السلام عليكم، هو لو هنصحك بنصيحة واحدة بس فهي إنك تقطعي علاقتك بالبنت دي وتبعدي عنها، دي مينفعش تقولي عنها "صاحبتي". حتى لو الكلام اللي قالته حصل والولد ده قال كده فعلا لو هي إنسانة كويسة وبتحبك عمرها ما كانت نقلت لك كلام يجرحك ولا ضحكت عليك. الصاحب والصديق الحقيقي بيدعمك ويرفع ثقتك بنفسك وعمره ما يجرحك أو يؤذيك بكلام أو نظرة. ومش بعيد هي وغيرها اللي مزعزعين ثقتك بنفسك وشكلك بكلامهم. *** أعتقد احتمال كبير يكون ده سبب مشكلتك... ممكن سمعت من وانت صغيرة كلام من الناس أو الأهل فضل يترسخ جواك لحد ما سبب لك العقدة دي. مشكلتك حلها إنك تحبي نفسك وتقفلي أذنك خالص عن سماع أي كلام سلبي عنها. عارفة كلمة (حبي نفسك) سهلة والتنفيذ مش البساطة دي بس صدقيني مع المحاولة والاستمراية هيبقى سهل وهترسخي جواك أفكار جديدة ونظرة جديدة عن نفسك ملهاش علاقة بكلام الناس ورأيهم فيك. ** وخدي بالك، نظرتك لنفسك بتنعكس على شكلك الخارجي، يعني طول ما أنت شايفة نفسك مش جميلة وكارهة نفسك ده اللي الناس هتلقطه وهيتعاماوا معك بنفس الطريقة. معرفش مستوى جمالك إيه، بس حتى لو مش جميلة (بمقاييس الناس) أو جمالك عادي أو بسيط ففي النهاية الأمر كله يعتمد على داخلك... يا ما بنات فاتنة جدا لكن اللي بينعكس من داخلها بيصد الناس حواليها وبنات عادية أو حتى مش جميلة ثقتها بنفسها وجمال داخلها بينعكس برا وبيجذب الناس لها. فأنت كل اللي محتاجاها حب لروحك ونفسك وإنك تشتغلي على جمالك الداخلي وفي نفس الوقت تهتمي بصحتك وجمالك الخارجي. أرجو أكون أفدتك شوية، وإن شاء الله خبراء النفس هنا يقولوا لك خطوات عملية. بالتوفيق.
طيب فكري كده بالراحة، الموت هيريحك؟ أنتِ متخيلة في إيه بعد الموت؟ مستعدة له طيب؟ صدقيني كل اللي بتعمليه في نفسك ده ميستحقش.. ليه تعطي ناس زي دي فرصة تؤذيكِ وتدمر حياتك... ربنا خلقك لغاية وطالما لسه عايشة يبقى لكِ أهمية ولازمة وربنا معطيكِ فرص كل يوم بتتنفسي فيه... ليه تخسري نعم ربنا وتعمي عينك عنها عشان مركزة على السلبيات والكلام الوحش اللي بتسمعيه من ناس لا تستحق تكون في حياتك... استهدي بالله وابدئي شوفي نعم ربنا الباقية عليكِ وكمان شوفي ابتلاءات الناس التانية هتلاقيناس في ابتلاءات أعظم وأشد... لو الموضوع صعب عليكِ إنك تعالجي المشكلة بنفسك حاولي تتواصلي مع طبيبة نفسية أو مدربة حياة.. هتلاقي هنا على التطبيق في قائمة الخبراء اختاري خبيرة وتواصلي معها وإن شاء الله ربنا يعينك ويريح قلبك.💚
تم النشر الخميس، ٢٣ أبريل ٢٠٢٦
أنا تعبت نفسي اموت
تم النشر الخميس، ٢٣ أبريل ٢٠٢٦
لعرض الإجابة في فدني اضغط هنا