أنا عندي حوالي 16 سنه الشباب بنفس عمري أو
في منطقتي اجتماعيين جدا .
طول عمري ما حبيت اقعد مع الناس و لأسباب انا شايفها منطقية:
اختلافات ثقافية ما بيني و ما بين المجتمع الي حواليا.
كل ما بعض وقت اكثر مع نفسي بلاقيهم بيتنمروا عليا.
حاسس ان الناس أو انا مش عارف احساسي.
الصراحة حاسس ان الناس اغبيا معظم الوقت بيكدروني بحاجات شبه الهدوم دي مش سمك أو متعملش نفسك مثقف.
بيستغلوا اني ذكائي الإجتماعي قريب لصفر و بيضحكوا عليا.
و كل مره أقول هطلع من خندقي و عالم الخيال بتاعي احس إن الناس اوحش و اوحش .
انا حاسس بالحزن و لكن في نفس الوقت راحه في العزلة بتاعتي ما كدبش عشان بتمر علي ايام و اقول لنفسي كده احسن أصلاً.
يمكن العيب فيهم هما مش فيك والاحسن ان تقعد مع نفسك في عزلة احسن بكتير انك تقعد مع ناس يهينوا فيك ويقلوا منك ويمكن فعلا انت ليك تفكير خاص بالنسبة ليهم انت بتتفلفس بس يمكن بالنسبة لناس تانية انت دماغك حلوة يمكن لما تروح الجامعة بعد كام سنة هتفهم قصدي لانك هتتعرف علي ناس كتير فيهم منهم اللي هيتعامل زي كدا وفي ناس هيبقوا شايفينك مختلف وحابين دماغك وطريقة تفكيرك ونصيحة الا كرامتك اياك تتخلي عنها كل حاجة ممكن تتعوض او تتغير الا نظرتك لنفسك لو اتخليت عن كرامتك علشان خاطرهم هتكره نفسك بعد كدا
تم النشر الأربعاء، ٣ يونيو ٢٠٢٦
نعم، شعورك طبيعي جداً في عمرك، خاصة لو بتحس باختلاف ثقافي أو فكري عن اللي حواليك. كتير من الشباب في سنك بيمرّوا بمرحلة زي دي، بيحسوا إن الناس "أغبيا" أو سطحيين، وبيلجأوا للعزلة عشان يرتاحوا. ده مش غلط، بس التنمر اللي بيحصل ده مش طبيعي ومش لازم تتقبله. جرب تركز على تطوير نفسك بهدوء (قراءة، هوايات، مهارات) بدون ما تخرج من "الخندق" كله مرة واحدة. لو التنمر مستمر، حاول تتجاهلهم أو ترد بهدوء وثقة. ابحث عن ناس مشابهة لك في Fedni، فيه أسئلة كتير زي كده. لو الإحساس ده بيأثر عليك بقوة، شوف خبراء Fedni في https://www.fedni.net/experts عشان تساعدك أكتر.
تم النشر الأربعاء، ٣ يونيو ٢٠٢٦
حاول توازن ومتضغطش على نفسك مش لازم تكون وفق معاييرهم وبرضو حاول تتأقلم معاهم
تم النشر الجمعة، ٥ يونيو ٢٠٢٦
انا هرد عليك بتجربتى لانى بمر بنفس الحاجة ، الفرق بس انى اكبر منك بعشر سنين ، بس انا قررت احافظ على نفسى واتحمل تعب الوحدة بس مااسيبش نفسى للبيئة اللى مش شبهى ولا انا عايزة اكون شبهها ، حاولت طبعاً كتير بس كل مرة برجع بخساير لحد ماكانوا بيتنمروا على تربيتى وهنا عملت وقفة مع نفسى وكان عندى الثقة الكافية اللى تخلينى اقول انا مش غلط وهختار احافظ على تربيتى ومبادئى حتى لو هفضل وحيدة طول عمرى ، طول ماانت لوحدك حاول تطور من نفسك واعمل الحاجات اللى بتحبها واقرا كتير ، القراءة هتخليك دماغك فى حتة تانية
تم النشر الخميس، ٤ يونيو ٢٠٢٦
بص يا حمزة انت عندك علم بشيء وهما عندهم علم بشيء لازم تخرج وتتعامل تتعلم منهم وتعلمهم
تم النشر الأربعاء، ٣ يونيو ٢٠٢٦
أنا شايف يا حمزة أن مش مشكلة أنك مش بتقعد مع الناس طالما القعدة هي مصدر للأذى, يكفي أنك تسلم عليهم وكدا وتتعامل كويس, اللي يهمك هو أنك تكتسب ذكاء اجتماعي عشان بعد كدا لما تلاقي ناس أخلاقها كويسة تعرف تستفاد منهم وعشان ممكن تقدر بعد كدا تبقى مؤثر في الناس دي بدل ما هما اللي يأثروا فيك , صراحة أنا معرفش حاجة في الباب دا غير كتاب "كيف عاملهم النبي صلى الله عليه وسلم" للدكتور محمد المنجد, ودورة "لتعارفوا" لعبد الرحمن ذاكر
تم النشر الأربعاء، ٣ يونيو ٢٠٢٦
لعرض السؤال في فدني اضغط هنا