انا مش هخفى هويتى انا شخصية كبرت بتروما الأب منذ الطفولة وللاسف التروما وذكريات الماضى بتلاحقنى فى اختياراتى لما يسمى بشريك الحياة ،
انا عايزة أسأل سؤال وأحد ويا ريت حد يجاوبني عليه بالعقل ، ربنا وعدنا أنه بيعوض فى الآخرة والدنيا احيانا قبلها ،
وفى ساعة كدا قاعدة مع نفسى سألت سؤال لنفسى هو فى الآخرة هنتعوض عن كل حاجة يعنى إلى عمل صالحاً هيدخل الجنة والى متجوزش هيتجوز من حور العين كل حاجة لها تعويض
انا هتعوض أزاى عن انى اتحرمت من أبويا أو أنى اتصبت بتروما عقدتني والى مفروض أعيشه معيشتوش عايزة حد يرد عليا بالعقل من فضلكم بدون تجريح
السلام عليكم، ربنا يعوضك خير ويقويكِ تتخطي اللي مريتِ به. هو الأكيد إن ربنا عدل... اللي ظلم هيتحاسب على ظلمه واللي اتظلم ربنا هيرد له حقه. الأب طبعا مسؤول أمام ربنا عن أولاده (كلكم راع وكلكم مسؤول عن رعيته) إذا الأب قصر في حق أولاده أو ظلمهم فربنا هيحاسبه على ده وإن شاء الله ربنا هيعوضك عن أي أذى مريتِ به. لكن متفضليش شاغلة بالك بالكيفية. مش مهم إزاي وامتى ربنا هيعوض... اللي عند ربنا مش بيضيع. ** المهم دلوقتي إنك متسمحيش للماضي إنه يفضل متحكم في حياتك إلى ما لانهاية. فيه وضع لقيتِ نفسك فيه، خلاص مش مهم اللي فات، المهم أخرج منه وميفضلش فوق كتافي مانعني أواصل تقدمي في الحياة. لازم تتابعي مع مختص يساعدك تتخلصي من التروما اللي عندك لو مش هتقدري على ده لوحدك. أنا عارفة موضوع الحرمان من شيء ما صعب وإنك بتدوري على تعويض للحرمان ده تحديدًا لكن افتكري إن ناس كتير جدا عاشت نفس الحرمان لظروف مختلفة وإن حياتنا كبشر لازم فيها نقص في جانب. هتلاقي غيرك محروم من حاجة هي عندك والعكس، فمتخليش دي مشكلة ترهقك نفسيًا وتزيد من الحواجز اللي بتمنعك عن الحياة اللي تستحقيها. وأعتقد إن دخول الجنة كاف يعوض عن أي حرمان في الدنيا، وساعتها مش هتفكري أصلا نوع العوض اللي كنتِ عاوزاه بالتحديد. فربنا يجعلنا وإياك من أهلها إن شاء الله.
تم النشر الخميس، ٢٣ أكتوبر ٢٠٢٥
كلامك جميل على فكره وتفكيرك حلو وبتسألى سؤال كويس وبيفتح باب حلو للنقاش بصى بقى ياست البنات أولا هل احنا ربنا هايعوضنا عن كل حاجة حصلت لينا =أيوه طبعاً وعوض كبير اوى كمان وفعلاً هو عوض عن اى حاجه تتخيلها او متتخيليهاش اما بقى هايعوضنا ازاى ف دى حاجه بتاعة ربنا مش بتاعتنا احنا لينا أن ربنا وعدنا انه هايعوضنا عن الصبر والألم والحزن والشقاء وكل حاجه وما أدراكى ماعوض الله اما بقى عن والدك ف لا أحد يعوض مكانة الأب ولا حنيته ومساندته ووجوده فى حياتك ولكن هذا فى الحياة محدش هايقدر يعوضك عن والدك فى الحياه الدنيا إلا رب العالمين طبعاً طب فى الأخره انا هنا بقى عايزه اقولك حاجه احنا مش محتاجين اى حاجه فى الجنه عشان نعرف ان ربنا عوضنا ازاى انا اقولك دخولنا الجنه اصلا ده أكبر عوض ربنا هايعوضهولنا لأن أصلا ليس عمل المؤمن هو ما يدخله الجنه بل يدخل الجنه برحمة الله عز وجل لا بعمله ف دخولك الجنه أصلا هو العوض ذات نفسه طب هل الله عز وجل اكتفى ان دخولنا الجنه يكون عوض لينا =لا بل الله عز وجل قال أعددت لهم فيها مالا عينٌ رأت ولا أذن سمعت ولا خطر على قلب بشر ف انتى اول ماهاتدخلى الجنه هاتنسى كل حاجة ومش هاتبقى عايزه حاجه تانيه أصلا ولو قعدتى بس على باب الجنه هاتبقى راضيه وعايزه اقولك حاجه مش غلط ولا عيب انك تدعى ربنا يعوضك بشخص فى الدنيا يقدر انه يعوضك عن والدك مفيش حد بيعوض غياب الأب لكن الله عز وجل قادر على كل شيء ولة اجابتى افادتك قوليلى ولو فى نقطه تانيه تحبى نتناقش فيها ف انا هاكون سعيده بالنقاش ده
تم النشر الخميس، ٢٣ أكتوبر ٢٠٢٥
أهلاً يا فاطمة، وأشكرك على صراحتك وشجاعتك في مشاركتك هذه المشاعر العميقة والمؤلمة. موضوع فقدان الأب أو الحرمان منه، خاصة إذا كان مصحوبًا بصدمات نفسية، هو تجربة صعبة جدًّا وتترك أثرًا كبيرًا في حياة الإنسان، خصوصًا في تشكيل نظرتنا للعلاقات ولأنفسنا. دعيني أساعدك في تفكيك السؤال والإجابة عليه بشكل هادئ وواقعي مع احترام ما تقولينه: التعويض في الدنيا والآخرة: الله سبحانه وتعالى وعد بالجزاء العظيم في الآخرة، وهناك حقًا تعويض من عنده لكل من صبر وآمن وعمل صالحًا. هذا وعد عظيم للساعة الأخيرة، ولكنه لا يعني أن ألم الحياة وتروما الصدمات النفسية يمكن أن تُمحى أو تُنسى ببساطة. البلاء والاختبار في الدنيا قد يكونان جزءًا من حكمة لا يعلمها إلا الله. التعويض عن فقد الأب أو الحرمان منه: لا يوجد أحد يمكنه أن يعوض مكان الأب الحقيقي أو يشعر بنفس الحب والأمان الذي كان يجب أن يكون. لكن هناك خطوات يمكن أن تساعدك على بناء حياة أفضل، علاقات صحية، وتحمل العنصر الإيجابي في حياتك. يمكنك أن تعملي على تطوير نفسك وتعزيز قوتك الداخلية من خلال علاج نفسي متواصل، وهو أمر مهم ويتطلب وقتًا، لكنه يعينك على التحرر من الذاكرة المؤلمة ويقويك لمواجهة الحياة. اختيارات شريك الحياة وتأثير التروما: من الطبيعي أن تؤثر ذكريات الطفولة وتروما الأب على توقعاتك وعلاقاتك، وهذا ما يحصل مع كثير من الناس. ولكن يمكنك أن تعمل على أن تكون وعيك أكبر في اختياراتك، وأن تعطي نفسك الفرصة للشفاء والارتقاء، وربما بمساعدة مختص نفسي يساعدك على فهم جذور مشاعرك وكيفية التعامل معها. الجانب الروحي والديني: في الإسلام، الثقة بالله والرضا بالقضاء والقدر مكتوبة في حياة كل مؤمن. لا يعني هذا أن نشعر بالعجز، لكن أن نسعى لكل أسباب الخير ونتوكل على الله. كما أن العلاقة الروحية مع الله يمكن أن تعطيك دعمًا نفسيًا ومعنويًا كبيرًا، وتذكير دائمًا أن الله قريب يسمع دعائك ويرى صبرك. نصيحتي لك: لا تترددي في البحث عن دعم نفسي متخصص، فالعلاج النفسي لم يعد عيبًا أو ضعفًا بل هو خطوة قوة ووعي. ابحثي عن أنشطة ورحلات تعزز من تواصلك مع نفسك وتفتح لك آفاق أمل جديدة. ثقي أن الله ليس بغافل عما تمرين به، وسيعوضك بخير وأفضل. أنا ذكية موجودة دائمًا لدعمك وإذا أحببتِ يمكنني مساعدتك في توجيهك إلى خبراء نفسيين في فدني يمكنهم مساعدتك بشكل مباشر ومتخصص. أيضًا، أنصحك بالبحث في فدني عن مواضيع مشابهة كثيرًا يمكن أن تجدين تجارب وأفكار تساعدك. فاطمة، لا تنسي أبدًا أنك قوية، والألم الذي تشعرين به قابل للشفاء والتغيير، وربنا مع الصابرين دائمًا. هل تحبين أن أساعدك في خطوات عملية لتبدأي بها؟ أو تودين أن نناقش جزءًا معينًا من تجربتك؟
تم النشر الأربعاء، ٢٢ أكتوبر ٢٠٢٥
عوض الله يأتي بعد تعب وصبر لدرجة أنه ينسيك كل ما فقدت، وأنه دائمًا يأتي بما هو خير وأفضل من المفقود نفسه. يُقال إن عوض الله إذا حلّ، أنساك ما فقدت ثم يعوضك الله بما يليق بقلبك، ويكون أجمل وأعظم مما كنت تتخيل، لأنه يأتي بعد الصبر
تم النشر الأربعاء، ٢٢ أكتوبر ٢٠٢٥
خلينى اتكلم عكس الناس شوية.. سؤالك انتى هتتعوضي ازاى ؟.. انتى متأكدة انك هتتعوضي واثقة من كدا؟.. مع ان وارد جدا ان دا ميحصلش! - ع الاقل فى الدنيا - .. فأنتى مينفعش تكونى رابطة فكرك ودماغك بفكرة معينة ومستنياها.. الصح انك تتعاملى مع المشكلة وتصلحيها بنفسك مش تستنى حاجة.. عندك تروما ودا مشوش تفكيرك ومأثر على اختيارك يبقى تتعلمى تختارى ازاى وتواجهى مخاوفك من الفكرة متسبيش نفسك لافكارك السلبية..
تم النشر الخميس، ٢٣ أكتوبر ٢٠٢٥
بصى يحبيبتى ربنا بيعوض عن الآلم اللى عشناه ممكن يعوضك بزوج صالح بتعليم ينفعك و يعلي قدرك بأولاد صالحين بمال كتير صدقينى ربنا بيعوض بحاجات كتير جميله بس احنا نصبر و نتقي الله فى نفسنا و نبعد عن الحرام و نطيع ربنا ربنا يوفقك ويسعدك فى حياتك يارب ويعوضك خير 🤍🤍
تم النشر الأربعاء، ٢٢ أكتوبر ٢٠٢٥
لعرض السؤال في فدني اضغط هنا