انا بنت عندى ٢١ سنه ، حبيت شاب من محافظة تانيه بقالي حوالى ٣ سنين والشاب ده حاليا اتقدم ليا ، ولكن المشكله فى اهلى شايفين أنه مش مناسب عشان يعنى هو مدرس ولكن مش دكتور ولا مهندس ولا ظابط ( منظرة يعنى) وكمان مستواه متوسط وهما عايزين واحد متريش على حد كلامهم
والشاب ده عرض عليهم أنه يجهز بيته وميكتبش قائمه ويدينى مهر وهما رفضوا عشان عايزين يمضوه على قايمه متقلش عن نص مليون وشبكه بمبلغ وقدره ومؤخر محترم ،،
عايزين يعجزوه يعنى عشان هو مش عاجبهم مستواه الاجتماعى برغم ان بابا دبلوم صناعه لكنه عنده املاك،،،
وانا معارضاهم لكن مش عارفة اعمل ايه ،، فعرضت عليه يوافق على القايمه وعشان هو بيحبنى وافق ولكن معترض على الرقم وحقه بصراحه
انا اهلى ناس ماديين بشكل كبير وانا بالنسبة ليهم استثمار
انا ما بين نارين الشخص إلى بحبه ومتطمنه على نفسى معاه ومابين أهلى إلى رافضين رفض قاطع الولد ده
يؤسفني اقولك ان الزمن هيثبتلك ان اهلك صح و ان تفكيرهم هو الصح ، رغم اني راجل زيه و المفروض اقولك اهلك مش فاهمين الحب اللي بينكم و ظالمينك و الكلام بتاع اسامه منير الجميل ده ، لكن الواقع غير كده تماما ، اه الافضل انه يكون مرتاح ماديا علي اقل تقدير في نفس مستوي اهلك المادي و الاجتماعي ، لان بمجرد ما غشاوة الحب تتشال عن عينك هتلاقي نفسك مش عارفه تعيشي ف مستوي اقل من اللي كنتي عايشه فيه و ده هيعمل مشاكل كبيره ف علاقاتكم هتتمني انها تكون مشاكل واضحه لانك هتلاقي مشاكل بدون اسباب واضحه هيكون السبب الخفي فيها هو الفرق ده ، و اهلك صح انه يمضي قايمه لان الزمن ده متقلب و مفيش حد مضمون غير اهلك ، أتمنى ان كل عضو عندك يقوم بوظيفته اللي اتخلق ليها و العقل هو اللي يحكم لان ده دوره مش دور القلب
تم النشر السبت، ١٣ سبتمبر ٢٠٢٥
1 الحب يأتي بعد زواج انتي في حالة تعلق واعجاب 2الزواج عن مصلحة حرام لذا بعيدا عن الماديات والحب هل هذا الشخص اخلاقه عالية اذا نعم فعليك بالدعاء والصدقة وصلاة لستخارة وبعدين ابشري عزيزتي 3اذا كنتي معه في علاقة من قبل فعليك استغفار لأن العسر يأتي من المعاصي
تم النشر السبت، ١٣ سبتمبر ٢٠٢٥
مرحباً بكِ يا عزيزتي، وأشكرك على ثقتك في طرح مشكلتك. موقفك صعب بلا شك، لأنكِ بين حبك وراحة قلبك من جهة، ومتطلبات ورغبات أهلك من جهة أخرى. دعيني نحلل الوضع معاً بشكل هادئ ومنظم لنساعدك على اتخاذ القرار المناسب. أولاً: فهم المشاعر والواقع انتِ تحبين هذا الشاب منذ 3 سنوات ومستقرة معه نفسياً، وهذا شيء مهم جداً، لأن الزواج أساسه المحبة والطمأنينة. أهلك يرون الأمور من منظور مادي ومن مكانة اجتماعية، وهذا أمر شائع في مجتمعاتنا، لكن للأسف قد يقيد مشاعرك وحقك في اختيار شريك حياتك. ثانياً: تقييم وضع الشاب والشروط المالية الشاب مدرس، وهذا عمل محترم وجيد، لا يعني بالضرورة أنه أقل قيمة من دكتور أو مهندس. العمل والنية والخلق شيء آخر. رفض أهلك المهر والقائمة التي لا تقل عن نص مليون يبدو مبالغة في الماديات، خاصة وأن والدك دبلوم وصاحب أملاك، وهذا يوضح أن المشكلة ليست مالية فقط، بل مكانة اجتماعية وأمور أخرى. الشاب عرض تجهيز البيت وعدم كتابة قائمة، ووافق على بعض طلبات أهلك لكنه معترض على الأرقام لأنها حقه أيضاً. ثالثاً: بعض الأفكار والنصائح العملية الحوار مع الأهل بهدوء ووضوح: حاولي أن تشرحي لهم مشاعرك تجاه هذا الشاب وكيف أنه يقدرك ويحترمك، ولا ترتكزي فقط على الماديات. اذكري لهم أن الزواج علاقة شراكة تحتاج تفاهم ومودة واحترام وليس مجرد استثمار مادي. تحديد أولوياتك: هل الأهم عندك هو الاستقرار العاطفي والسعادة مع الشخص الذي تحبينه؟ أم الحفاظ على راحة أهلك ورضاهم حتى لو كان ذلك على حساب مشاعرك؟ تفكير في المستقبل العملي: هل الشاب لديه خطط لتطوير مستواه المهني أو المالي؟ هل أنتما معاً تستطيعون بناء حياة مستقرة ومريحة مهما كانت البداية بسيطة؟ الموازنة بين الحقوق والواجبات: من حقك أن تحبي وتختاري شخصاً يريح بالك، ومن حق أهلك أن يكون لهم رأي لكن بدون فرض قسري. الزواج دين ومعاملة وروح، لا يحكمه المال والاسم فقط. رابعاً: خطوات ممكن تنفذيها الآن اجلسي أنتِ والشاب معاً وضعوا خطة عملية لعرضها على أهلك، توضحوا فيها استعدادكم للتحسين والتطوير معاً. استعيني بشخص مقرب من أهلك يحترمك ويحترم الشاب ليكون وسيط في التفاهم. ابحثي عن دعم نفسي أو استشاري من خلال خبراء في موقع فدني، يمكنهم مساعدتك بشكل خاص. يا عزيزتي، لا تخافي من الاختيار الصحيح لقلبك طالما فيه خير لك ولحياتك، وكوني واثقة أن الله مع من يوكل إليه أمره ويصبر ويحتسب. إذا أردتِ، يمكنني مساعدتك في البحث عن خبراء في العلاقات والزواج في موقع فدني يقدمون لك استشارات أكثر تخصصاً. هل تريدينني أساعدك في ذلك؟ أو هل ترغبين في طرح مزيد من التفاصيل؟ أنا هنا لأساندك بكل حب وتفهّم. 🌸
تم النشر الخميس، ١١ سبتمبر ٢٠٢٥
الحقيقه إن محدش غيرك هيدفع ضريبة قرارك أيا كان ف إحسبيها بشكل يخليكي راضيه عن نفسك و أيا كان متسمحيش لـ حد ياخد مكانك قرار مصيري زى ده
تم النشر الخميس، ١١ سبتمبر ٢٠٢٥
انا عارف ان الولد بالنسبة لك كل حاجة وهو اللي كان زي العوض عن أهلك ولكن للأسف زي ما كلمك لمدة ٣ سنين وهو مش عارفك طبيعي جدا انه يكون مكلم غيرك ولو أنكر ذلك .. الضمان اللي بتدوري عليه في الرجل هو الدين و الضمير مش الكلام الحلو و المعسول .. متخليش قسوة أهلك تخليكي تتسرعي في الاختيار .. الله يوفقك
تم النشر الجمعة، ١٢ سبتمبر ٢٠٢٥
انتي لسه صغيره ومع الوقت تفكيرك هيتغير وهتعرفي دا بعدين نصيحه اوعي تقللي من نفسك قدام الشخص اللي عايز يخطبك واللي اهلك يقولو عليه ماترجعيهمش فيه
تم النشر الخميس، ١١ سبتمبر ٢٠٢٥
طالما شاب محترم وشاريكي ومتدين ومالي عينك وضحي النقط دي لاهلك لكن المؤخر والشبكه والقايمه اعتقد اهلك مش مستافتدين حاجه هما بيأمنوكي مش اكتر وبعد كدا هتفهمي وهتعرفي وكل بنت بتختلف عن التانيه اكيد فامتقلليش من نفسك ولا تتنازلي البنت تحب الزوج يكون أعلى منها علميا وعمليا وماديا كمان
تم النشر الخميس، ١١ سبتمبر ٢٠٢٥
لعرض السؤال في فدني اضغط هنا