وعليكم السلام ورحمة الله وبركاته، ممكن جوابي يأثر فيكِ لأني مرّيت بنفس تجربتك تقريبا، الأهل دائما بخافو على ولادهن ودرجات الخوف بتختلف بين الأهل... العالم برا كتير خطر وفيو عجايب حرفيا، انا شخصيا ما كنت واعية فيها ايام المدرسة مثلا، فهاد خلينا نقول ممكن يكون سبب لتدخل ابوكي المفرط فيكِ، يعني ما تحطي ببالك انه انت مش حمل ثقة لا على العكس قولي الحمد لله في عندي اهل متذكرين انه عندهن بنت وبيسألو عنها... اهم اشي انه ما تلتجئي لشخص غريب "عشان يطلعك من الي انت فيه" لانه نهاية هيك طريق ممكن تدمر حياتك، وطبعا مش لصحبة فاسدة. الحل الوحيد هو التقرب من الله سبحانه وتعالى، اذكري ربنا كتير، كوني حرة بتفكيرك وآمالك بس بما يرضي الله، كل يوم ادعي مجموعة من الادعية الي حابة تحصلي عليها، استغفري كتير، حياتك وروحك وكل اشي فيكِ بيتغير، وبصير عندك عالم صغير خاص فيكِ انت وبس♡ نمّي هواياتك، رتبي غرفتك ونظميها... افهمي ابوكي زيدي اوقاتك معو، حابب يجي معك علجامعة؟ تمام خليه يروح معك مرة ومرتين وتلاتة عادي، اقعدو بكافيه عيشي اوقات حلوة معو... بعدين هو من نفسه ما رح يجي، سألك على التلفون؟ صيري مثلا قليلو اذا شخص بعثلك رسالة ممكن بابا تشوف مين بعثلي؟ هو خايف عليك حاولي تفهمي الموضوع والأمور بتتغير تخافيش
لعرض الإجابة في فدني اضغط هنا