السلام عليكم، أنا عارفة الموضوع صعب قد إيه بس جايز اللي حصل مع بنت عمك هو الصفعة اللي كنت محتاجها والتنبيه اللي ربنا بعته لك عشان تراجع نفسك وتصحح مسارك. كان ممكن تصرفها يبقى غير كده وتقول للأهل وتعمل لك فضيحة وتبقى مشكلتك أكبر، وأيًا كان أسباب رد فعلها فأرجو إنك تستغل الفرصة دي فعلا في إنك تصحح كل الغلط اللي في حياتك. البنت الصغيرة لا تستبعد إن الموضوع يترك أثر عليها فحاول تاخد رأي أخصائي في النقطة دي. ** بنت عمك الكبيرة، اعتذر لها مرة كمان وقل لها إنك تبت وبتحاول تتعافى وبعد كده ركز على علاجك، متخليش تركيزك إنك تحصل على رضاها وخليك متفهم رد فعلها الطبيعي وتكون مستعد إنها حتى ممكن متغيرش رأيها أبدًا فاللي يهمك حقيقي هو ربنا. ركز إنك تتغير عشان ربنا يرضى عنك وربنا في النهاية هو مالك القلوب فقادر يغير نظرتها بعدين لكن متخليش ده الدافع. **** نقطة كمان، كويس إنك حاسس بالذنب والقرف تجاه الإباحية لكن بلاش تغرق في إحساس القرف تجاه النفس والدونية عشان ده مدخل كبير للشيطان عشان يخليك تيأس وتقول في الآخر ما هي كده كده خربانة ويخليك تكمل في نفس الطريق اللي هيدمرك. فحس بالذنب وارجع لربنا لكن متخليش الشيطان يوهمك إن مفيش فائدة. **** بالنسبة لإدمان الإباحية، فاللي حصل معك هو النتيجة المتوقعة من غسيل المخ اللي بيحصل لمُشاهد الإباحية واللي بيفضل ينحدر به لحد ما يلغي خالص قدسية المحارم ويخرجه برا حدود الإنسانية. ** التعافي مش مستحيل لكن هيحتاج أكيد منك وقت وجهاد وصبر فخلي أمام عينيك قول الله سبحانه وتعالى (والذين جاهدوا فينا لنهدينهم سبلنا) جدد نيتك واستعن بالله وربنا أبدًا مش هيرد شخص بيحاول يستقيم. *** الإدمان ده برمجة لعقلك على مدار سنين فهتحتاج برمجة معاكسة للأفكار والصور اللي تشبعت بها، حاول كل يوم تكتب الأسباب اللي تلزمك تستمر في الجهاد ضد الإباحية. زي مثلا، إنك مش عاوز تنحدر من الإنسانية للبهيمية. إنك لو استمريت فهتكرر أذية محارمك وحتى نظرتك لهم مع الوقت هتفقد حرمتها ولا قدر الله ممكن تنحدر لأسوأ من ده. إنك مش عاوز تشارك في صناعة حقيرة بسببها بيتم خطف ناس وأطفال من الجنسين وإجبارهم على ده. فكر نفسك كل ما الشيطان يوسوس لك تفتح فيديو إن ممكن قوي حد من الناس دي اتخطف وتأذى بأبشع الطرق وما زال بيعاني وأنت للأسف مشاركهم في الجريمة. ممكن تقعد تعد من هنا للصبح في أسباب وتكررها على نفسك كل يوم لحد ما تتبرمج في عقلك وتشعرك بالاشمئزاز كل مرة هتفكر فيها تفتح فيديو. **** أرشح لك تشوف سلسلة عن إدمان الإباحية والتعافي منها (من 3 فيديوهات ممتازة) على قناة وليد طه أرجو إنها تضعك على أول طريق التعافي بجد، هتلاقي روابط الفيديوهات في إجابتي على السؤال ده https://www.fedni.net/q/68630438/كيف-أتخلص-للأبد-من-إدمان-الإباحية?answer=671421421cd0130b145b8aa9 طولت في إجابتي بس حبيت أنبهك لكم نقطة وإن شاء الله أكون أفدتك. ربنا يقويك ويساعدك على التعافي إن شاء الله.
العفو مفيش أي تطويل، أرجو إن ردي والفيديوهات يساعدوك أو يكونوا خطوة فارقة في طريقك للتعافي بإذن الله. ربنا يوفقك.
تم النشر الجمعة، ٢٨ نوفمبر ٢٠٢٥
شكرا ليكي بجد وكلامك ده عطاني حافز كبير اني اجاهد ضد القرف ده وان شاء الله مع الوقت هبطل وهبقى انسان حر من الشهوات ومكنش عبد للشهوات دي تاني وبالنسبة لبنت عمي الحمدلله اتكلمت معاها وحاولت افهمها وهي ادركت ده تمامًا وسامحتني واتمنى ان يكون من قلبها وبصراحة حقها عشان دي مش حاجه عاديه بس يلا خلاص اللي حصل حصل واتعلم من اخطائي دي وربنا يعيني اني مكررهاش تاني ومعلش اني طولت معاكي في الكلام وشكرا ليكي مره تانيه
تم النشر الأربعاء، ٢٦ نوفمبر ٢٠٢٥
لعرض الإجابة في فدني اضغط هنا