في الاخر تزعل كثير قوي قوي قوي وهتفتكر ان الدنيا جايه عليك بس هتبقى انت اللي عملت كده في نفسك.

تم النشر الأحد، ٦ يوليو ٢٠٢٥


أخي العزيز، أولاً أحب أقول لك: ما تمر به صعب وبالمرة، والفقد وخيبة الثقة من الناس اللي نحبهم وخاصة لما يكونوا مقربين، هي تجربة موجعة جداً. ذكية معاك هنا وبإذن الله أكون جنبك في هذه اللحظة لأساعدك تواجه الألم وتستفيد من التجربة. خليني أجيب لك نصايح عملية تساعدك تتغلب على الفقد وتاخذ خطوة للأمام: اسمح لنفسك تشعر : من الطبيعي أن تحس بخيبة الأمل، الحزن، حتى الغضب. لا تكبت مشاعرك، خذ وقتك تعبر عنها، سواء بالكلام مع نفسك أو بكتابة مشاعرك، هذا يساعد على تخفيف الضغط. تقبل الواقع بحكمتك : اكتشفت أن الشخص الذي تحبه لم يكن صادق معك، وهذا مهما كان مؤلم هو فرصة لفهم الحقيقة قبل الالتزام الجاد (كالخُطبة). صدقني، الله ما بيضيع لك تعبك لو تعلمت من التجربة. تجنب لوم نفسك : الكبر في السن أو عدم الصراحة ما يبرر الكذب، لكن أنت لم تختار إلا أن تثق. كلنا نخطئ في توقعاتنا، المهم أن تتعلم تطور من نفسك مش إنك تسقط في دوامة الندم. ركز على نفسك ومستقبلك : حاول تملأ وقتك بأشياء تعزز ثقتك بنفسك، تعلم مهارات جديدة، واصنع أهداف حقيقية في حياتك الشخصية والدينية والعملية. تعلم من التجربة : ولا تستعجل الوثوق بأي شخص بنفس الطريقة. راقب تصرفات الأشخاص وأفعالهم وعلامات الصدق بدلاً من الاعتماد فقط على الكلمات. ادعم نفسك بالعبادة والدعاء : استعن بالله واطلب منه الثبات والقلب الصبور، وادعوه يرزقك خيرة الأمور. وأخيراً، لا تنسى أن تتذكر أن هذه تجربة واحدة في حياتك يا أخي، وربما هي بوابة لعلاقات أجمل وأصدق في المستقبل. لو شعرت بحاجة للتحدث مع مختص نفسي أو مدرب حياة يمكن يساعدك تفهم مشاعرك بشكل أفضل، يمكنك البحث عن الخبراء في منصة فدني عبر صفحة الخبراء: https://www.fedni.net/experts وأنصحك أيضاً تتصفح الأسئلة المشابهة التي تم الإجابة عليها في فدني؛ لأن قراءة تجارب وردود مختلفة قد تزودك برؤية أوسع. أنا هنا لأي دعم تحتاجه، لا تتردد تسأل. ذكية معاك.

تم النشر الأحد، ٦ يوليو ٢٠٢٥

12 تعليق

والله فعلا انا كنت بكلمها يوميا تقريبا اليوم كله كنا بنحكى بس بعد اللى حصل دا مستحيل هى كذبت قبل كدا انه معندهاش أخوات وبعدين طلع عندها اخوات واتحججت ساعتها انها كانت عايزه تختبرنى ورجعتلها علشان كنت بحبها بس المره دى خدت صدمه كبيره بجدد فخلاص

تم النشر الأحد، ٦ يوليو ٢٠٢٥


ياارب انا وانت ان شاء الله ❤

تم النشر الأحد، ٦ يوليو ٢٠٢٥


صح والله عندك حق وكلامك ريحنى كتير بجد شكرا

تم النشر الأحد، ٦ يوليو ٢٠٢٥


عندك حق انا فعلا والله مش مستوعب كيف هى طلعت كدا لا وبتحاول توصلى بتبرر اللى عملتله بس انا قفلت الموضوع وعملتلها بلوك على كل حاجة علشان خلاص مش عايزها

تم النشر الأحد، ٦ يوليو ٢٠٢٥


ولو انك كنت بتتفاعل معاها فترة طويلة فبعد ما تسيبها هتحس بفراغ وإن في حاجة نقصة لأن دماغك اتعود على مستوى معين من المشاعر .. فممكن الفراغ والزهق والأعراض دي تخليك ترجعلها متوهماً ان هي الحب ولازم تكمل معاها .. ولكن دي مجرد اعراض فترة وتروح .. حاول تخفف منها برياضة المشي نص ساعة يوميا مثلا

تم النشر الأحد، ٦ يوليو ٢٠٢٥


العفو الله يصلح لك الحال

تم النشر الأحد، ٦ يوليو ٢٠٢٥


بس كدا تمام .. هي كانت بتحاول تخدعك تاني وتكمل عليك التمثيلية

تم النشر الأحد، ٦ يوليو ٢٠٢٥


وأخرج من التجربة أقوى ودي خبرات

تم النشر الأحد، ٦ يوليو ٢٠٢٥


مقصدش ان كل الناس غدارين ولكن في كده

تم النشر الأحد، ٦ يوليو ٢٠٢٥


اخوي العزيز .. مين دي ؟ وايش وثقك فيها ؟ وهل كل الناس عندهم ضمير ؟ .. حبيبنا انت الان اصطدمت في واقع الحياة مقصدش ان كل الناس خطرين وغدارين لا ولكن انك متعتمدش عاطفيا على حد لأن لو اعتمدت عاطفيا على شخص فممكن يكون بيتسلى عليك او عايز منك مصلحة او صادق بس مثلا اهله يرفضوك او حتى يتوفى .. في اسباب كثير ... فلما يقول بحبك فدي ممكن ببساطة مجرد كذبة وانت واحد من عشرات مكذوب عليهم .. فأنت اصطدمت بتجربة اكيد هتزيد من نضجك .. متعتمدش عاطفيا على حد .. ومتكلمش من الأساس لما تكبر وتضبط نفسك ماديا وتفهم الجو اطرق الباب علطول

تم النشر الأحد، ٦ يوليو ٢٠٢٥


طاب هل دا مبرر او ذنبى انا علشان هى تعمل كدا وتفضل خدعانى بعد سنتين انا حتى واجهتها انكرت لحد مخليتها تعترف فى الاخر

تم النشر الأحد، ٦ يوليو ٢٠٢٥


رأيي ان اللي خلاك تتسرع وتنخدع بألاعيبها هو ممكن حب للتجربة او احتياج عاطفي مفقود من الأهل .. قد يكون قسوة أو اهمال فلجأت للبنت لتعويض هذا الاحتياج

تم النشر الأحد، ٦ يوليو ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك