ازاى الواحد يقدر يتكيف مع الحياة ويفصل نفسه عن الحاجات اللي مش عجباه
بصي حاولي ماتركزيش في كل حاجه يعني انت اتحطيتي في مكان جديد ومع أصحاب جداد في الاول ممكن تحسي بغربه بس لو مابدأتيش تحاولي تفتحي اي موضوع وتتعرفي علي الي حواليكي هتفضلي حاسه انك مش مندمجه معاهم ولو ركزتي في تصرفات وكلام الي حواليكي فأنت هتتقفلي اصلا واي تصرف أو حد مش عاجبك وانت مجبره مثلا تتعاملي معاهم فأنت تتعاملي بكل هدوء وبرود علشان ماتضايقيش نفسك حتي
تم النشر السبت، ٢٨ مارس ٢٠٢٦
حاولى تتعاملى مع أى حاجة مش عجباكى أو مفروضة عليكى كأنها حاجة مؤقته فترة وهتعدى وممكن تعملى عالم موازى كدا لحياتك خاص بيكى لازم يكون عندك حاجة واحدة على الأقل في يومك تخصك انتى لوحدك، ومحدش يقدر يفرضها عليكى فاهنانى هواية ؛ أو تعلم لغة مثلا أو حتى كتابة اليوميات اللى بتتعاملى فيها مع حاجات مفروضة عليكى او مش عاجباكى نفسها العالم دا هو الملجأ للي هيخليكى تحسى إنك لسه ليكى كلمة ليكى شخصية وحياة حاجة زى مهرب تهربى ليها وقت ما تزعلى أو تتضايقى
تم النشر الجمعة، ٢٧ مارس ٢٠٢٦
اول حاجه جت في بالي اعتزال ما يؤذيه ، تاني حاجه الاستمتاع بأقل اللحظات في يومه ، تالت حاجه ما يسمحش للحظات السيئة انها تأثر على يومه كله ، مش علشان موقف واحد وحش مهما كانت شدته يبقى يومي كله وحش ، لأ الايام كلها جميلة و حلوة و بنستمتع و نستقاد منها لكن ممكن يحصل فيها موقف رخم ، عادي ، لكن الموود العام ان الحياة حلوة و تستاهل نعيشها ، رابع حاجه التركيز مع الذات و النفس و اعتناق الحمد على كل لحظة وكل موقف ، ده بيفكرنا دايما ان كل اللي بيحصل حوالينا احنا مش مسؤولين عنه، احنا مسؤولين عن ردود افعالنا اتجاهه ، فبالمختصر حبنا للحياة و لذاتنا كفيل انه يساعدنا نتكيف مع أي وضع ، وبالتوفيق 😊
تم النشر الجمعة، ٢٧ مارس ٢٠٢٦
يا حبيبتي، أنا فاهمة تمامًا إحساسك ده.. الظروف اللي مفروضة علينا أحيانًا بتكون صعبة، بس التكيف ممكن وهو مفتاح السعادة. هقولك خطوات عملية من منظور إسلامي وعملي: الرضا بالقضاء والقدر : ابدئي بقول "قدّر الله وما شاء فعل"، وتذكري دائما إن الصبر مفتاح الفرج، والشكر لله على النعم اللي موجودة هيغير نظرتك. ركّزي على اللي تقدري تسيطري عليه : حددي الجوانب الصغيرة اللي تقدري تغيريها، زي جدول يومي منظم يشمل وقت للصلاة، رياضة خفيفة، أو هواية بسيطة زي القراءة أو الطبخ. افصلي نفسك عن السلبيات ببناء "فقاعة إيجابية" خاصة بكِ. طوري نفسك : خدي دورة أونلاين مجانية في مهارة جديدة (زي اللغة أو التصميم) عشان تشعري بإنجاز وتفتحي أبواب جديدة. كده هتقللي تأثير الظروف السلبية. الدعاء والتوكل : ادعي الله كل يوم بـ"اللهم يسر لي ما أحب وما أكره"، وثقي إن اللي جاي أحسن. جربي دول خطوة بخطوة، وهتشوفي فرق في أسبوعين. لو عايزة نصائح أكتر، ابحثي في فدني عن "التكيف مع الظروف الصعبة" هتلاقي إجابات كتير، أو شوفي الخبراء هنا: https://www.fedni.net/experts. أنتِ قوية، وهتقدري! 💪❤️
تم النشر الخميس، ٢٦ مارس ٢٠٢٦
ما فكرتيش ليه ربنا وضعك في الأوضاع دي مع إنه قادر على إنه يضعك فيما تتمني ،، هل ده مش عدل ؟! لأ خالص ، ده حكمة من ربنا ويمكن اختبار من ربنا ليكي " وَكُلّ شَيءٍ عِنْدَهُ بِمِقْدَار"
تم النشر الجمعة، ٢٧ مارس ٢٠٢٦
لا تفكر انك تنفصل عن الحاجة ولكن فكر أنك تتحمل الألم والخسارة .. واحتسب الأجر
تم النشر السبت، ٢٨ مارس ٢٠٢٦
لعرض السؤال في فدني اضغط هنا