أنا في أولى جامعة ومنتقبه
بحس إني دايما عاوزه أكون لوحدي في عزلة أعمل كل حاجه مع نفسي
بعرف أتعامل مع الناس بحب وود ولكن بزهق وبكون عاوزه أقعد لوحدي
حتى مشاركة الأفراح لو نزلت حاله فيها صورة للكلية أو أي ذكرى جميله بمسحها تاني لإني مش عاوزه حد يعرف عني أي حاجه
هل ده طبيعي ولا لأ
قبل أي حاجة، الرغبة في إن الشخص يكون نفسه في حياة خصوصية ده شئ أساسي لأن حتى ديننا دعى لكده و بعدة اشكال، فرغبتك في أنك تحوزي على حياة خصوصية ده شئ طبيعي جداً و يفضل كمان. أولا بما أنك في سنة أولا جامعة و كمان منتقبة فأنتي أكيد شوفتي حاجات غريبة أو مش معتادة في الجامعة بنسبالك، يعني إى؟ البيئة المحيطة و المجتمع و الشباب و الآنسات و حتى الدكاترة.(أظن كده وصلك الفكره) ثانيا أثناء المرحلة العمرية و تحديداً اللي أنتي فيها 17/18/19 أنتي بتمري بتغيرات فكرية و نفسية علشان التغيرات اللي بتحصل في البيئة اللي أنتي فيها حالياً و غير أنك بتتعرضي لافكار جديدة فده طبيعي أنك تحسي إنك لازم تدخلي في وضع الدفاع عن النفس خصوصاً لما يكون اللي بيحصل بيناقض اللي اتعلمتيه من تقاليد اجتماعية و حياة دينية. ثالثًا خدي بالك أنك هتشوفي أفعال كتير مش محبوبة فممكن يطلع منك كلام مش صح تجاه الشباب اللي هتشوفيهم فخدي بالك علشان أقدارنا من أفوهنا و اعرفي إن محدش فينا أحسن من التاني إلا البتقوى فدائما و أبدأ ادعي زي ما حبيبنا و رسولنا علمنا (الحديث في صورة تحت) رابعا لما تنزلي استوري عادي متبقيش قلقانة من ردة فعل حد أو خوف ناس تعرف عنك حاجة كده كده هيا 24 ساعة و هتختفي ولكن لو ده بيسببلك قلق فيفضل متحطيهاش أو لو هتحطيها تخلي ناس معينة اللي تشوفها. طيب نيجي للسؤال المهم أزاي اتعامل مع كل ده؟ بكل بساطة اتعاملي زي ما دينا و رسولنا الحبيب اتعامل. اتعاملي باخلاقك و تربيتك و في نفس الوقت خلي عقلك شغال بحيث أي حاجة تحصل تتوزن بالعقل و الدين. بلاش تخلي في حياتك صحبة مش طيبة من زملائك لأنك في الأول و الآخر فترة و هتعدي معاهم مش شرط يكملوا معاكي فخدي بالك و أنتي بتتعاملي معاهم و اعرفي مين كويس تدخليه حياتك و مين لأ لأن الصاحب ساحب زي ما بيقولوا، و افتكري سيدنا محمد صلى الله عليه وسلم لما جيه يهاجر مقالش لأي حد من الصحابة يرافقه، قال لسيدنا ابو بكر دونا عن الكل. ملحوظة :ضيفتلك تحت صور ممكن تساعد برضوا و اتمنى يكون في إفادة..
تم النشر الثلاثاء، ٢٢ سبتمبر ٢٠٢٦
دا طبيعي علشان لسه جديدة علي كل حاجه حاولي تكوني عادي لوحدك وفي نفس الوقت تصاحبي ناس كويسه بس انتى كدا عشان لسه في الاول متقلقيش ان شاء الله ومتثقش في حد بسهوله الا لما تصاحبي حد كويس ربنا يوفقك يارب ان شاء الله
تم النشر الثلاثاء، ٢٢ سبتمبر ٢٠٢٦
نعم، اللي بتحسي بيه طبيعي جدًا في مرحلة الجامعة، خاصة لو أنتِ شخصية انطوائية بطبيعتها. كتير من الفتيات في أولى جامعة بيحسوا برغبة قوية في العزلة بعد فترة من التفاعل الاجتماعي، لأن الدماغ بيحتاج وقت لإعادة شحن الطاقة. قدرتك على التعامل بود مع الناس ثم الرغبة في الانسحاب مش تناقض، ده ببساطة يعني إنك بتستمتعي بالعلاقات لكن مش بتستمدي طاقتك منها بشكل أساسي. الجزء اللي بيخص مسح الصور والذكريات بعد ما تنزليها ممكن يكون مرتبط برغبة في الخصوصية أو خوف من الحكم أو حتى مجرد تفضيل شخصي لعدم مشاركة التفاصيل. ده مش بالضرورة مشكلة، لكنه إشارة تستحق التأمل: هل بتمسحيها لأنكِ فعلاً مش عايزة تشاركي، ولا لأن فيه قلق داخلي بيظهر بعد اللحظة؟ جربي تكتبي في مذكرة صغيرة كل مرة بتحسي فيها كده، عشان تفهمي السبب الحقيقي ورا الرغبة دي. من منظور إسلامي، العزلة للتأمل والعبادة أمر محمود، لكن الحفاظ على صلة الرحم والتواصل الإيجابي مع الآخرين أيضًا من القيم المهمة. حاولي توازني بين الاثنين بخطوات صغيرة عملية، زي حضور نشاط جامعي واحد في الأسبوع أو الرد على رسالة صديقة بكلمات بسيطة دون الالتزام بمشاركة كبيرة. لو الشعور ده بدأ يأثر على دراستك أو يخليكِ تشعري بالوحدة الثقيلة، ممكن تبحثي عن أسئلة مشابهة على فدني عشان تشوفي تجارب أخرى وتستفيدي من وجهات نظر متنوعة. أنتِ مش لوحدك في الإحساس ده، وكل خطوة صغيرة بتاخديها هتساعدكِ تفهمي نفسك أكتر.
تم النشر الاثنين، ٢١ سبتمبر ٢٠٢٦
هو عادي يا قلبي انا كدا برضو بس انا بحاول اكون اجتماعيه شويا وسعات باجي علي نفسي بس خليكي اجتماعه هتلاقي الموضوع سهلا
تم النشر الأربعاء، ٢٣ سبتمبر ٢٠٢٦
طبيعي جدا. بس حاولى تبقي مرنه شويه علشان موضوع الوحده ده مش عايزينه يزيد
تم النشر الثلاثاء، ٢٢ سبتمبر ٢٠٢٦
بصي يا بنت الحلال ولا تقلقي خالص ده طبيعي جدا في أول الكلية لأن المكان جديد والناس جديدة ودماغك محتاجة وقت تستوعب زحمة المرحلة دي إنتي مش مريضة ولا فيكي حاجة غريبة إنتي بس شخصيتك بتميل للهدوء وبتحبي تحافظي على خصوصيتك وده حقك خديلك وقتك واقعدي مع نفسك براحتك واشحني طاقتك بس في نفس الوقت متقفليش الباب خالص في وش الدنيا وخلي ليكي أصحاب طيبين يكونو معاكي ومن غير ما يضغطوكي وافتكري دايماً إن الخصوصية والستر نعمة كبيرة وإنتي صح في اللي بتعمليه فاهدي كده وطمني قلبك كله هيعدي .وجد والله ربنا يحفظك ويوفقك لما يحب ويرضى
تم النشر الثلاثاء، ٢٢ سبتمبر ٢٠٢٦
لعرض السؤال في فدني اضغط هنا