ازاي اسامح نفسي اني مذاكرتش فتالتة ثانوي ومعملتش اللي عليا وكان فإيدي أفرح أهلي بمجموع اعلى بس الحمدلله معملتش كده وكنت بضيع وقتي عالموبايل
وكنت متفوقة جدا فاعدادي دخلت ثانوي مبقتش افتح كتاب
رغم ان ماما تعبت معايا فتالتة ثانوي كانوا موافرنلي كل حاجة وماما مكانتش بتخليني اعمل حاجة فالبيت عشان اذاكر وكانوا بيبوسوا رجلي عشان اذاكر وانا للاسف كنت فحالة لا مبالاة وتضييع وقت عالسوشيال ميديا غير طبيعي
دخلت الكلية مش قادرة اسامح نفسي خالص
ازاي اعوضهم انا عارفة اني إنسانة وحشة وخلاص ثانوية عامة مبتتعوضش ودي اللي بتحدد نظرة الناس لينا بس اعمل اي يحسن مالموضوع
السلام عليكم اهم حاجه انك فعلا فعلا باحساس وخلي الاحساس ده يدفعك انك مقدمي لهم كثير قوي علشان تعادلي شويه الكفه اللي انت قصرت فيها لانهم الحمد لله يعني بيعملوا كل اللي عليهم وزياده تبداي تاخدي الدور ده شوفي هم من ايه من ايه وفريه لهم زائد ان هم كانوا بيعملوا عايزين نشوف الكليه انك تحسبيه في وقت معين.
تم النشر الثلاثاء، ٢٨ مايو ٢٠٢٤
اللي فات عدا خلاص ومتزعليش عليه.. لكن عوضيها بإنك توريها نجاحك في الكلية اللي انتِ فيها حاليا ونجاحك في حياتك كلها .. إسعي إنك تفرحيها بيكي صدقيني الثانوية العامة فعلا مش نهاية العالم.. تقدري تتميزي في كليتك مهما كانت و تجيبي تقدير كبير وتتعيني معيدة مثلا او تكملي دراسات عليا ودكتوراة وتكوني دكتورة في مجالك الحالي وأهلك هيكونوا فخورين جدا بيكِ مامتك هتكون فخورة بيكِ لما تلاقيكي ملتزمة وبتعملي الخير وبتجتهدي في حياتك وبتساعديها معنويا ونفسيا.
تم النشر الأحد، ٢٦ مايو ٢٠٢٤
بصي اللي عدي عدي خلاص مش لازم تحسي بالذنب وحاولي دلوقتي انك تتفوقي في الكلية وتثبتي نفسك فيها وتجيبي مجموع كبير وامتياز
تم النشر السبت، ٢٥ مايو ٢٠٢٤
يبدو أنك تشعرين بندم شديد على ما حدث في فترة دراستك بالثانوية. من الطبيعي أن تشعري بالذنب عندما تفكرين في كيف كنت تمضي وقتك بدلاً من الدراسة وكيف كانت محاولات أمك لمساعدتك لا تقدر بثمن. أول خطوة مهمة للتعامل مع هذه المشاعر هي الموافقة على الماضي وقبوله كجزء من رحلتك. لا يمكن تغيير ما حدث، لكن يمكنك الاستفادة منه لتطوير نفسك والعمل على تحقيق أهدافك في المستقبل. قد يساعدك التحدث مع أمك والتعبير عن أسفك العميق واستعدادك للتعويض عن تلك الفترة الصعبة. كما يمكنك وضع خطة عمل واضحة تساعدك في تحقيق أهدافك بالكلية وفي الحياة العامة. تذكري أن الخطأ ليس نهاية المطاف، وكلنا نمر بتجارب تعليمية تساعدنا على النمو والتحسن. ابدئي بتحديد أهداف واضحة لنفسك، واجعلي التعليم والتقدم الشخصي أولويات في حياتك. لا تحملي نفسك بالماضي، بل اصنعي لنفسك مستقبل أفضل بالتفاني والاجتهاد. تذكري أن النجاح يأتي من الاستمرارية والتصميم على التحسن. ابدئي اليوم بالعمل على تحقيق أهدافك ولا تيأسي، فأنت تملكين القوة للتغيير والتطوير.
تم النشر الجمعة، ٢٤ مايو ٢٠٢٤
أنا طالب ثانوي عامه الدفعه ال فاتت والله ذكرت ف اخر 3 اسابيع تقريبا او اقل ومكنتش باخد ول درس ف الثانويه كلها سواء أولي او تانيه أو تالته لاني مش مقتنع ب الدروس أنا مش هقول اني جبت مجموع كبير او حاجه بس جبت مجموع يرضيني عل اقل المهم فعلا ف الوقت استغلاله و منبكيش عل الفات ول نقول ياريتني
تم النشر الاثنين، ٢٧ مايو ٢٠٢٤
وتبتدي تفريحهم في مجموعك في الكليه وتحسسيهم ان ده انك االلي كنتي عايزاه وان ده قدر ربننا
تم النشر الأحد، ٢٦ مايو ٢٠٢٤
حاولي تبقي في اعلي مرتبه في اي حته انتي فيها
تم النشر الأحد، ٢٦ مايو ٢٠٢٤
حاولي دايما تثقي في ان اختيار ربنا مفيش احسن منه واجتهدي واشتغلي علي نفسك ومتفكريش ابدا في الماضي ربنا ال عمل كدا عشان اكيد شايف حاجة احنا مش حاسبينها وهي خير ليكي اكيد
تم النشر السبت، ٢٥ مايو ٢٠٢٤
حاولي تبذلي مجهودك في الفترة الي انتي فيها دي و تترقي و تبقي حاجة اعلى مش مجموع او ثانوية هي الي هاتحدد حياتك لذلك اتعلمي من اخطاء الماضي و ابذلي جهدك في الحاضر عشان ماتندميش تاني في المستقبل
تم النشر السبت، ٢٥ مايو ٢٠٢٤
شكرا ليكم يجماعة على نصايحكم الجميلة دي ربنا يرضى عنكم🥰🥰🥰💖
تم النشر الاثنين، ٢٧ مايو ٢٠٢٤
ارجو الرد انا في حالا اكتئاب وجلد ذات غير طبيعية
تم النشر الجمعة، ٢٤ مايو ٢٠٢٤
لعرض السؤال في فدني اضغط هنا