مش كل مجال بنستمتع بتحليله أو بنقعد نقرأ عنه يبقى هو هدفنا الأساسي، ممكن يكون مجرد هواية بنحبها وبتوسع تفكيرنا، وده شيء حلو جدًا في حد ذاته. و ممكن مع الوقت و الدراسه تعرفي ميولك الحقيقيه و (الواقعيه) اكتر.. وبما إنك علمي علوم، فمجال الطب الشرعي أو الأدلة الجنائية قدامك من أكتر من طريق. ممكن من كلية الطب البشري وبعدها تتخصصي في الطب الشرعي، أو من كلية العلوم خصوصًا كيمياء أو بيولوجي وده بيفتحلك باب شغل في المعامل والأدلة الجنائية بعد كذا خطوة. متشتتيش نفسك كتير دلوقتي أهم حاجة دلوقتي بجد هي المجموع، لأنه هو اللي هيفتحلك كل الاختيارات دي ويخليكي تختاري براحتك بعد كده. وربنا يوفقك للي فيه الخير ليكي 🤍
بصي هو إحساسك إنك بتضحكي على نفسك مش لازم يكون صح، بالعكس إنك تبقي واعية إن فيه فرق بين الهواية والحلم ده في حد ذاته حاجة كويسة. ممكن جدًا تحبي التحليل وتخليه هواية وفي نفس الوقت يبقى عندك هدف كبير زي الطب وجراحة المخ والأعصاب طالما مستعدة له فعلًا. بس أهم حاجة متفضليش طول الوقت في مرحلة التفكير والاختيارات، لأن اللي بيفرق فعلًا هو السعي والمذاكرة عشان توصلي للمجموع اللي يفتحلك الطريق ده. وخلي حبك للتحليل والأدلة حاجة جانبية تستمتعي بيها من غير ما يضغطك أو يشغل بالك عن هدفك الأساسي.
تم النشر السبت، ١٣ يونيو ٢٠٢٦
بفكر ادخل الطب واتخصص جراحه مخ واعصاب والعب التحقيق كهوايه بس حاسه اني بضحك علي نفسي ف مش متأكده
تم النشر السبت، ١٣ يونيو ٢٠٢٦
لعرض الإجابة في فدني اضغط هنا