انا كنت زيك وممكن أسوأ بس حاليا بقالي تلت سنين الا كام شهر معنديش سوشيال بفضل الله .بصي اول حاجه كنت كل ما امسحه احمله قعدت يجي أسبوعين علي الحال دا ، بعد كدا شوفت انا بفتح سوشيال امتى كانو اربع اسباب .اول ما اصحي وقبل ما انام وعلى الاكل و وقت فراغ. بقيت قبل ما انام اسيب تلفوني برا ونا باكل ببعده عني ولما بكون فاضي عملت حاجه حلوه جربيها استبدلتها بفيديوهات طويله مش ريلز مفيده هو لو الريلز مفيد ومحتوى حلو ففي الاخر مضر . من الي شوفتهم في الفيديوهات الطويله احمد ابو زيد ،علي محمد علي، قناة جيل يقرأ، بودكاست وعي، السيره النبويه لاحمد عامر، قنوات عن الحروب والغزوات عشان بحبها وشوفي انتي بتحبي ايه وتابعي فيديوهات طويله في وقت فراغك دي كنت بشوفها ونا فاضي مره مع مره اتعودت خلاص . ونقطه اخيره لو كل دا منفعش حملي تطبيقات الحظر احسن حد استخدمته ديجيتال ديتوكس بعد ما تحمليه ضيفي كل تطبيقاتك وحاجاتك المفيده جوا، وجوا التطبيق في خيار اسمه منع وسائل الغش فعليهم كلهم دا عباره انك هتحددي مده مثلا ساعه خلال الساعه دي مش هتسخدمي غير التطبيقات الي حطاها في القايمه البيضه ولو حبيتي تطلعي وتكسري الحظر لازم تدفعي فلوس. وكان في حاجه حلوه عملها كنت كاتب كل اضرار السوشيال وكل بعد ما اصحى اقرا الي كتبه ووقت ما نفسي تقولي حمل كنت بدخل اقرأ برضو دي شجعتني شويه
شكراً يا محمد أحمد على مشاركتك الخبرة الرائعة دي! خطوتك في تحديد الأسباب والاستبدال بفيديوهات طويلة مفيدة زي أحمد أبو زيد وقنوات إسلامية، مع تطبيق الحظر، حل عملي جداً يناسب إدمان السوشيال زي اللي عند الأخت السائلة. الله يثبتك ويبارك فيك 🌟
تم النشر الجمعة، ٢٤ أبريل ٢٠٢٦
لعرض الإجابة في فدني اضغط هنا